ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ଟ୍ୟୁସନ୍ ସାରଙ୍କ ମାଡରେ ଛାତ୍ରଙ୍କ ମା’ଙ୍କ ମୃତ୍ୟୁ ଘଟଣାରେ ଅଭିଯୁକ୍ତ ଶିକ୍ଷକ ରଶ୍ମିକାନ୍ତ ସାହୁଙ୍କୁ ଗିରଫ କରିଛି ପୁଲିସ୍ । ମହିଳାଙ୍କ ତଣ୍ଟିଚିପି ହତ୍ୟା କରିଥିବା ସ୍ୱୀକାର କରିଛନ୍ତି ଅଭିଯୁକ୍ତ ରଶ୍ମିକାନ୍ତ। ପୁଅର ପାଠପଢା ନେଇ ପ୍ରଶ୍ନ କରିବାକୁ ଉତେଜିତ ହୋଇ ଅଭିଯୁକ୍ତ ଶିକ୍ଷକ ଜଣକ ଏପରି କରିଛନ୍ତି । ଘଟଣାଟି ଘଟିଛି ଭୁବନେଶ୍ୱରର ବିଜେବି ନଗରରେ । ମୃତ ମହିଳା ଜଣକ ଜୟା ପି. ଶିଲା। ତାଙ୍କ ଘର ଆନ୍ଧ୍ରପ୍ରଦେଶର ନେଲୋରରେ । ସେ ଭୁବନେଶ୍ୱର ବିଜେବି ନଗରରେ ରହୁଥିଲେ।
Kanak News is now on WhatsApp
Join and get latest news updates delivered to you via WhatsApp
ଘଟଣା ଦିନ ମହିଳା ଜଣକ ପୁଅର ପାଠପଢା ସମ୍ପର୍କରେ ସାରଙ୍କ ସହ କଥା ହେବାକୁ ଯାଇଥିଲେ । ତେବେ କୌଣସି କାରଣରୁ ହଠାତ ଉତକ୍ଷିପ୍ତ ହୋଇପଡିଥିଲେ ଟ୍ୟୁସନ୍ ସାର । ଆଉ ମହିଳାଙ୍କୁ ଆକ୍ରମଣ କରିଥିଲେ । କିଛି ସମୟ ପରେ ଶିକ୍ଷକ ଜଣକ ମହିଳାଙ୍କ ଡ୍ରାଇଭରଙ୍କୁ ଡାକି ତାଙ୍କ ଅସୁସ୍ଥ ଥିବା କହିଥିଲେ ଏବଂ ମେଡିକାଲ ନେଇଯିବାକୁ ପରାମର୍ଷ ଦେଇଥିଲେ। ହେଲେ କ୍ୟାପିଟାଲ ହସ୍ପିଟାଲରେ ଡାକ୍ତର ସଂପୃକ୍ତ ମହିଳାଙ୍କୁ ମୃତ ଘୋଷଣା କରିଥିଲେ।