ରାମଗୋପାଲ ବର୍ମାଙ୍କ ଟ୍ୱିଟକୁ ରାକ୍ଷୀ ସାୱନ୍ତଙ୍କ ସମର୍ଥନ ! କହିଲେ, ‘ସବୁ ମହିଳା ସନ୍ନି ଲିଓନିଙ୍କ ପରି ହୁଅନ୍ତୁ’
ସନ୍ନି ଲିଓନିକୁ ନେଇ ରାମଗୋପାଲ ବର୍ମାଙ୍କ ଦ୍ୱାରା କରାଯାଇଥିବା ବିବାଦୀୟ ଟ୍ୱିଟ ମାମଲା ଏ ଯାଏଁ ଥଣ୍ଡା ପଡିନି କି ଏବେ ରାକ୍ଷୀ ସାୱନ୍ତ ସନ୍ନି ଲିଓନିକୁ ନେଇ ପୁଣି ବିବାଦୀୟ ମନ୍ତବ୍ୟ ଦେଇଛନ୍ତି । ଏଥିରେ ମାମଲା ଖୁବ ଗମ୍ଭୀର ହୋଇଯାଇଛି । ରାକ୍ଷୀ ସାୱନ୍ତ ରାମଗୋପାଲ ବର୍ମାଙ୍କ ଟ୍ୱିଟକୁୁ ସମର୍ଥନ ଜଣାଇ କହିଛନ୍ତି, ସବୁ ମହିଳା ରୋଷେଇ ଛାଡି ପୁରୁଷଙ୍କୁ ଖୁସି କରିବାର କଳା ଶିଖିବା ଦରକାର ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ହୋଇଥିବା ଏକ ଇଭେଣ୍ଟରେ ରାମଗୋପାଲ ବର୍ମାଙ୍କ ଟ୍ୱିଟକୁ ନେଇ କରାଯାଇଥିବା ପ୍ରଶ୍ନରେ ରାକ୍ଷୀ କହିଥିଲେ ରାମଗୋପାଲ ଯାହା କହିଛନ୍ତି ବିଲକୁଲ ଠିକ କହିଛନ୍ତି । ମୁ ତାଙ୍କ କଥାରେ ସହମତ, ଏହାସହ ସେ ସନ୍ନିଙ୍କ ବହୁତ ପ୍ରଶଂସା ମଧ୍ୟ କରିଛନ୍ତି । ଏହାସହ ରାକ୍ଷୀ କହିଛନ୍ତି କୌଣସି ଝିଅ ମିଳିଯିବା ପରେ ଜଣେ ପୁରୁଷ ନିଜର ୨୦ ରୁ ୩୦ ବର୍ଷର ସଂପର୍କ ଓ ପିଲାଙ୍କୁ ମଧ୍ୟ ଭୁଲି ଯାଆନ୍ତି ।
ରୋଷେଇବାସ ଛାଡି ପୁରୁଷଙ୍କୁ କିପରି ଖୁସି କରାଯାଏ, ସେ ନେଇ ମହିଳାମାନେ କୋଚିଂ ନେବା ଦରକାର ବୋଲି କହିଛନ୍ତି ବିବାଦୀୟ ନାୟିକା ରାକ୍ଷୀ । ଯେଉଁଠି ବିିବାଦୀୟ ଟ୍ୱିଟ କରିବା ପରେ ରାମଗୋପାଲଙ୍କ ବିରୋଧରେ ମାମଲା ରୁଜୁ ହୋଇ ତାଙ୍କୁ ଏକ ସିନେମା ସଂସ୍ଥା ବହିଷ୍କାର କରିଛି ସେଠାରେ ଏବେ ଆଗକୁ ଦେଖିବାକୁ ବାକି ରହିଲା ରାକ୍ଷୀ ସାୱନ୍ତଙ୍କ ଏହି ବୟାନକୁ ନେଇ କ’ଣ ପଦକ୍ଷେପ ନିଆଯାଉଛି ।