ଆଦର୍ଶଙ୍କୁ ମିଳିଲା ବଡ ସଫଳତା ! ଗୁଗୁଲ ଦେଲା ଚାକିରୀ, ବାର୍ଷିକ ୧.୧୬ କୋଟି ଟଙ୍କା ଦରମା ।
ବିହାରର ଆଦର୍ଶ ଶର୍ମାଙ୍କୁ ମିଳିଛି ଏକ ବଡ଼ ସଫଳତା । ଗୁଗଲ ଭଳି କମ୍ପାନିରେ ତାଙ୍କୁ ସଫ୍ଟଓ୍ଵୟାର ଇଞ୍ଜିନିୟର ଭାବେ ନିଯୁକ୍ତି ମିଳିଥିବା ବେଳେ ବର୍ଷକୁ ୧.୧୬କୋଟି ଟଙ୍କାର ପ୍ୟାକେଜ ଦିଆଯାଇଛି ବୋଲି ଜଣା ପଡ଼ିଛି । ଆଇଆଇଟି ରୁରକିରେ ସେ ମେକାନିକାଲ ଇଞ୍ଜିନିୟର ଭାବେ ପାଠ ପଢ଼ୁଥିବା ବେଳେ ଅଗଷ୍ଟ ମାସରେ ଜର୍ମାନୀର ମୁନିଚରେ ଥିବା ଗୁଗଲ୍ ଅଫିସରେ ସଫ୍ଟଓ୍ଵୟାର ଇଞ୍ଜିନିୟର ଭାବେ କାମ ଆରମ୍ଭ କରିବାକୁ ଯାଉଛନ୍ତି । ବିଡ଼ି ପବ୍ଲିକ୍ ସ୍କୁଲରେ ଦ୍ୱାଦଶ ପର୍ୟ୍ୟନ୍ତ ପାଠ ପଢ଼ିଥିବା ଆଦର୍ଶ ଛୋଟ ବେଳୁ ଇଞ୍ଜିନିୟର ହେବାର ସ୍ୱପ୍ନ ଦେଖି ଆସୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ଗଣିତ ଏବଂ ପ୍ରୋଗ୍ରାମିଙ୍ଗରେ ତାଙ୍କର ରୁଚି ଥିବା ସହ ସେ ଗୋଟେ ଭଲ କମ୍ପାନିରେ ଇଞ୍ଜିନିୟର ହେବା ପାଇଁ ଚେଷ୍ଟା ଆରମ୍ଭ କରି ଦେଇଥିଲେ । କିନ୍ତୁ ଆଦର୍ଶଙ୍କ ବାପା ବୀରେନ୍ଦ୍ର ଶର୍ମା ଚାହୁଁଥିଲେ କିଛି ଅଲଗା । ଆଦର୍ଶଙ୍କ ବାପା ପେଶାରେ ଜଣେ ଓକିଲ ହୋଇଥିବା ବେଳେ ଆଦର୍ଶ ଯୁପିଏସସି ପରୀକ୍ଷା ପାଇଁ ପ୍ରସ୍ତୁତି କରି ଜଣେ ଡ଼ିଏମ୍ ବା ଏସପି ହୁଅନ୍ତୁ ବୋଲି ସେ ଚାହୁଁଥିଲେ । କିନ୍ତୁ ଆଦର୍ଶଙ୍କ ଇଚ୍ଛା ଜାଣିବା ପରେ ସେ ନିଜ ଇଚ୍ଛାକୁ ଆଦର୍ଶଙ୍କ ଉପରେ ନ ଲଦି ଆଦର୍ଶ ଆଗକୁ ବଢ଼ିବା ପାଇଁ କହିଥିଲେ ।