ଭଦ୍ରକ ଆରଡିରେ ଦୁଇ ସେବାୟତ ଗୋଷ୍ଠୀ ମୁହାଁମୁହିଁ ! ଏସିଡ୍ ମାଡରେ ୩ ଗୁରୁତର, ୫ ଆହତ
କନକ ବ୍ୟୁରୋ: ରାଜ୍ୟର ଅନ୍ୟତମ ପ୍ରମୁଖ ଶୈବ କ୍ଷେତ୍ର ଭଦ୍ରକ ଜିଲ୍ଲା ଆରଡିରେ ଗତକାଲି ବିଳମ୍ବିତ ରାତିରେ ଏସିଡି ମାଡ ହୋଇଛି । ଏଥିରେ ଏକ ସେବାୟତ ପରିବାରର ୮ଜଣ ଗୁରୁତର ଅଭାବରେ ଆହତ ହୋଇଛନ୍ତି । ସେମାନଙ୍କୁ ଜିଲ୍ଲା ମ୍ୟୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ଜଣଙ୍କର ଆବସ୍ଥା ସଂକଟାପନ୍ନ ରହିଥିବା ଜଣାପଡିଛି । ଆରଡି ଫାଣ୍ଡି ପୁଲିସ ଘଟଣାସ୍ଥଳରେ ପହଂଚି ତନନ୍ତ ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁସାରେ, ଆଖଣ୍ଡଳମଣୀଙ୍କ ପୀଠରେ ସେବାକାର୍ଯ୍ୟ କରୁଥିବା ବ୍ରାହ୍ମଣମାନେ ବିଭିନ୍ନ ଅଂଚଳରୁ ଆସୁଥିବା ଭକ୍ତମାନଙ୍କୁ ସେବା ଯୋଗାଇ ଦେଇଆସୁଛନ୍ତି । ଏଥିପାଇଁ ସେବାୟତମାନେ ବିଭିନ୍ନ ଅଂଚଳ ବାଂଟି ନେଇଛନ୍ତି । ନିଜ ଅଂଚଳରୁ ଆସୁଥିବା ଭକ୍ତଙ୍କୁ ସଂପୃକ୍ତ ସେବାୟତ ପାଛୋଟି ନେବା ସହ ପୂଜାର୍ଚ୍ଚନା ଏବଂ ରହଣି ଆଦି ସମସ୍ତ କଥା ବୁଝିଥାନ୍ତି । ଏହି ଭକ୍ତଙ୍କୁ ନେଇ ଦୁଇ ସେବାୟତ ପରିବାର ମଧ୍ୟରେ ବିବାଦ ଲାଗି ରହିଥିଲା ।
ତେବେ ଗତକାଲି ସକାଳେ ଆରମ୍ଭ ହୋଇଥିବା ଗଣ୍ଡଗୋଳ କ୍ରମଶଃ ଉଗ୍ର ରୂପ ଧାରଣ କରିଥିଲା । ଗତକାଲି ବିଳମ୍ବିତ ରାତିରେ ଏକ ସେବାୟତ ପରିବାରର କେତେଜଣ ସଦସ୍ୟ ଛାତ ଉପରୁ ପଡୋଶୀ ପରିବାରର ଲୋକଙ୍କ ଉପରକୁ ଏସିଡି ମାଡ କରିଥିବା ଜଣାପଡିଛି । ତେବେ ଏହି ଘଟଣାରେ ପୁଲିସ ୨ ଜଣକୁ ଅଟକ ରଖି ପଚରା ଉଚରା କରୁଛି ।