ସ୍ୱାଦ ପାଇବା ଚକ୍କରରେ ଖାଉନାହାଁନ୍ତି ତ ବିଷାକ୍ତ କେମିକାଲଯୁକ୍ତ ଖାଦ୍ୟ : ସାବଧାନ ! ୬ଟି ଖାଦ୍ୟ ନମୂନାରେ ମିଳିଛି ଘାତକ ରାସାୟନିକ ରଙ୍ଗ

2

ସ୍ୱାଦ ପାଇବା ଚକ୍କରରେ ଲୋକମାନେ ନିଜର ସ୍ୱାସ୍ଥ୍ୟ ଖରାପ କରିବା ସହିତ ଗମ୍ଭୀର ରୋଗକୁ ବି ନିମନ୍ତ୍ରଣ ଦିଅନ୍ତି । ଖାଦ୍ୟ ସୁରକ୍ଷା ବିଭାଗ ଦ୍ୱାରା ନିକଟରେ ନିଆଯାଇଥିବା ୬ଟି ଖାଦ୍ୟ ନମୂନାରୁ କ୍ଷତିକାରକ ରସାୟନ ମିଳିଛି । ଯଦ୍ୱାରା କ୍ୟାନସର, ଶରୀରର ବିକାଶକୁ ରୋକିବା, କିଡନୀ ଖରାପ ହେବା, ଯକୃତ ଖରାପ ହେବା ଭଳି ସମସ୍ତ ରୋଗ ହୁଏ । ଏମିତିରେ ଏହା ଜରୁରୀ ଯେ ଲୋକମାନେ ନିଜ ସ୍ୱାସ୍ଥ୍ୟ ପ୍ରତି ସଚେତନ ରହିବା ଉଚିତ୍ ।

ପାଖାପାଖି ଏକ ମାସ ପୂର୍ବରୁ ନଳୀ, ନମକିନ୍, ବୁନ୍ଦୀ ଲଡୁ, ଭେନିଲା କୋକୋନଟ୍ ପେଡା, ହଳଦୀର ନିଆଯାଇଥିବା ୬ଟି ନମୂନାରେ ପ୍ରତିବନ୍ଧକ ଲଗାଯାଇଥିବା ରଙ୍ଗ ଓ ରସାୟନ ମିଳିଥିବାର ପୁଷ୍ଟି କରାଯାଇଛି । ଏହି ରଙ୍ଗ ଓ ପଦାର୍ଥରୁ ବିଷ, କ୍ୟାନସର ସମେତ କେତେକ ରୋଗ ହୁଏ । ଖାଦ୍ୟ ସୁରକ୍ଷା ବିଭାଗର ରିପୋର୍ଟ ଅନୁସାରେ, ବୁନ୍ଦିର ଲଡୁ ଘାତକ ସାବ୍ୟସ୍ତ ହୋଇପାରେ । ଭେନିଲା କେକୋନଟ୍ ପେଡାରେ ରୋଡାମାଇନ୍ ଏବଂ ଟେଟ୍ରା ଜିନ୍ କଲର ମିଳିଛି, ଯାହା ଶରୀର ପାଇଁ କ୍ଷତିକାରକ । ଏହା ବ୍ୟତୀତ ବର୍ଫିରେ ରୂପାର କାମ ବଦଳରେ ଆଲୁମିନିୟମ କାମ ହୋଇଥିବା ମିଳିଲା । ଲୋକାଲ ବ୍ରାଣ୍ଡର ନମକିନ୍ ପ୍ୟାକେଟରେ ବଟର ୟେଲୋ ପ୍ରତିବନ୍ଧିତ କଲର୍ ମିଳିଲା । ଖାଦ୍ୟ ସୁରକ୍ଷା ବିଭାଗର କହିବାନୁସାରେ ମଝିରେ ମଝିରେ ଏହା ଉପରେ ଅଭିଯାନ ଚଳାଇ କାର୍ଯ୍ୟାନୁଷ୍ଠାନ ନିଆଯିବ ।

ସାମାନ୍ୟ ମାମଲାରେ ୬ମାସରୁ ୧ ବର୍ଷ ପର୍ଯ୍ୟନ୍ତ ଜେଲ୍ ଏବଂ ୧ରୁ୩ ଲକ୍ଷ ପର୍ଯ୍ୟନ୍ତ ଜରିମାନା ଲଗାଯାଏ । ଗମ୍ଭୀର ରୋଗ ହେଲେ ୬ ମାସ ପର୍ଯ୍ୟନ୍ତ ଜେଲ ଦଣ୍ଡ ଓ ୫ ଲକ୍ଷ ଟଙ୍କାର ଜରିମାନା ହୋଇପାରେ । ମୃତ୍ୟୁ ସମନ୍ଧୀୟ ମାମଲାରେ ୭ ବର୍ଷରୁ ଆଜୀବନ କାରାଦଣ୍ଡ ଏବଂ ୧୦ ଲକ୍ଷ ପର୍ଯ୍ୟନ୍ତ ଜରିମାନାର ପ୍ରାବଧାନ ଅଛି ।

ଗମ୍ଭୀର ରୋଗ : ରୋଡାମାଇନ୍ କେମିକାଲ ଦ୍ୱାରା ପେଟ, କିଡନୀ ଏବଂ ଲିଭର ବ୍ୟତୀତ ମହିଳାଙ୍କ ଗର୍ଭାଶୟକୁ କ୍ଷତି ପହଂଚାଏ । ଏହାର ଅଧିକାଂଶ ବ୍ୟବହାର ମିଠାରେ ହୁଏ । ସେଥିପାଇଁ ଲେଡ କ୍ରୋମେଟ ଦ୍ୱାରା ବିଷାକ୍ତ ରୋଗ ହୁଏ । ଏହା କିଡନୀ, ଲିଭର ଖରାପ କରିବା ବ୍ୟତୀତ କ୍ୟାନସରର କାରଣ ବନିପାରେ ।

Comments are closed.