ବିମାନବନ୍ଦର ନାଁ ବଦଳିଲା ପରେ ଚର୍ଚ୍ଚା : କିଏ ନେବ ଶ୍ରେୟ, ‘ହାତ’ ଛାଡ଼ି ଶଙ୍ଖ ଧରିବେ କି ଝାରସୁଗୁଡ଼ା କଂଗ୍ରେସ ବିଧାୟକ !
ଖଟିରେ ଚର୍ଚ୍ଚା ୨୦୧୯ ନିର୍ବାଚନ ପୂର୍ବରୁ ହାତ ଛାଡ଼ି ଶଙ୍ଖ ଧରି ପାରନ୍ତି କଂଗ୍ରେସ ବିଧାୟକ । ବିମାନବନ୍ଦର ନାମକୁ ବଦଳାଇବା ପାଇଁ ମୁଖ୍ୟମନ୍ତ୍ରୀଙ୍କୁ ଭେଟି ପ୍ରଧାନମନ୍ତ୍ରୀଙ୍କୁ ଚିଠି ଲେଖିବା ସହ କେନ୍ଦ୍ରକୁ ଦାବି କରିବାକୁ ଅନୁରୋଧ କରିଥିଲେ ଝାରସୁଗୁଡ଼ା ବିଧାୟକ ନବ ଦାସ ।
କନକ ବ୍ୟୁରୋ: ଗତ ୧ ତାରିଖ ଦିନ କେନ୍ଦ୍ର କ୍ୟାବିନେଟର ମୋହର ବାଜିବା ପରେ ଝାରସୁଗୁଡ଼ା ବିମାନବନ୍ଦରର ନାମ ପରିବର୍ତ୍ତନ କରାଯାଇ ବୀର ସୁରେନ୍ଦ୍ର ସାଏ ବିମାନବନ୍ଦର ନାମରେ ନାମିତ କରାଗଲା । ଆଉ ବିମାନବନ୍ଦର ଉଦଘାଟନୀ ଉତ୍ସବରେ ପ୍ରଧାନମନ୍ତ୍ରୀ ମୋଦି ଦେଇଥିବା ପ୍ରତିଶ୍ରୁତି ପୂରଣ କଲେ । ବାସ୍ ଏହାପରେ ତ ଚର୍ଚ୍ଚା ଥମିବାର ନାଁ ନେଉନି । ବିଜେପି କେନ୍ଦ୍ରମନ୍ତ୍ରୀଙ୍କ ଠାରୁ ଆରମ୍ଭ କରି ମୁଖ୍ୟମନ୍ତ୍ରୀ ପର୍ଯ୍ୟନ୍ତ ଟ୍ୱିଟରରେ ଖୁସି ଜାହିର କଲେ , ହେଲେ ପ୍ରକୃତରେ ଏହାର ଶ୍ରେୟ କିଏ ନେବ ଏବଂ ‘ଶ୍ରେୟ’ର ଲଢ଼େଇରେ କାହାର ଫାଇଦା, ତାକୁ ନେଇ ଏବେ ଝାରସୁଗୁଡ଼ାରୁ ଭୁବନେଶ୍ୱର ଯାଏଁ ଚା’ ଖଟିରେ ଚର୍ଚ୍ଚା ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ଶୁଣିବାକୁ ମିଳୁଛି, ଯେଉଁ ଘୋଷଣା ପୂରଣ କରିବା ପାଇଁ ଦୀର୍ଘ ଦିନ ଲାଗିଗଲା ମୁଖ୍ୟମନ୍ତ୍ରୀଙ୍କ ଗୋଟିଏ ଚିଠିରେ ତାହାକୁ ଅନୁମୋଦନ କରିଦେଲେ କେନ୍ଦ୍ର ସରକାର । ତେବେ ଗତ ୨୭ ତାରିଖ ଦିନ ଝାରସୁଗୁଡ଼ା ବିଧାୟକ ନବ ଦାସ ମୁଖ୍ୟମନ୍ତ୍ରୀଙ୍କୁ ଝାରସୁଗୁଡ଼ା ବିମାନବନ୍ଦର ପ୍ରସଙ୍ଗ ନେଇ ସାକ୍ଷାତ କରିଥିଲେ । ଏହାର