ବିରୋଧୀଙ୍କୁ ଝଟକା ! ବିଜେଡିର କକ୍ଷତ୍ୟାଗ ପରେ, କଂଗ୍ରେସ କହିଲା, ସିବିଆଇ ଭୟ ଯୋଗୁଁ କକ୍ଷତ୍ୟାଗ କଲା ବିଜେଡି ।
ମୋଦି ସରକାରକୁ ବିଗତ ୪ ବର୍ଷ ଶାସନକାଳରେ ପ୍ରଥମଥର ପାଇଁ ଅନାସ୍ଥା ପ୍ରସ୍ତାବର ସମ୍ମୁଖୀନ ହେବାକୁ ପଡିଛି । ତେବେ ଏହା ମୋଦିଙ୍କ ପାଇଁ ଏକ ବଡ ଚ୍ୟାଲେଞ୍ଜରେ ପରିଣତ ହୋଇଥିବାବେଳେ ବିରୋଧୀଙ୍କ ମୁଣ୍ଡ ବ୍ୟଥା କରାଇଛି ବିଜେଡି । ଆଜି ଲୋକସଭାରେ ଅନାସ୍ଥା ପ୍ରସ୍ତାବ ନେଇ ବିତର୍କ ହେଉଥିବା ବେଳେ ବିଜେଡି ଆଲୋଚନାରେ ଭାଗ ନନେବା ପରେ ବିରୋଧୀଙ୍କୁ ଅଡୁଆ କରିଛି । ଅନାସ୍ଥା ପ୍ରସ୍ତାବ ଆଲୋଚନାକୁ ନେଇ ବିଜେଡିର କକ୍ଷତ୍ୟାଗ ବିତର୍କ ଏବଂ ଭୋଟିଂ ଠାରୁ ନିଜକୁ ଦୂରେଇ ରଖିବା ସ୍ପଷ୍ଟ ହୋଇଛି । 
Kanak News is now on WhatsApp
Join and get latest news updates delivered to you via WhatsApp
ବର୍ତ୍ତମାନ ମୋଦି ସରକାରଙ୍କ ବିରୋଧୀ ଦଳ ଭାବେ କଂଗ୍ରେସ, ଟିଏସପି, ଟିଡିପି, ଟିଆରଏସ, ଏନସିପି, ସପା, ଆଜେଡି, ଆପ୍ ଏବଂ ଅନ୍ୟାନ୍ୟ ଦଳଙ୍କ ସାଂସଦଙ୍କ ସଂଖ୍ୟା ୧୪୭ ରହୁଛି । ତେବେ ପୂର୍ବରୁ ଏଆଇଡିଏମକେ, ଶିବସେନା ଭୋଟିଂବେଳେ ଅନୁପସ୍ଥିତ ରହିବା ପାଇଁ ନିଷ୍ପିତ ନେଇଛନ୍ତି । ଅନ୍ୟପଟେ ଆଜି ସଂସଦରେ ଅନାସ୍ଥା ପ୍ରସ୍ତାବ ନେଇ ଆଲୋଚନା ପୂର୍ବରୁ ବିଜେଡି କକ୍ଷତ୍ୟାଗ କରିବା ବିରୋଧୀଙ୍କ ପାଇଁ ଅଡୁଆ ସୃଷ୍ଟି କରିଛି । ଆଲୋଚନା ଭାଗ ନନେଇ ବିଜେଡି ଏବେ ଭୋଟିଂ ବେଳେ ଉପସ୍ଥିତ ରହିବ କି ନାହିଁ ଆକୁ ନେଇ ଦ୍ୱନ୍ଦରେ ବିରୋଧୀ । 
କାରଣ ବିଜେଡି ଓ ଶିବସେନାରକୁ ମିଶାଇଲେ ୩୭ ଜଣ ସାଂସଦ ଭୋଟିଂରେ ଅନୁପସ୍ଥିତ ରହିବେ ବୋଲି ଏକ ପ୍ରକାର ସ୍ପଷ୍ଟ ହୋଇଛି । ଏବେ ଆଲୋଚନା ପୂର୍ବରୁ କକ୍ଷତ୍ୟାଗ କରିଥିବା ବିଜେଡିକୁ ନେଇ ରାଜ୍ୟ ରାଜନୀତି ମହଲରେ ଚର୍ଚ୍ଚା ଆରମ୍ଭ ହେଲାଣି । ପିସିସି ସଭାପତି ନିରଞ୍ଜନ ପଟ୍ଟନାୟକ ବିଜେଡିକୁ ନିଶାନା କରି କହିଛନ୍ତି ଯେ, ବିଜେପି ଠାରୁ ସବୁବେଳେ ସମଦୂରତାରେ ରହୁଥିବା ବିଜେଡି କିନ୍ତୁ ଭିତରେ ବିଜେପିକୁ ସମର୍ଥନ କରୁଥିବା ଅଭିଯୋଗ କରିଛନ୍ତି ପିସିସି ସଭାପତି । ଲୋକଙ୍କୁ ଠକିବା ପାଇଁ ସମଦୂରତା ବିଜେଡିର ଏକ ସ୍ଲୋଗାନ । ବିଜେଡିର ସିବିଆଇ ଭୟ, ଆଉ ବିଜେପିର ସଂଖ୍ୟା ଭୟ ଯୋଗୁଁ ଉଭୟ ଏକାଠୀ ବୋଲି ସମାଲୋଚନା କରିଛନ୍ତି ପିସିସି ସଭାପତି । ସେପଟେ ବିଜେଡିର ବରିଷ୍ଠ ନେତା ଦାମଦୋର ରାଉତ କହିଛନ୍ତି, ଆଲୋଚନାରେ ଭାଗ ନେଲେ କିଛି ଲାଭ ହେବନାହିଁ । ବିଜେପି ଠାରୁ ବିଜେଡି ସମଦୂରତା ରଖିଆସୁଛି । ୨୦୦୯ ଠାରୁ ସମଦୂରତାରେ ଅଛି ବିଜେଡି ବୋଲି କହିଛନ୍ତି ଦାମ ରାଉତ ।