କନକ ବ୍ୟୁରୋ : ପରିବାରର ଏକମାତ୍ର ରୋଜଗାରକ୍ଷମ ବ୍ୟକ୍ତି ଗଳାକର୍କଟରେ ପୀଡ଼ିତ । ହସଖୁସିର ପରିବାର ଉପରେ ଭାଙ୍ଗି ପଡିଛି ଦୁଃଖର ପାହାଡ । ଏହି କରୁଣ କାହାଣୀ ହେଉଛି ପୁରୀ ଜିଲ୍ଲା ନିମାପଡ଼ା ବ୍ଲକ ଡଗରାସାହି ପୂର୍ଣ୍ଣଚନ୍ଦ୍ର ବେହେରାଙ୍କର । ୪୫ ବର୍ଷିୟ ପୂର୍ଣ୍ଣଚନ୍ଦ୍ର ଗଳାକର୍କଟ ରୋଗରେ ପୀଡ଼ିତ । ଦୁଇ ପୁଅ, ସ୍ତ୍ରୀ ଏବଂ ବୁଢ଼ି ମାଆକୁ ନେଇ ହସ ଖୁସିରେ ଚାଲିଥିଲା ପୂର୍ଣ୍ଣଚନ୍ଦ୍ରଙ୍କ ସଂସାର । ଦିନ ମଜୁରିଆ ପୂର୍ଣ୍ଣ ଗଳାକର୍କଟରେ ଆକ୍ରାନ୍ତ ହେବା ପରେ ସବୁକିଛି ଓଲଟପାଲଟ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସରକାରଙ୍କ ପ୍ରଧାନମନ୍ତ୍ରୀ ଆବସ ଯୋଜନା ଠାରୁ ଦୂରରେ ଥିବା ପୂର୍ଣ୍ଣଚନ୍ଦ୍ର ଚାଳ ଛପର ଘରେ ମୁ୍ଣ୍ଡ ଗୁଞ୍ଜିଥିବା ବେଳେ ଚିକିତ୍ସା ପାଇଁ ଅର୍ଥ ସାଜିଛି ବାଧକ । ଏଭଳି ସ୍ଥିତିରେ ପରିବାରର ପେଟକୁ ଦାନା ଗଣ୍ଡାଏ ପାଇଁ ଗ୍ରାମବାସୀ ଓ ସ୍ୱେଚ୍ଛାସେବୀ ସଂଗଠନ ଭରସା ପାଲଟିଛନ୍ତି । ଚିକିତ୍ସା ପାଇଁ ଆର୍ଥିକ ସହାୟତା ଦେବା ସହ ପରିବାର ଭରଣପୋଷଣ ପାଇଁ ସରକାରୀ ସାହାଯ୍ୟ ସହଯୋଗ ଯୋଗାଇ ଦେବାକୁ ଦାବି ହୋଇଛି । ତଦନ୍ତ କରାଯାଇ ପୂର୍ଣ୍ଣଚନ୍ଦ୍ରଙ୍କୁ ସରକାରୀ ସୁବିଧା ସୁଯୋଗ ଯୋଗାଇ ଦିଆଯିବ ବୋଲି କହିଛନ୍ତି ନିମାପଡା ବିଡିଓ ।
ଚିକିତ୍ସା ଅଭାବରୁ ପୁର୍ଣ୍ଣଚନ୍ଦ୍ର ଏବେ ଶଯ୍ୟାଶାୟୀ । ସ୍ୱାମୀଙ୍କ ଚିକିତ୍ସା ପାଇଁ ଅର୍ଥାଭାବ ଥିବାରୁ ସହାୟତା ପାଇଁ ସ୍ୱେଛାସେବୀ ଅନୁଷ୍ଠାନ, ବାଦାନବ୍ୟକ୍ତି ବିଶେଷ ଏବଂ ସରକାରଙ୍କୁ ନିବେଦନ କରିଛନ୍ତି ତାଙ୍କ ସ୍ତ୍ରୀ ମୀନା ବେହେରା ।