ଅଭିନେତ୍ରୀଙ୍କୁ ଡାକ୍ତରଖାନାରେ ଛାଡି ପୁଅ ଫେରାର୍ ! ଅସହାୟ ଅବସ୍ଥାରେ ଗୀତା କପୁର୍
ହିନ୍ଦି ସିନେମାର ବିଗତ ଦିନର ନାୟିକା ଗୀତା କପୁରଙ୍କ ଶୋଚନୀୟ କାହାଣୀ ଏବେ ସାମ୍ନାକୁ ଆସିଛି । ଅନେକ ସିନେମାର ମା’ ଭୂମିକା ଅଭିନୟ କରି ଦର୍ଶକଙ୍କ ହୃଦୟ ଜିତିଥିବା ଏହି ଅଭିନେତ୍ରୀଙ୍କୁ ନିଜ ପୁଅ ହସ୍ପିଟାଲରେ ଅସହାୟ ଅବସ୍ଥାରେ ଛାଡି ଚାଲିଯାଇଛି । ଏବେ ଜୀବନର ଶେଷ ସମୟରେ ଏକା ହୋଇ ଯାଇଛନ୍ତି ଏହି ଅଭିନେତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଗତ ମାସରେ ଗୀତାଙ୍କ ସ୍ୱାସ୍ଥ୍ୟ ଅତ୍ୟନ୍ତ ଖରାପ ହେବାରୁ ତାଙ୍କ କୋରିଓଗ୍ରାଫର୍ ପୁଅ ରାଜା କପୁର୍ ଏକ ଘରୋଇ ହସ୍ପିଟାଲରେ ଭର୍ତ୍ତି କରି କରିଥିଲେ । ତେବେ ଭର୍ତ୍ତି କରିବା ପରେ ରାଜା ଆଉ ଫେରି ନାହାଁନ୍ତି । ଏପରିକି ଯେଉଁ ଘରେ ରାଜା ରହୁଥିଲେ ସେଠାରେ ମଧ୍ୟ ତାଲା ଝୁଲୁଛି । ଅନେକ ବଲିଉଡ ତାରକା ରାଜାଙ୍କୁ ଅପିଲ୍ କରି ସାରିଛନ୍ତି ମା’ଙ୍କୁ ନେବା ପାଇଁ । ହେଲେ ରାଜାଙ୍କର କୌଣସି ଖୋଜ ଖବର ନାହିଁ । ଅନ୍ୟ ପଟେ ହସ୍ପିଟାଲର ଲକ୍ଷାଧିକ ଟଙ୍କା ହୋଇ ସାରିଛି । ଏବଂ ହସ୍ପିଟାଲ୍ କତ୍ତୃପକ୍ଷ ଗୀତାଙ୍କୁ ପଠାଇବା ପାଇଁ ବୃଦ୍ଧାଶ୍ରମ ଖୋଜୁଛନ୍ତି ।
ଗୀତା ପ୍ରାୟ ୧୦୦ରୁ ଅଧିକ ସିନେମାରେ କାମ କରିଛନ୍ତି । ସେଥିରୁ ଚର୍ଚ୍ଚିତ ସିନେମା ଗୁଡିକ ହେଉଛି ପକିଜା ଏବଂ ରଜିଆ ସୁଲତାନ୍ ।