ସ୍କୁଲରେ ପରଷା ଯାଇଥିବା ମଧ୍ୟାହ୍ନ ଭୋଜନରେ ମିଳିଲା ସାପ ! ଇତସ୍ତତ ଦୌଡିବାକୁ ଲାଗିଲେ ପିଲା
ମହାରାଷ୍ଟ୍ରର ନାନ୍ଦେଡ ଜିଲ୍ଲାର ଏକ ସରକାରୀ ପ୍ରାଇମେରୀ ସ୍କୁଲରେ ଅଭାବନୀୟ ଘଟଣା । ଛାତ୍ରଛାତ୍ରୀଙ୍କ ମଧ୍ୟରେ ଆଲୋଡନ ସୃଷ୍ଟି କରିଛି । ସ୍କୁଲର ମଧ୍ୟାହ୍ନ ଭୋଜନରେ ପରଷା ଯାଇଥିବା ଖେଚୁଡିରେ ସାପ ମିଳିଛି । ସାପ ଦେଖି ପିଲାମାନେ ଇତସ୍ତତ ଦୌଡିବାକୁ ଲାଗିଲେ ।
Kanak News is now on WhatsApp
Join and get latest news updates delivered to you via WhatsApp
ଘଟଣା ପରେ ଏହି ମାମଲା ଉଚ୍ଚ ଅଧିକାରୀଙ୍କ ପାଖକୁ ପହଂଚିଛି, ଯାହାପରେ ଘଟଣାସ୍ଥଳରେ ଅଧିକାରୀମାନେ ପହଂଚି ତୁରନ୍ତ ଖେଚୁଡିକୁ ଜବତ କରିନେଇଛନ୍ତି ଓ ଏହି ମାମଲାରେ ଯାଂଚ କରିବାକୁ ଆଦେଶ ଦେଇଛନ୍ତି । ସେପଟେ ମଧ୍ୟାହ୍ନ ଭୋଜନ ନମିଳିବା କାରଣରୁ ସ୍କୁଲର ପାଖାପାଖି ୮୦ପିଲାଙ୍କୁ ଭୋକରେ ରହିବାକୁ ପଡିଛି । ଏହି ଘଟଣାର ତଦନ୍ତ କରି ନାନ୍ଦେଡ ଜିଲ୍ଲା ଶିକ୍ଷା ଅଧିକାରୀ ପ୍ରଶାନ୍ତ ଦିଗରାସ୍କର କହିଛନ୍ତି କି, ସାପ ମିଳିବା ପରେ ଭୋଜନ ସେବାକୁ ତୁରନ୍ତ ବନ୍ଦ କରିଦିଆଯାଇଛି, ଯଦ୍ୱାରା ଅଧିକାଂଶ ପିଲା ଭୋକରେ ରହିଗଲେ । ସେ କହିଛନ୍ତି କି, “ଆମେ ଏହି ମାମଲାକୁ ଗମ୍ଭୀରତାର ସହ ନେଉଛୁ ଓ ତଦନ୍ତ ଆଦେଶ ମଧ୍ୟ ଦିଆଯାଇଛି ।”