ଅନୁଗୁଳରେ ଉଷସୀ ମିଶ୍ରଙ୍କୁ ଦୁର୍ବ୍ୟବହାର ଘଟଣା : ଅଭିଯୁକ୍ତ ଇନ୍ଦ୍ରମଣି ସାହୁ ଓ ପୁଅ ସୁଜିତ ଅଟକ, ପୂର୍ବରୁ ଇନ୍ଦ୍ରମଣିଙ୍କ ଡ୍ରାଇଭରକୁ ଗିରଫ କରିଛି ପୋଲିସ
କନକ ବ୍ୟୁରୋ : ଅନୁଗୁଳରେ ଉଷସୀ ମିଶ୍ରଙ୍କୁ ଦୁର୍ବ୍ୟବହାର ଘଟଣାରେ ଅଭିଯୁକ୍ତ ଇନ୍ଦ୍ରମଣି ସାହୁ ଓ ସୁଜିତ ସାହୁଙ୍କୁ ପୁଲିସ ଗିରଫ କରିଛି । ଉଭୟ ବାପ ପୁଅ ସମେତ ୫ ଜଣଙ୍କୁ ଗିରଫ କରିଛି କଣିହାଁ ପୁଲିସ । ଅନୁଗୁଳ ଏସପି ପ୍ରେସମିଟ କରି ଏନେଇ ସୂଚନା ଦେଇଛନ୍ତି । ପୂର୍ବରୁ ଇନ୍ଦ୍ରମଣିଙ୍କ ଡ୍ରାଇଭରକୁ ପୋଲିସ ଗିରଫ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତ ୨୨ ତାରିଖରେ ଅନୁଗୁଳ କଣିହାଁ ଯାତ୍ରା ପାଇଁ ଉଷସୀ ମିଶ୍ର ଯାଇଥିବା ସମୟରେ ତାଙ୍କୁ ଅଶ୍ଲୀଳ ଭାଷାରେ ଗାଳିଗୁଲଜ ସହ ମାଡ ମାରିବା ଅଭିଯୋଗ ହୋଇଥିଲା । ଉଷସୀଙ୍କୁ ମାଡ ମାରିବା ସହ ତାଙ୍କ ଗାଡି ଭାଂଗିଦେଇଥିଲେ କିଛି ଦୁର୍ବୃତ । ଅନୁଗୁଳ କଣିହାଁର ଡେରେଙ୍ଗରେ ଯାତ୍ରାରେ ଅଭିନୟ ପାଇଁ ଉଷସୀ ଯାଇଥିଲେ । ଉଷସୀଙ୍କୁ ଦେଖିବାକୁ ପ୍ରବଳ ଭିଡ ଜମିଥିବା ବେଳେ ସ୍ଥାନୀୟ କିଛି ଯୁବକଙ୍କ ସହ ତାଙ୍କର ପ୍ରଥମେ କଥା କଟିକଟି ହୋଇଥିଲା । ଏହାପରେ ଠେଲାପେଲା ସହ ତାଙ୍କୁ ମାଡ ମରାଯାଇଥିବା ଅଭିଯୋଗ ହୋଇଥିଲା । ତେବେ ଘଟଣା ଘଟିବା ପରେ ନିଜ ଫେସବୁକ ପୋଷ୍ଟରେ ଏନେଇ ସୂଚନା ଦେଇଥିଲେ ଉଷସୀ । ଲେଖିଥିଲେ ସେ ତାଙ୍କ ଯନ୍ତ୍ରଣା ବ୍ୟକ୍ତ କରିବା ପାଇଁ ସୋସିଆଲ ମିଡିଆକୁ ବ୍ୟବହାର କରୁଛନ୍ତି । ଯାତ୍ରା ମ୍ୟାନେଜମେଂଟ ଓ ସ୍ଥାନୀୟ ପୋଲିସକୁ ଦୋଷ ଦେଇ ଉଷସୀ ତାଙ୍କ ପୋଷ୍ଟରେ ତାଙ୍କୁ ମାଡ ମାରିଥିବା ବ୍ୟକ୍ତିର ବି ଫୋଟ ଓ ନିଜ ଫଟୋ ପୋଷ୍ଟ କରିଥିଲେ । ଆଉ ଲେଖିଥିଲେ , ସେ ମଧ୍ୟ ଲଢେଇ କରି ନିଜକୁ ବଂଚାଇଦେଇଛନ୍ତି ।
ଏହାକୁ ନେଇ ଉଷସୀ ଥାନାରେ ଅଭିଯୁକ୍ତ ଇନ୍ଦ୍ରମଣୀ ଓ ତାଙ୍କ ପୁଅ ନାଁରେ ଅଭିଯୋଗ କରିଥିଲେ । ରାଜ୍ୟ ସିନେ କଳାକାର ସଂଘ ପକ୍ଷରୁ ମଧ୍ୟ ଏକ ସାମ୍ବାଦିକ ସମ୍ମିଳନୀ କରି ଅଭିଯୁକ୍ତକୁ ଗିରଫ ପାଇଁ ଦାବି କରାଯାଇଥିଲା । ଗତକାଲି ଉଷସୀଙ୍କ ସହ ସିନେ କଳାକାର ଡିଜିଙ୍କୁ ମଧ୍ୟ ଭେଟିଥିଲେ । ଆଜି ଉଭୟ ବାପ ପୁଅଙ୍କୁ ଗିରଫ କରାଯାଇଛି ।