ଶ୍ରୀମନ୍ଦିରରେ ଏଣିକି ମନଇଛା ବିକିପାରିବେନି ଅବଢ଼ା : ଆନନ୍ଦବଜାରରେ ଲାଗିଲା ଅବଢ଼ାର ଦର ତାଲିକା, ଥାଳି ପିଛା ଶ୍ରଦ୍ଧାଳୁ ଦେବେ ଦାମ୍
କନକ ବ୍ୟୁରୋ : ଶ୍ରୀମନ୍ଦିରରେ ସେବାୟତମାନେ ଏଣିକି ମନଇଛା ଦରରେ ଅବଢ଼ା ବିକ୍ରି କରିପାରିବେନି । ଶ୍ରୀମନ୍ଦିର ପ୍ରଶାସନ ପକ୍ଷରୁ ଆନନ୍ଦବଜାରରେ ଲାଗିଲା ଅବଢ଼ାର ଦର ତାଲିକା । ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁସାରେ ଶ୍ରୀମନ୍ଦିର ପ୍ରଶାସନ ଓ ଆନନ୍ଦବଜାର ଶୃଙ୍ଖଳା କମିଟିର ନିଷ୍ପତି ଅନୁସାରେ ଏହି ତାଲିକା ଲାଗିଛି । ଆନନ୍ଦବଜାରରେ ଶ୍ରଦ୍ଧାଳୁଙ୍କୁ ମହାପ୍ରସାଦ ବିକ୍ରିବେଳେ ସେବାୟତମାନେ ମନଇଛା ଟଙ୍କା ନେଉଥିବା ଅଭିଯୋଗ ହେଉଥିଲା । ତେବେ କୌଣସି ସୁଆର ସେବକ ନିର୍ଦ୍ଧାରିତ ଦରଠାରୁ ଅଧିକ ମୂଲ୍ୟରେ ଅବଢ଼ା ବିକ୍ରି କଲେ କାର୍ୟ୍ୟାନୁଷ୍ଠାନ ଗ୍ରହଣ କରାଯିବ।
Kanak News is now on WhatsApp
Join and get latest news updates delivered to you via WhatsApp
ଉତ୍ତମ ଚାଉଳ ବାସୁମତୀରେ ତିଆରି ଅବଢ଼ାର ମୂଲ୍ୟ :
ବାଇହାଣ୍ଡି – ୧୬୦୦
ଦାସିଆ ହାଣ୍ଡି – ୯୦୦
ବଡ଼ମଠ କୁଡ଼ିଆ-୫୦୦
ମଠ କୁଡ଼ିଆ – ୨୦୦
ଚକାନମ୍ବରୀ କୁଡ଼ିଆ -୧୫୦
ଜଳା କୁଡ଼ିଆ ୬୦୦
ଭାତ କୁଡ଼ିଆ -୬୦
ମଧ୍ୟମ ଚାଉଳ ଅନ୍ନରେ ତିଆରି ଅବଢ଼ାର ମୂଲ୍ୟ –
ଜାଇ ହାଣ୍ଡି -୧୪୦୦
ଦାସିଆ ହାଣ୍ଡି -୭୦୦
କଳା ମଠ କୁଡ଼ିଆ – ୨୦୦
ମଠ କୁଡ଼ିଆ – ୧୨୦
ସ୍ପେଶାସ
ଜାଇ ଘିଅ ଅନ୍ନଥାଳି – ୩୦୦୦
ଦାସିଆ ହାଣ୍ଡି ଥାଳି -୨୦୦୦
ସେପଟେ ଶ୍ରୀମନ୍ଦିରରେ ସୁପ୍ରିମକୋର୍ଟଙ୍କ ବରିଷ୍ଠ ଆଇନଜୀବି ତଥା ଶ୍ରୀମନ୍ଦିର ସଂସ୍କାର ପାଇଁ ନିଯୁକ୍ତ ଆମିକସକ୍ୟୁରୀ ଗୋପାଳ ସୁବ୍ରମଣ୍ୟମ । ସକାଳୁ ସକାଳୁ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିଛନ୍ତି । ଆଜି ଶ୍ରୀମନ୍ଦିର ପ୍ରଶାସନ, ଶଙ୍କରାଚାର୍ଯ୍ୟ ଓ ରାଜ୍ୟ ସରକାରଙ୍କ ଦ୍ୱାରା ନିଯୁକ୍ତ ତିନି ଜଣିଆ କମିଟି ସହ ସୁପ୍ରିମକୋର୍ଟ ଦେଇଥିବା ସଂସ୍କାର ପ୍ରସ୍ତାବ ଉପରେ ଆଲୋଚନା କରିବେ । ଆମିକସକ୍ୟୁାରୀଙ୍କ ରିପୋର୍ଟ ଆଧାରରେ ସୁପ୍ରିମକୋର୍ଟ ଆସନ୍ତା ୨୪ତାରିଖରେ ପରବର୍ତୀ ଶୁଣାଣି କରିବେ ସୁପ୍ରିମକୋର୍ଟ । ଶ୍ରୀମନ୍ଦିର ସଂସ୍କାର ପାଇଁ ୧୨ଟି ପ୍ରସ୍ତାବ ଦେଇଥିଲେ ସୁପ୍ରିମକୋର୍ଟ । କେଉଁ ପ୍ରସ୍ତାବକୁ ବିରୋଧ ହେଉଛି ଓ କାହିଁକି ବିରୋଧ ହେଉଛି ସେ ନେଇ ସୁପ୍ରିମକୋର୍ଟଙ୍କୁ ଅବଗତ କରାଇବେ ଆମିକସକ୍ୟୁରୀ ।