ଅପରାଧିକ ତଦନ୍ତ ପାଇଁ ବ୍ୟବହାର ହୋଇପାରିବ ନାହିଁ ଆଧାର ତଥ୍ୟ ! ୟୁଆଇଡିଏଆଇ ଦେଲା ସ୍ପଷ୍ଟୀକରଣ ।
ଆଧାର ଅଧିନିୟମ ଅନୁସାରେ ବାୟୋମେଟ୍ରିକ ତଥ୍ୟର ବ୍ୟବହାର ଅପରାଧିକ ଯାଞ୍ଚ ପାଇଁ କରାଯାଇ ପାରିବ ନାହିଁ । ୟୁଆଇଡିଏଆଇ ପକ୍ଷରୁ ଏନେଇ ଆଜି ସ୍ପଷ୍ଟୀକରଣ ରଖାଯାଇଛି । ତେବେ ଗୋଟିଏ ଦିନ ପୂର୍ବରୁ ରାଷ୍ଟ୍ରୀୟ ଅପରାଧିକ ରେକର୍ଡ ବ୍ୟୁରୋ ତଥା ଏନସିଆରବି, ଅପରାଧୀମାନଙ୍କୁ ଧରିବା ପାଇଁ ପୋଲିସକୁ ଆଧାରର ସୂଚନା ବ୍ୟବହାର କରିବା ପାଇଁ କହିଥିଲେ । ତେବେ ପ୍ରାଧିକରଣର ଏହି ବୟାନ କହିଛି ଯେ, ଆଧାର ତଥ୍ୟ କେବେ ବି କୌଣସି ଅପରାଧିକ ଯାଞ୍ଚ ଏଜେନ୍ସି ସହ ସେୟାର କରାଯାଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ପ୍ରାଧିକରଣ କହିଛି ଯେ, ଆଧାର ଅଧିନିୟମ ୨୦୧୬ର ଧାରା ୨୯ ଅନୁଯାୟୀ, ଆଧାର ସୂଚନାର ବ୍ୟବହାର ଅପରାଧିକ ଯାଞ୍ଚ ପାଇଁ ସ୍ୱୀକୃତ ନୁହେଁ । ୟୁଆଇଡିଏଆଇ କହିଛି ଯେ, ଅଧିନିୟମର ଧାରା ୩୩ ଅନୁଯାୟୀ, ରାଷ୍ଟ୍ରୀୟ ସୁରକ୍ଷାର ଯାଞ୍ଚ ପାଇଁ ଆଧାରର ତଥ୍ୟ ବ୍ୟବହାର କରାଯାଇପାରିବ । କିନ୍ତୁ ଏବା ସେତେବେଳେ ସମ୍ଭବ ହେବ ଯେତେବେଳେ ମନ୍ତ୍ରୀମଣ୍ଡଳୀୟ ସଚିବଙ୍କ ଅଧ୍ୟକ୍ଷତା ବାଲା ସମିତି ଏଥିପାଇଁ ପୂର୍ବ ପ୍ରାଧିକରଣ ଦେଇଥିବେ ।