ବୀର ପୁଅ ଅଭିନନ୍ଦନଙ୍କୁ ଅପେକ୍ଷା । ଆଉ ମାତ୍ର କିଛି ସମୟ ପରେ ଭାରତ ଫେରିବେ ଅଭିନନ୍ଦନ, ସ୍ୱାଗତ କରିବାକୁ ୱାଘା ବର୍ଡରରେ ଅପେକ୍ଷା କରି ରହିଛନ୍ତି ହଜାର ହଜାର ଦେଶବାସୀ
କନକ ବ୍ୟୁରୋ : ୱାଘା ସୀମାରେ ପହଞ୍ଚିଲେ ଭାରତୀୟ ୱିଙ୍ଗ୍ କମାଣ୍ଡର ଅଭିନନ୍ଦନ । ଆଉ ମାତ୍ର କିଛି ସମୟ ପରେ ଭାରତ ଫେରିବେ ଅଭିନନ୍ଦନ । ପାକିସ୍ତାନ ସେନାର କଡା ସୁରକ୍ଷା ମଧ୍ୟରେ ୱାଘା ବର୍ଡର ସୀମାରେ ପହଞ୍ଚିଛନ୍ତି ଅଭିନନ୍ଦନ । ତେବେ କାଗଜପତ୍ର ପାଇଁ ତାଙ୍କର ଭାରତ ଫେରିବାରେ ବିଳମ୍ବ ହେଉଛି । ଏପରିକି ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ. ବିଟିଂ ଦ ରିଟ୍ରିିଟ ଉତ୍ସବ ପରେ ଅଭିନନ୍ଦନଙ୍କୁ ଭାରତୀୟ ସେନାକୁ ହସ୍ତାନ୍ତର କରିବ ପାକିସ୍ତାନ । ତେବେ ଅଭିନନ୍ଦନଙ୍କ ଫେରିବାକୁ ଦୃଷ୍ଟିରେ ରଖି ଭାରତ ବିଟିଂ ଦ ରିଟ୍ରିିଟ ଉତ୍ସବକୁ ରଦ୍ଦ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଅଭିନନ୍ଦନଙ୍କୁ ସ୍ୱାଗତ କରିବାକୁ ୱାଘା ବର୍ଡରରେ ହାତରେ ତ୍ରିରଙ୍ଗା ଧରି ହଜାର ହଜାର ଦେଶବାସୀ ଅପେକ୍ଷା କରିୁ ରହିଛନ୍ତି । ପୂରା ଦେଶରେ ଅଭିନନ୍ଦନଙ୍କ ପାଇଁ ଏକ ଉତ୍ସବର ମାହୋଲ ରହିଛି । ଏପରିକି ଅଭିନନ୍ଦନଙ୍କୁ ସ୍ୱାଗତ କରିବାକୁ ତାଙ୍କର ପୂରା ପରିବାର ମଧ୍ୟ ୱାଘା ବର୍ଡରରେ ଉପସ୍ଥିତ ରହିଛନ୍ତି । ତେବେ ଅଭିନନ୍ଦନଙ୍କ ପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।
ଅଭିନନ୍ଦନଙ୍କୁ ୱାଘା ବର୍ଡରରୁ ଅମୃତସର ବିମାନବନ୍ଦର ନିଆଯିବ । ସେଠାରୁ ତାଙ୍କୁ ସ୍ୱତନ୍ତ୍ର ବିମାନ ଯୋଗେ ନୂଆଦିଲ୍ଲୀ ଅଭିମୁଖେ ନିଆଯିବ । ସେଠାରେ ତାଙ୍କର ମେଡିକାଲ ଚେକଅପ କରାଯିବ ବୋଲି ସ୍ଥିର କରାଯାଇଛି । ଅଭିନନ୍ଦନଙ୍କ ସ୍ୱଦେଶ ପରିବର୍ତ୍ତନ ପରେ ମଧ୍ୟ ସୁରକ୍ଷା ବ୍ୟବସ୍ଥାରେ ଯେପରି କୌଣସି ଅସୁବିଧା ନୁହୁଏ, ସେଥିପ୍ରତି କଡ଼ା ଦୃଷ୍ଟି ଦିଆଯାଉଛି ।
ଏହାପୂର୍ବରୁ ଭାରତୀୟ ବାୟୁସେନାର ୱିଙ୍ଗ୍ କମାଣ୍ଡର ଅଭିନନ୍ଦନ ବର୍ତମାନ ବୁଧବାର ପାକିସ୍ତାନ ଅଧିକୃତ କଶ୍ମୀର ଅଂଚଳରେ ଭୁଲ ବଶତଃ ଅବତରଣ କରିଥିଲେ । ଭାରତୀୟ ସୀମା ଭିତରକୁ ପଶିଆସିଥିବା ପାକିସ୍ତାନ ଯୁଦ୍ଧ ବିମାନ ଏଫ-୧୬କୁ ଧ୍ୱଂସ କରିବା ପାଇଁ ପିଓକେ ଭିତରକୁ ପଶିଯାଇଥିଲେ ଅଭିନନ୍ଦନ । ତାଙ୍କୁ ସେଠାରୁ ପାକ୍ ସେନା କବଜା କରି ନେଇଥିଲା । ପାକିସ୍ତାନ କବଜାରେ ଭାରତୀୟ ପାଇଲଟ୍ ଥିବା ନେଇ ଭିଡିଓ ଭାଇରାଲ ହେବା ପରେ ନିସର୍ତରେ ତାଙ୍କୁ ମୁକ୍ତ କରିବାକୁ ଭାରତ ସରକାର ଦାବି କରିଥିଲେ । ପ୍ରବଳ ଆନ୍ତର୍ଜାତୀକ ଚାପ ଓ ଭାରତର ଯୁଦ୍ଧ ପ୍ରସ୍ତୁତି ଦେଖି ଶେଷରେ ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାଁ ଆଜି ଅଭିନନ୍ଦନଙ୍କୁ ମୁକ୍ତ କରିବେ ବୋଲି ଗତକାଲି ଘୋଷଣା କରିଥିଲେ ।