ଏମିତି ଏକ ଭୟଙ୍କର ମନ୍ଦିର! ଯେଉଁଠିକୁ ଯିବା ପାଇଁ ଡରନ୍ତି ଲୋକେ
ସୁସ୍ଥ ସମାଜରେ ଭଗବାନଙ୍କୁ ଆରାଧନା କରିବା ପାଇଁ ମଣିଷ ସମାଜ ମନ୍ଦିରକୁ ଯାଇଥାଏ । କିନ୍ତୁ ଏମିତି ଏକ ମନ୍ଦିର ଅଛି ଯୋଉଠିକୁ ଯିବାପାଇଁ ସାଧାରଣ ଲୋକ ଡରିଥାନ୍ତି । ଏମିତି ତ ଅନେକ ମନ୍ଦିର ଅଛି ଯାହାର କିଛି ନାକିଛି ଅଦଭୁତ କିମ୍ବଦନ୍ତୀ ରହିଛି ଏବଂ ସେଥିପାଇଁ ସେ ମନ୍ଦିର ଗୁଡିକ ସାରା ଦୁନିଆରେ ଲୋକଙ୍କ ମଧ୍ୟରେ ଚର୍ଚ୍ଚାର ପରିସର ମଧ୍ୟରେ ମଧ୍ୟ ରହିଥାନ୍ତି । ଏବଂ ବହୁ ଦୂରରୁ ପର୍ଯ୍ୟଟକ ମାନେ ମଧ୍ୟ ଆକୃଷ୍ଟ ହୋଇ ଏହି ମନ୍ଦିର ଗୁଡିକୁ ଦେଖିବା ପାଇଁ ଆସିଥାନ୍ତି । କିନ୍ତୁ ଏମିତି ବି ମନ୍ଦିର ରହିଛି , ଯେଉଁଠିକୁ ଆସିବାକୁ ଲୋକ ଡରିଥାନ୍ତି । ଏଭଳି ଏକ ରିପୋର୍ଟ ପ୍ରକାଶ କରିଛି ଦୈନିକ ଜାଗରଣ ।
Kanak News is now on WhatsApp
Join and get latest news updates delivered to you via WhatsApp
ଏହି ରହସ୍ୟମୟ ମନ୍ଦିର ଆଉ କୋଉଠି ନୁହଁ ଦିଲ୍ଲୀରୁ ୫୦୦ କିଲୋମିଟର ଦୂର ହିମାଚଳର ଚମ୍ବା ଜିଲ୍ଲାର ଭରମୋର ରେ ଅବସ୍ଥିତ । ମୃତ୍ୟୁର ଦେବତା ଯମରାଜ ଏହି ମନ୍ଦିରରେ ପୂଜା ପାଇଥାନ୍ତି । ମନ୍ଦିରଟି ଦେଖିବା ପାଇଁ ସମ୍ପୂର୍ଣ୍ଣ ଭାବରେ ଘର ଭଳି, ତଥାପି ସାଧାରଣ ଲୋକଟିଏ ଏହି ମନ୍ଦିରକୁ ଆସିବା ପାଇଁ ଡରିଥାଏ । ଏହି ମନ୍ଦିରରେ ଯମରାଜ ଅବସ୍ଥାପିତ କରିବାର ମଧ୍ୟ ନଜିର ରହିଛି । ମନ୍ଦିରରେ ଏକ ଖାଲି କୋଠରୀ ରହିଛି, ଯାହାକୁ ଚିତ୍ରଗୁପ୍ତଙ୍କର କୋଠରୀ ବୋଲି ମଧ୍ୟ କୁହାଯାଇଥାଏ।
କିମ୍ବଦନ୍ତୀ ରହିଛି ଯେ ମର୍ତ୍ୟମଣ୍ଡଳରେ ଯେତେବେଳେ ଜଣଙ୍କର ମୃତ୍ୟୁ ହୁଏ , ସେତେବେଳେ ଯମରାଜଙ୍କର ଦୁତ ଆସି ବ୍ୟକ୍ତିଙ୍କର ଆତ୍ମାକୁ ନେଇ ଏଇ ମନ୍ଦିରକୁ ଆସିଥାନ୍ତି,ଏବଂ ଏଠି ଚିତ୍ରଗୁପ୍ତ ସେହି ଜୀବାତ୍ମାକୁ ତାର କର୍ମଅନୁସାରେ ଦଣ୍ଡ ଦେଇଥାନ୍ତି । ଏହି କାରଣ ପାଇଁ ଏହି ମନ୍ଦିରକୁ ଆସିବା ପାଇଁ ଲୋକ ଡରିଥାନ୍ତି । ପୂଜାରୀ ହିଁ କେବଳ ମନ୍ଦିରକୁ ଆସି ପୂଜାର୍ଚ୍ଚନା କରିଥାନ୍ତି ।