ବର୍ଷାରେ ବେହାଲ ପୁରୀ ! ଆଣ୍ଠୁଏ ଉଚ୍ଚର ନର୍ଦ୍ଦମା ପାଣିରେ ଭାସିଲା ବଡଦାଣ୍ଡ
କନକ ବ୍ୟୁରୋ : ପୁରୀ ବଡଦାଣ୍ଡରେ ଆଣ୍ଠୁଏ ଉଚ୍ଚରେ ବହିଲା ନର୍ଦ୍ଦମା ପାଣି । କାଳିଆର ଦର୍ଶନ ପାଇଁ ନର୍ଦ୍ଦମା ପାଣିରେ ପଶିଲେ ଭକ୍ତ । ଆଜି ପୁରୀରେ ପ୍ରବଳ ବର୍ଷା ହେବା ପରେ ଏଭଳି ସ୍ଥିତି ଉପୁଜିଛି । ପୁରୀ ସହରରେ ଥିବା ବିଭିନ୍ନ ଡ୍ରେନ ଗୁଡିକ ଅଳିଆ ଆବର୍ଜନାରେ ପୁରୀ ଯାଇଥିବାରୁ ଏଭଳି ପରିସ୍ଥିତି ହୋଇଥିବାର ସ୍ଥାନୀୟ ଲୋକ ଅଭିଯୋଗ କରିଛନ୍ତି । ପୂର୍ବରୁ ଏଭଳି ନର୍ଦ୍ଦମା ପାଣି ବୋହିବା କେବେ ଦେଖା ଯାଇନଥିଲା ବୋଲି ସ୍ଥାନୀୟ ଲୋକେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରତିବର୍ଷ କୋଟି କୋଟି ଟଙ୍କା ପୁରୀ ସହରର ବିକାଶରେ ଖର୍ଚ ହେଉଥିବାବେଳେ ଏହି ସବୁ ଯୋଜନା ଫେଲ ମାରିଛି । ଏପରିକି ନବକଳେବର ସମୟରେ ସରକାର ପାଣି ଭଳି ଟଙ୍କା ଖର୍ଚ୍ଚ କରିଥିଲେ ମଧ୍ୟ ଏହାର କୌଣସି ସୁଫଳ ମିଳିନାହିଁ । ସରକାରୀ କାଗଜପତ୍ରର ନାଲିଫିତା ତଳେ ପୁରୀର ବିକାଶ ସେହିଭଳି ଚାପି ହୋଇ ରହିଛି । ରାସ୍ତାରେ ପାଣି ଜମିବାକୁ ନେଇ ପୁର୍ବରୁ ଅନେକ ଥର ଆଲୋଚନା ହୋଇଥିଲା । କିନ୍ତୁ ବଡଦାଣ୍ଡର ସ୍ଥିତିରେ ଟିକିଏ ବି ପରିବର୍ତ୍ତନ ଆସିନଥିଲା । ସହରର ରାସ୍ତାରେ ଏତେମାତ୍ରାରେ ପାଣି ପ୍ରବାହିତ ହେବାଫଳରେ କିଛିସମୟ ପାଇଁ ଜନଜୀବନ ଠପ୍ ହୋଇଯାଇଥିଲା । ଯାହାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି ।