ନୋଟ ଅଚଳ ପରେ ବାହାରୁଛି ପୁଳାପୁଳା କଳା ଧନ : ଅସ୍ୱାଭାବିକ ଭାବେ ଆକାଉଂଟରେ ଜମା ହେଉଛି ଟଙ୍କା
କନକ ବ୍ୟୁରୋ : ବଡ ନୋଟ ଅଚଳ ପରେ ବ୍ୟାଙ୍କରେ ପୁଳାପୁଳା ୫୦୦ ଓ ୧୦୦୦ ଟଙ୍କିଆ ଜମା କରୁଥିବା ଲୋକଙ୍କୁ ଆୟକର ନୋଟିସ ପଠାଇଛି । କେଉଁ ସୁତ୍ରରୁ ଏତେ ଟଙ୍କା ପାଇଛନ୍ତି, ତାହାର ପୂରା ବିବରଣୀ ଦେବାକୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅନେକ ଲୋକ ସେମାନଙ୍କ ଆକାଉଂଟରେ ହଠାତ୍ ବିପୁଳ ପରିମାଣର ଟଙ୍କା ଜମା କରୁଥିବା ନେଇ ବ୍ୟାଙ୍କ କର୍ତୃପକ୍ଷ ଜଣାଇବା ପରେ ଆୟକର ବିଭାଗ ଆରମ୍ଭ କରିଛି ତନାଘନା । ଯେଉଁମାନେ ଅଢେଇ ଲକ୍ଷରୁ ଅଧିକ ଟଙ୍କା ଜମା କରୁଛନ୍ତି, ସେମାନଙ୍କ ବିରୋଧରେ ଏହି ପଦକ୍ଷେପ ଗ୍ରହଣ କରାଯାଇଛି ।
ଗତ ୮ ତାରିଖରୁ ବଡ ନୋଟ ଅଚଳ ହୋଇଯିବା ପରେ ବ୍ୟାଙ୍କ ଆକାଉଂଟରେ ବଡ ଧରଣର ହେଉଥିବା କାରବାର ଉପରେ ତୀକ୍ଷଣ୍ ନଜର ରଖାଯାଇଛି । ସନ୍ଦେହ ସୃଷ୍ଟି ହେଉଥିବା ଆକାଉଂଟ ଉପରେ କାର୍ଯ୍ୟାନୁଷ୍ଠାନ ପ୍ରକ୍ରିୟା ଆରମ୍ଭ କରାଯାଇଛି । ଆକାଉଂଟଧାରୀଙ୍କ ଆୟକର ବିବରଣୀ ଯାଂଚ କରାଯାଉଛି ।
ସେପଟେ ଅଚଳ ଟଙ୍କାକୁ ଧଳା କରିବା ପାଇଁ ସାରା ଦେଶରେ ଅନେକ ଲୋକ ବିଭିନ୍ନ ଉପାୟରେ ଉଦ୍ୟମ ଚଳାଇଛନ୍ତି । ସେହିପରି ଅସାଧୁ ସୁନାରୁପା, ହାୱାଲା ଅପରେଟର ଓ ରିଅଲ ଇଷ୍ଟେଟ୍ ବ୍ୟବସାୟୀଙ୍କ ଉପରେ ଚଢାଉ କରାଯାଉଛି । ଦେଶର ଶତାଧିକ ଦାତବ୍ୟ ଓ ଧାର୍ମିକ ଅନୁଷ୍ଠାନଗୁଡିକୁ ମଧ୍ୟ ଆୟକର ବିଭାଗ ନୋଟିସ ଜାରି କରିଛି ।