ବିଜନୌର୍ ଜନପଦ ଏସପି ସଂଜୀବ ତ୍ୟାଗୀ ଚାନ୍ଦପୁର ଥାନାରେ କାର୍ଯ୍ୟରତ ଥିବା ୨ ଜଣ ପୋଲିସ୍ ଅଫିସରଙ୍କୁ ଦଣ୍ଡ ଦେଇଛନ୍ତି । ବିଧାୟକଙ୍କୁ ନମସ୍କାର କଲେ ନାହିଁ ବୋଲି ଦୁଇ ପୋଲିସ କର୍ମଚାରୀଙ୍କୁ ଲାଇନରେ ହାଜର୍ କରିଛନ୍ତି । ସେ ଜିଲ୍ଲା ପୋଲିସ୍ ଙ୍କୁ ଜନପ୍ରତିନିଧିଙ୍କୁ ସମ୍ମାନ କରିବା ପାଇଁ ନିର୍ଦ୍ଦେଶ ଦେଇଛନ୍ତିି ।
Kanak News is now on WhatsApp
Join and get latest news updates delivered to you via WhatsApp
ଚାନ୍ଦପୁର ଥାନାରେ କାର୍ଯ୍ୟରତ ଥିବା ଗଜେନ୍ଦ୍ର ସିଂହ ତଥା ଜୟବୀର୍ ମାନ ଏକ କାର୍ଯ୍ୟକ୍ରମରେ ଚାନ୍ଦପୁର ବିଧାୟକ କମଲେଶ୍ ଙ୍କୁ ଦେଖି ମଧ୍ୟ ଚଉକିରେ ବସି ରହିଥିଲେ ଏବଂ ନମସ୍କାର କରିନଥିଲେ । ଯାହାର ଅଭିଯୋଗ ଏସପିଙ୍କୁ ପରେ କରାଗଲା । ଏସପିଙ୍କ କାନରେ ଏହି ଖବର ପଡିବା କ୍ଷଣି ସେ ଦୁଇ ପୋଲିସକର୍ମୀଙ୍କୁ ଲାଇନ୍ ହାଜର୍ କରିଦେଲେ । ଜିଲ୍ଲା ପୋଲିସକୁ ଏସପି ନିର୍ଦ୍ଦେଶ ଦେଇଛନ୍ତି ଯେ ଜିଲ୍ଲାର ଜନପ୍ରତିନିଧିଙ୍କ ପ୍ରତି ବ୍ୟବହାର ଠିକ୍ ହେବା ଦରକାର । ଯେଉଁ ସମସ୍ୟା ବିଷୟରେ ସେ କହୁଛନ୍ତି ତାଙ୍କ କଥାକୁ ଭଲଭାବରେ ଶୁଣିବା ସହ ଏହାର ସମାଧାନ ମଧ୍ୟ କରନ୍ତୁ । ଦୁର୍ବ୍ୟବହାର ନ କରିବା ସହ ସଂଯମିତ ଭାଷାର ପ୍ରୟୋଗ କରନ୍ତୁ । ଏଭଳି ଘଟଣା ପୁନର୍ବାର ଘଟିଲେ ସସପେଣ୍ଡ କରିବାକୁ ମଧ୍ୟ ଏସପି କହିଥିଲେ ।