ଝାରପଡା ଜେଲରେ ଆୟାରଙ୍କ ଓକିଲ । ଜାମିନ୍ ଆବେଦନ ପାଇଁ ଭେଟିବାକୁ ଚାହୁଁଥିଲେ । ହେଲେ ଅଭିଜିତ ନଥିବାରୁ ହୋଇପାରିଲାନି ସାକ୍ଷାତ
କନକ ବ୍ୟୁରୋ: ଝାରପଡା ଜେଲରେ ଅଭିଜିତ୍ ଆୟାରଙ୍କ ଓକିଲ । କୋଣାର୍କ, ଶ୍ରୀଜଗନ୍ନାଥ ଓ ବିଧାୟକଙ୍କ ସମ୍ପର୍କରେ ଅରୁଚିକର ମନ୍ତବ୍ୟ ଦେଇ ଜେଲରେ ଥିବା ଅଭିଜିତ ଆୟାରଙ୍କ ଓକିଲ ତାଙ୍କୁ ଭେଟିବାକୁ ଝାରପଡା ଜେଲରେ ପହଁଚିଥିଲେ । ଅଭିଜିତଙ୍କ ରିମାଣ୍ଡ ଅବଧି ସରିବା ପରେ ଜାମିନ୍ ଆବେଦନ କରାଯିବ । ତାଙ୍କ ନାଁରେ ୨ଟି ଥାନାରେ ଥିବା ମାମଲାରେ ଜାମିନ ଆବେଦନ କରାଯିବ । ତେଣୁ ଅଭିଜିତଙ୍କୁ ଭେଟିବାକୁ ଝାରପଡା ଜେଲକୁ ଯାଇଥିଲେ ତାଙ୍କ ଓକିଲ ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ଜେଲର ନଥିବା ଯୋଗୁ ଅଭିଜିତଙ୍କ ସହ ସାକ୍ଷାତ ହୋଇ ପାରିଲା ନାହିଁ ବୋଲି ତାଙ୍କ ଓକିଲ ସୂଚନା ଦେଇଛନ୍ତି । ଆଜିଠାରୁ ଅଭିଜିତ କୋଣାର୍କ ପୋଲିସ ହେପାଜତକୁ ଚାଲିଯିବେ । ୪ ଦିନିଆ ରିମାଣ୍ଡରେ ନେଇ ଆୟାରଙ୍କୁ ପଚରାଉଚରା କରିବ କୋଣାର୍କ ପୋଲିସ । କୋଣାର୍କ ପୋଲିସ ୭ ଦିନିଆ ରିମାଣ୍ଡରେ ନେବା ଲାଗି ଆବେଦନ କରିଥିଲେ ବି କୋର୍ଟ ୪ ଦିନ ଲାଗି ଅନୁମତି ଦେଇଥିଲେ ।
ଅଭିଜିତ କୋଣାର୍କ ସମ୍ପର୍କରେ ଅରୁଚିକର ମନ୍ତବ୍ୟ ଦେଇଥିଲେ । ଫଳରେ ତାଙ୍କ ନାଁରେ ଥାନାରେ ମାମଲା ରୁଜୁ ହୋଇଥିଲା । ସେ ଏଭଳି ମନ୍ତବ୍ୟ ଦେବାବେଳେ ତାଙ୍କ ସହ କିଏ ଥିଲେ । କେହି ତାଙ୍କୁ ଏଭଳି ମନ୍ତବ୍ୟ ଦେବାକୁ ପ୍ରବର୍ତାଇଥିଲେ କି । ସେ ନେଇ ଖୋଳତାଡ କରିବ କୋଣାର୍କ ପୋଲିସ ।