ଯୌବନ ବିତୁଛି ଲୁହା ଶିକୁଳିରେ । ୨୫ ବର୍ଷ ହେଲା ମୁକ୍ତ ଅପେକ୍ଷାରେ କରଂଜିଆର ବାସନ୍ତୀ
କନକ ବ୍ୟୁରୋ: ଯୌବନ ବିତୁଛି ଲୁହା ଶିକୁଳିରେ । ଶିକୁଳିରେ ବନ୍ଧା ପଡିଛି ଯୁବତୀଙ୍କ ଜୀବନ । ୨୫ ବର୍ଷ ହେଲା ମୁକ୍ତ ଅପେକ୍ଷା କରିଛନ୍ତି ମୟୂରଭଂଜ କରଂଜିଆର ଝିଅ ବାସନ୍ତୀ ହୋ । ମାନସିକ ବିକାରଗ୍ରସ୍ତ ଯୋଗୁଁ ବାନ୍ଧି ରଖିଛନ୍ତି ପରିବାର ଲୋକେ ।
Kanak News is now on WhatsApp
Join and get latest news updates delivered to you via WhatsApp
ମନକୁ ମନ କ’ଣ ଗୁଣୁ ଗୁଣୁ ହେବା ସହ ଝୁଲି ଝୁଲି ହାତ ଯୋଡ଼ି ନମସ୍କାର କରୁଛନ୍ତି ୨୫ ବର୍ଷିୟ ବାସନ୍ତୀ । ବିବାହ କରି ଘର ସଂସାର କରିବା ବୟସରେ ଶିକୁଳି ହିଁ ଏକମାତ୍ର ଶାହା ପାଲଟିଛି । ମୟୁରଭଂଜ କରଂଜିଆ ବ୍ଲକ ସରାସପୋଷୀ ଗାଁର ମଙ୍ଗୁଳି ହୋଙ୍କ ଝିଅ ବାସନ୍ତୀ ହୋ । ୪ ଭାଇରେ ଗୋଟିଏ ଭଉଣୀ ବାସନ୍ତୀ ୧୦ ବର୍ଷ ବୟସରୁ ମାନସିକ ବିକାରଗ୍ରସ୍ତ ହୋଇଥିବା ବେଳେ ଚିକିତ୍ସା ପାଇଁ ଅର୍ଥ ସାଜିଛି ବାଧକ ।
ବୟସ ବଢ଼ିବା ସହ ବାସନ୍ତୀଙ୍କ ରୋଗ ବି ବଢୁଛି, ତେଣୁ ବାଧ୍ୟ ହୋଇ ଶିକୁଳିରେ ବାନ୍ଧି ଦେଇଛନ୍ତି ପରିବାର ଲୋକ । ବାସନ୍ତୀଙ୍କ ଚିକିତ୍ସା ପାଇଁ ଅର୍ଥ ବାଧକ ସାଜିଥିବା ବେଳେ ଏନେଇ ଉପଜିଲ୍ଲାପାଳ କ୍ୟାମେରା ସାମ୍ନାରେ କିଛି କହିନଥିଲେ ବି ବାସନ୍ତିଙ୍କୁ ସହାୟତା ଦେବା ପାଇଁ ପରୋକ୍ଷରେ ପ୍ରତିଶୃତି ଦେଇଛନ୍ତି । ସେପଟେ ବ୍ଲକ ଅଧିକାରୀ କହିଛନ୍ତି ଯଥା ସମ୍ଭବ ବାସନ୍ତୀଙ୍କୁ ସୁବିଧା ସୁଯୋଗ ଯୋଗାଇ ଦିଆଯିବ ।