ଠିକ୍ ୪୮ ଘଣ୍ଟା ମଧ୍ୟରେ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଥିଲେ ନବୀନ । ଖଟିରେ ଚର୍ଚ୍ଚା ଜୋର ଧରିଛି ଯେ, ନିର୍ବାଚନ ପୂର୍ବରୁ ଉପପୂଳ ଓଡ଼ିଶାର ନେତାଙ୍କୁ ଶଙ୍ଖ ଫୁଙ୍ଖାଇବା ପାଇଁ ସଜବାଜ ହୋଇ ବସିଛନ୍ତି ନବୀନ । ଆଉ ଏହାର ଶୁଭ ମହୁରତ କୁଆଡ଼େ କଂଗ୍ରେସର ଟାଣୁଆ ନେତା ନବ କିଶୋର ଦାସଙ୍କ ଠାରୁ ହିଁ ଆରମ୍ଭ ହେବ ବୋଲି ଖଟିରେ ଶୁଣିବାକୁ ମିଳୁଛି ।
ତା’ମାନେ କ’ଣ ହାତ ଛାଡ଼ି ଶଙ୍ଖ ଧରିବେ କି ନବ ? ଏହା କିଛି ଅସମ୍ଭବ ବି ନୁହେଁ ଯେମିତି କଂଗ୍ରେସ ଦଳ ଭିତରେ କନ୍ଦଳ ରହିଛି ଏଭଳି ସମୀକରଣ କିଛି ଅସମ୍ଭବ ବି ନୁହେଁ । ସବୁଠାରୁ ବଡ଼ କଥା ହେଲା ଯେ ଗତ କିଛି ମାସ ତଳେ ସମ୍ବଲପୁର ଇବ୍ ନଦୀ ଉପରେ ସେତୁ ନିର୍ମାଣ ସମାରୋହରେ ନବୀନଙ୍କୁ ପ୍ରଶଂସାରେ ପୋତି ଦେଇଥିଲେ କଂଗ୍ରେସ ବିଧାୟକ ନବ ଦାସ । ଏବଂ ଶଙ୍ଖ ଧରିବାକୁ ମଧ୍ୟ ବୁଲେଇ ବଙ୍କାଇ ଇସାରା ଦେଇ କହିଥିଲେ ଯେ, ଝାରସୁଗୁଡ଼ବାସୀ ଯାହା ନିଷ୍ପତି ନେବେ ସେ ତାକୁ ପାଳନ କରିବେ । ତେବେ ଏହା ଦର୍ଶାଉଛି ଯେ ନିର୍ବାଚନୀ ଋତୁରେ ବିଭିନ୍ନ ଦଳରେ ଅଦଳ ବଦଳ ହେବା ସ୍ୱାଭାବିକ ପ୍ରକ୍ରିୟା କିନ୍ତୁ କଂଗ୍ରେସ ବିଧାୟକଙ୍କୁ ଲାଗୁଛି ଶଙ୍ଖ ଧରିବାକୁ ଯେମିତି ଗୋଡ଼ କାଢ଼ି ବସିଛନ୍ତି ଆଉ ଅପେକ୍ଷା ଶୁଭ ମହୁରତକୁ । ଏହାରି ମଧ୍ୟରେ ଝାରସୁଗୁଡ଼ା ବିମାନବନ୍ଦର ନାମକୁ ବୀର ସୁରେନ୍ଦ୍ର ସାଏ ନାମରେ ନାମିତ କରିବାକୁ ୧ ମାସ ପର୍ଯ୍ୟନ୍ତ ଡେଡ ଲାଇନ୍ ଦେଇଥିଲେ ନବ ଦାସ ଏବଂ ଏହାର ତତକ୍ଷଣାତ ପରେ ମିଳିଲା ସ୍ୱୀକୃତି । ଯାହାକୁ ନେଇ ଏବେ ଝାରସୁଗୁଡ଼ାର ଗେହ୍ଲାପୁଅ ନବ ଦାସଙ୍କୁ ନେଇ ଶ୍ରେୟ ଦିଆଯାଉଥିବା ଖଟିରେ ଚର୍ଚ୍ଚା ହେଉଛି ।