ବ୍ୟାଙ୍କରେ ଖାତା ଖୋଲିବା ପାଇଁ ବାଧ୍ୟତାମୂଳକ ହେଲା ଆଧାର ! ଆଇବିଆଇ ଜାରି କଲା ନୂଆ ଗାଇଡଲାଇନ୍
ଭାରତୀୟ ରିଜର୍ଭ ବ୍ୟାଙ୍କ (ଆରିବିଆଇ) ବ୍ୟାଙ୍କରେ ଖାତା ଖୋଲିବା ପାଇଁ ଆଧାର କାର୍ଡ଼କୁ ବାଧ୍ୟତାମୂଳକ କରିଛି । ତେବେ ଆରବିଆଇର ଏହି ନିର୍ଦ୍ଦେଶକୁ ସୁପ୍ରିମକୋର୍ଟର ନଷ୍ପତ୍ତି ଆସିବା ପରେ ଲାଗୁ କରାଯିବ । କିନ୍ତୁ ଯେବେ ପର୍ଯ୍ୟନ୍ତ ସୁପ୍ରିମକୋର୍ଟଙ୍କର ନିଷ୍ପତ୍ତି ଆସି, ସେବେ ପର୍ଯ୍ୟନ୍ତ ଗାଇଡ଼ଲାନ ପାଳନ କରିବା ପାଇଁ ବାଧ୍ୟ । ବିନା ଆଧାରକାର୍ଡ଼ରେ ବ୍ୟାଙ୍କରେ କୌଣସି ପ୍ରକାର ଖାତା ଖୋଲାଯାଇ ପାରିବ ନାହିଁ ବୋଲି ନିର୍ଦ୍ଦେଶ ଦେଇଛି ଆରବିଆଇ । ନୂଆ ଗ୍ରାହକଙ୍କୁ କେୱାସି ଅନୁସାରେ ଆଧାର ନମ୍ବର, ପ୍ୟାନ ନମ୍ବର କିମ୍ବା ଫର୍ମ ଦେବାକୁ ପଡ଼ିବ । ଆରବିଆଇ ଅନୁସାରେ କେନ୍ଦ୍ର ସରକାର ୧ ଜୁନ୍ ୨୦୧୭ରେ ନିମୟରେ ସଂଶୋଧନ କରିଛନ୍ତି, ଯେଉଁଠି ଆଧାରକୁ ସମସ୍ତ ଆର୍ଥିକ ଖାତା ପାଇଁ ଜରୁରୀ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ମାସ ସୁପ୍ରିମକୋର୍ଟ ଆଧାରକୁ ସମସ୍ତ ପ୍ରକାର ଖାତା, ଇନକମ ଟାକ୍ସ ପଇଠ କିମ୍ବା ମୋବାଇଲ ନମ୍ବରକୁ ୩୧ ମାର୍ଚ୍ଚ ପର୍ଯ୍ୟନ୍ତି ଲିଙ୍କ୍ କରାଇବା ପାଇଁ କେନ୍ଦ୍ର ସରକାରଙ୍କ ନଷ୍ପତ୍ତିକୁ ରଦ୍ଦ କରିଦେଇଥିଲେ । ଏହାପରେ ଆଧାର ସହ ଲିଙ୍କ କରିବା ପାଇଁ ସମୟସୀମା ଅନିଶ୍ଚିତକାଳ ପର୍ଯ୍ୟନ୍ତ ବୃଦ୍ଧି କରାଯାଇଛି । ଏହା ବ୍ୟତୀତ ଆରବିଆଇ କହିଛି ତାଙ୍କ ଅଧିନରେ ଥିବା ସମସ୍ତ ବ୍ୟାଙ୍କ ଓ ଅନ୍ୟ କମ୍ପାନୀ ଗୁଡ଼ିକ ଉପରେ ଗାଇଡ଼ଲାଇନ୍ ଜାରି ହେବ । ତେବେ ଜାମ୍ମୁ-କଶ୍ମୀର, ଆସାମ ଓ ମେଘାଳୟ ପରି ରାଜ୍ୟରେ ଏହି ନିୟମ ଲାଗୁ ହୋଇନାହିଁ । ଏହା ବ୍ୟତୀତ ବ୍ୟାଙ୍କରେ ପୂର୍ବରୁ ଯଦି ଆପଣଙ୍କ କିଛି ଖାତା ଅଛି, ତେବେ ବି ଆଧାର କାର୍ଡ଼ ଅନିବାର୍ଯ୍ୟ ।