‘ଏ ଦିଲ୍ ହୈ ମୁସ୍କିଲ୍’ ଓ “ଶିବାୟ’ର ବକ୍ସ ଅଫିସ କଲେକସନରେ କିଏ ମାରିଲା ବାଜି !
ଶୁକ୍ରବାର ରିଲିଜ ହୋଇଯାଇଛି ଦୁଇ ବହୁ ପ୍ରତୀକ୍ଷିତ ଫିଲ୍ମ ‘ଏ ଦିଲ୍ ହୈ ମୁସ୍କିଲ୍’ ଓ “ଶିବାୟ’ । ଏଡଭାନସ ବୁକିଂରେ କରନଙ୍କ ପିଲ୍ମ ‘ଏ ଦିଲ୍ ହୈ ମୁସ୍କିଲ୍’ ବାଜି ମାରି ନେଇଥିଲା । ଏବେ ନଜର ପକାଇବା ପ୍ରଥମ ଦିନ ବକ୍ସ ଅଫିସ କଲେକସନରେ କିଏ ଅଛି ଆଗରେ ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟ ଅନୁସାରେ କରଣ ଜୋହରଙ୍କ ଫିଲ୍ମ ‘ଏ ଦିଲ୍ ହୈ ମୁସ୍କିଲ୍’ର ପ୍ରଥମ ଦିନ ୧୩.୨୫ କୋଟି ଟଙ୍କା କଲେକସନ କରିବାରେ ସଫଳ ହୋଇଛି । ଏପଟେ “ଶିବାୟ’ର ପ୍ରଥମ ଦିନ କଲେକସନ ହେଉଛି ୮.୨୫ କୋଟି । “ଏ ଦିଲହେ ମୁସ୍କିଲ’ ରଣବୀର କପୁରଙ୍କ ଲାଷ୍ଟ ରିଲିଜ ଫିଲ୍ମ “ତମାଶା’ ର ପ୍ରଥମ ଦିନର କଲେକସନର ରେକର୍ଡ କାଟିଥିବା ଜଣା ପଡିଛି ।
“ତମାଶା’ ପ୍ରଥମ ଦିନ କଲେକସନ ତିଲା ୧୦.୮୭ କୋଟି । ଏପଟେ “ଶିବାୟ’ ଅଜୟଙ୍କ ପୂର୍ବ ଫିଲ୍ମ “ଦୃଶ୍ୟମ’ର ପ୍ରଥମ ଦିନ ରେକର୍ଡ ଭାଙ୍ଗିଛି । “ଦୃଶ୍ୟମ’ ପ୍ରଥମ ଦିନ ୮.୫ କୋଟି ଟଙ୍କା କଲେକସନ କରିଥିିଲା ବୋଲି ସୂଚନା ମିଳିଛି ।
‘ଏ ଦିଲ୍ ହୈ ମୁସ୍କିଲ୍’କୁ ରିଲିଜ ପାଇଁ ଅଧିକ ମଲ୍ଟିପ୍ଲେକ୍ସ ସ୍କ୍ରିନ ମିଳିଥିବା ବେଲେ ଅଜୟଙ୍କୁ ମିଳିଥିଲା ସିଙ୍ଗିଲ ସ୍କ୍ରିନ । ସମସ୍ତେ ଜାଣନ୍ତି କରନ ଜୋହରଙ୍କ ଫିଲ୍ମ ‘ଏ ଦିଲ୍ ହୈ ମୁସ୍କିଲ୍’ ପାକିସ୍ତାନୀ ଅଭିନେତା ଫୱାଦ ଖାନଙ୍କ ପାଇଁ ବହୁ ବିବାଦରେ ଫସିଥିଲା ।