ରାମରହିମ ପରେ ବାବା ଫଳାହାରୀ ମହାରାଜଙ୍କ ବିରୋଧରେ ଦୁଷ୍କର୍ମ ମାମଲା
କନକ ବ୍ୟୁରୋ: ସାଧ୍ୱୀ ଦୁଷ୍କର୍ମ ମାମଲାରେ ବାବା ରାମ ରହିମ ଦୋଷୀ ସାବ୍ୟସ୍ତ ହୋଇ ୨୦ ବର୍ଷ ଜେଲ୍ ଦଣ୍ଡ ପାଇବାପରେ ଏବେ ଅନ୍ୟ ଆତ୍ମଘୋଷିତ ବାବାମାନଙ୍କ କଳା କାରନାମା ବି ପଦାରେ ପଡ଼ିବାରେ ଲାଗିଛି । ରାମ ରହିମଙ୍କ ପରେ ଏବେ ଫଳାହାରୀ ମରାରାଜାଙ୍କ ପାଳି ପଡ଼ିଛି । ରାଜସ୍ଥାନର ଅଲଓ୍ଵରର ୭୦ ବର୍ଷିୟ ଆତ୍ମଘୋଷିତ ଧର୍ମଗୁରୁ କୌଶ୍ଲେନ୍ଦ୍ର ଫଳାହାରୀ ମହାରାଜା ଜଣେ ୨୧ବର୍ଷିୟା ଆଇନ ବିଦ୍ୟାର୍ଥୀଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ପୁଲିସ ସୂତ୍ରରୁ ପ୍ରକାଶ ଯେ, ଉକ୍ତ ମହିଳାଜଣଙ୍କ ଫଳାହାରୀ ମହାରାଜଙ୍କ ଭକ୍ତ ଥିଲେ ଏବଂ ତାଙ୍କ ପରିବାର ସଦସ୍ୟ ଗତ ଦୁଇ ଦଶନ୍ଧୀ ଧରି ବାବାଙ୍କ ଭକ୍ତ ଥିଲେ । ତେବେ ନିକଟରେ ମହିଳା ଜଣଙ୍କ ବାବାଙ୍କ ସୁପାରିଶ କ୍ରମେ ଏକ କମ୍ପାନୀରେ ଇଣ୍ଟର୍ଣ୍ଣସିପ୍ କରୁଥିଲେ ଏବଂ ଷ୍ଟାଇପେଣ୍ଡ୍ ବାବଦରେ ସେ ଯେଉଁ ଟଙ୍କା ପାଇଥିଲେ ସେଥିରୁ ୩,୦୦୦ ଟଙ୍କା ସେ ବାବାଙ୍କୁ ଦେବାଲାଗି ଅଗଷ୍ଟ ୭ ତାରିଖରେ ଯାଇଥିଲେ କିନ୍ତୁ ବାବା ସେହି ସମୟରେ ତାଙ୍କ ସହ ଦୁଷ୍କର୍ମ କରିଥିବା ସେ ଅଭିଯୋଗ କରିଛନ୍ତି । ବିଳାଶପୁରର ଏହି ମହିଳା ଜଣଙ୍କ ବାବା ତାଙ୍କ ସହ ଦୁଷ୍କର୍ମ କରିଥିବା ନେଇ ସେପ୍ଟେମ୍ବର ୧୧ ତାରିଖରେ ପୁଲିସରେ ଏଫଆଇର ଦାଏର କରିଥିଲେ ।
୧୫ ବର୍ଷ ପୂର୍ବେ ୨ ସାଧ୍ୱୀଙ୍କୁ ଦୁଷ୍କର୍ମ ଅଭିଯୋଗରେ ବାବା ରାମ ରହିମ ଦୋଷୀସାବ୍ୟସ୍ତ ହେବାର ମାସକ ପରେ ମହିଳା ଜଣକ ଏହି ଅଭିଯୋଗ ଆଣିଛନ୍ତି । ପୁଲିସ କହିଛି ସିଂଙ୍କୁ ଦଣ୍ଡ ମିଳିବାପରେ ମହିଳାଜଣକ ନିଜ ଉପରେ ହୋଇଥିବା ଅନ୍ୟାୟ ବିରୋଧରେ ପାଟି ଖୋଲିଛନ୍ତି । ବାବା ତାଙ୍କୁ ବିଚାରପତି କରିଦେବେ ବୋଲି କହି ତାଙ୍କ ସହ ଛଳନା କରିବାସହ ତାଙ୍କ ସହ ଦୁଷ୍କର୍ମ କରିଥିଲେ ବୋଲି ମହିଳା ଜଣକ ଅଭିଯୋଗ କରିଛନ୍ତି ।