ପୁରୀ ଶ୍ରୀମନ୍ଦିରରେ ଉତ୍ତେଜନା । ଧାଡି ଦର୍ଶନ ବ୍ୟବସ୍ଥାକୁ ପ୍ରବଳ ବିରୋଧ । ବ୍ୟାରିକେଡ୍ ଭାଙ୍ଗି ଧସେଇ ପଶିଲେ ଭକ୍ତ । ଜାଣନ୍ତୁ ଧାଡି ଦର୍ଶନରେ କଣ ହେବ ଅସୁବିଧା?
କନକ ବ୍ୟୁରୋ: ଶ୍ରୀମନ୍ଦିରରେ ଧାଡି ଦର୍ଶନକୁ ପ୍ରବଳ ବିରୋଧ । ଧାଡି ଦର୍ଶନ ବ୍ୟବସ୍ଥାକୁ ବିରୋଧ କରି ପୁରୀ ବନ୍ଦ ପାଳନ ବେଳେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଛି । ଆନ୍ଦୋଳନକାରୀମାନେ ବ୍ୟାରିକେଡ ଭାଙ୍ଗି ମୁଖ୍ୟଦ୍ୱାର ସମେତ ବିଭିନ୍ନ ଦ୍ୱାରରେ ଧସେଇ ପଶିଛନ୍ତି । ୨ଟି ସ୍କାନର ମେସିନ, ୪ଟି ମେଟାଲ ଡିଟେକ୍ଟର ଭାଙ୍ଗିବା ସହ ଚାରିଦ୍ୱାରରେ ଲାଗିଥିବା ହୋର୍ଡିଂକୁ ଚିରି ଦେଇଛନ୍ତି । ପ୍ରଶାସନ ପକ୍ଷରୁ ଦିଆଯାଇଥିବା ଜୋତାଷ୍ଟାଣ୍ଡକୁ ଭାଙ୍ଗିଦେଇଛନ୍ତି । ଏହାକୁ ନେଇ ସେଠାରେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଛି । ଧାଡି ଦର୍ଶନକୁ ବିରୋଧ ସହ ୯ ଦଫା ଦାବିରେ ପୁରୀରେ ଆଜି ଶ୍ରୀଜଗନ୍ନାଥ ସେନା ୧୨ ଘଂଟିଆ ବନ୍ଦ ଡାକରା ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଏହାକୁ ବିଭିନ୍ନ ଅନୁଷ୍ଠାନ ଓ ରାଜନୈତିକ ଦଳ ସମର୍ଥନ କରୁଛନ୍ତି । ଫଳରେ ପୁରୀ ଏକପ୍ରକାର ଠପ୍ ହୋଇଯାଇଛି । ଦୋକାନବଜାର ବନ୍ଦ ରହିଛି । ୯ ଦଫା ଦାବି ନେଇ ପୁରୀରେ ଆନ୍ଦୋଳନକାରୀ ସକାଳୁ ସକାଳୁ ବିରାଟ ର୍ୟାଲି ବି କରିଛନ୍ତି । ଏଥିରେ ଶହ ଶହ ଲୋକ ସାମିଲ ହୋଇଛନ୍ତି । ଧାଡି ଦର୍ଶନକୁ ବିରୋଧ କରିବା ସହ ସାମ୍ବାଦିକଙ୍କୁ ମାଡ, ବ୍ରହ୍ମ ବିଭ୍ରାଟ ଓ ରତ୍ନଭଣ୍ଡାର ଚାବି ହଜିବା ଇତ୍ୟାଦିକୁ ପ୍ରସଙ୍ଗକୁ ନେଇ ଶ୍ରୀଜଗନ୍ନାଥ ସେନା ଆଜି ୧୨ ଘଂଟିଆ ବନ୍ଦ ଡାକରା ଦେଇଛନ୍ତି ।
ଧାଡି ଦର୍ଶନରେ ଅସୁବିଧା କଣ?
• ଶ୍ରୀଜିଉଙ୍କ ଦର୍ଶନ କରିବା ପାଇଁ ଲାଗିବ ଅଧିକ ସମୟ
• ଜଗାକୁ ଅଳ୍ପ ସମୟ ଦେଖିପାରିବେ ଭକ୍ତି
• ଧାଡିରେ ଗଲେ ଶ୍ରୀଜିଉଙ୍କୁ ମାତ୍ର ୫ରୁ ୧୦ ସେକେଣ୍ଡ ଦର୍ଶନ କରିହେବ
• ଗୁରୁଡ ସ୍ତମ୍ଭ ଦର୍ଶନ ହୋଇପାରିବ ନାହିଁ
• ବାଇଶି ପାହାଚର ପାଶ୍ୱ ଦେବଦେବୀଙ୍କୁ ଦର୍ଶନ କରିହେବ ନାହିଁ
• ମହାପ୍ରସାଦ ଆଣିବା ପାଇଁ ଅଧିକ ସମୟ ଲାଗିବ
• ବାଇଶି ପାହାଚରେ ଭକ୍ତ ବସିପାରିବେ ନାହିଁ
• ପତିତପାବନ ବାନା ବାନ୍ଧିବା ବେଳେ ଭକ୍ତ ଦେଖିପାରିବେ ନାହିଁ