ପାନ୍ ନମ୍ବର ଭଳି ଆଧାର କାର୍ଡ ନମ୍ବରକୁ ମଧ୍ୟ ଗୁପ୍ତ ରଖିବା ପାଇଁ କହିଲେ ଭାରତ ଏକକ ପରିଚୟ କର୍ତ୍ତୃପକ୍ଷ : ଦେଶରେ ଅଧାର ନମ୍ବର ସୁରକ୍ଷାକୁ ନେଇ ଦେଖାଦେଇଛି ବିବାଦ
କନକ ବ୍ୟୁରୋ : ଦେଶରେ ଆଧାର କାର୍ଡକୁ ନେଇ ଅନେକ ପ୍ରଶ୍ନ ଉଠିଲାଣି । ଖାସ କରି ଆଧାରର ନମ୍ବର ଗୁପ୍ତ ରହିନଥିବା ଅନେକ ଅଭିଯୋଗ ଆସିଛି । ପୂର୍ବରୁ ଆଧାର କାର୍ଡର ନମ୍ବକ ମଧ୍ୟ ହ୍ୟାକ ହେଉଥିବା ଅଭିଯୋଗ ଆସିଛି । ତେବେ ଆଧାର ନମ୍ବରକୁ ନେଇ ପ୍ରଶ୍ନ ଉଠୁଥିବା ବେଳେ ତାହାର ସୁରକ୍ଷା ଦିଗରେ ତତ୍ପର ହୋଇଛନ୍ତି ୟୁଆଇଡିଏଆଇ(ଭାରତ ଏକକ ପରିଚୟ କର୍ତ୍ତୃପକ୍ଷ) । ଭାରତ ଏକକ ପରିଚୟ କର୍ତ୍ତୃପକ୍ଷ କହିଛନ୍ତି ଯେ, ଆଧାର ନମ୍ବର ହେଉଛି ଏକ ସମ୍ବେଦନଶୀଳ ତଥ୍ୟ । ପ୍ରତ୍ୟେକ ମଣିଷର ଯେପରି ଭାବରେ ପାନ କାର୍ଡ ଓ ବ୍ୟାଙ୍କ ଆକାଉଣ୍ଟର ନମ୍ବର ହେଉଛି ଗୁରୁତ୍ୱପୂର୍ଣ୍ଣ ଠିକ ସେହିପରି ଅଧାର ନମ୍ବର ମଧ୍ୟ ଗୁରୁତ୍ୱପୂର୍ଣ୍ଣ ବିଷୟ ।
Kanak News is now on WhatsApp
Join and get latest news updates delivered to you via WhatsApp
ତେଣୁ କୈାଣସି ପରିସ୍ଥିତିରେ ମଧ୍ୟ ଏହା ବାହାରେ ପ୍ରଘଟ ଯେପରି ନହୁଏ ସେଥିପ୍ରତି ଧ୍ୟାନ ଦେବା ପାଇଁ କର୍ତ୍ତୃପକ୍ଷ ଦୃଷ୍ଟି ରଖିବା ଆବଶ୍ୟକ । ଭାରତରେ ଯେଉଁ ଲୋକମାନେ ବସବାସ କରୁଛନ୍ତି ଓ ଯେଉଁ ମାନଙ୍କ ପାଖରେ ଆଧାର କାର୍ଡ ରହିଛି ସେମାନେ ଯେପରି ଭାବରେ ବିନା କୈାଣସି ବାଧାରେ ନିଜର ଆଧାର କାର୍ଡର ନମ୍ବରକୁ ସୁରକ୍ଷିତ ଭାବରେ ବ୍ୟବହାର କରିପାରିବେ ତାହା ଉପରେ ଧ୍ୟାନ ଦେବା ପାଇଂ ସେ କହିଛନ୍ତି । ବର୍ତ୍ତମାନ ସମୟରେ ଦେଶରେ ଆଧାର କାର୍ଡର ତଥ୍ୟ ଲିକ ହେଉଥିବା ଅନେକ ଅଭିଯୋଗ ଆସିଛି । ତେଣୁ ତାହାକୁ ସଠିକ ଭାବରେ ମୁକାବିଲା କରିବା ପାଇଁ ଏପରି କୁହାଯାଇଥିବା ଭାରତ ଏକକ ପରିଚୟ କତ୍ତୃପକ୍ଷ ଗଣମାଧ୍ୟମକୁ ନିଜର ପ୍ରତିକ୍ରିୟାରେ କହିଛନ୍ତି ।