ବିନି ଦିଦି ପରେ ଏବେ ଚର୍ଚ୍ଚାରେ ପୁଷ୍ପଲତା: ରୋଗୀଙ୍କ ଜୀବନ ବଞ୍ଚାଇବାକୁ ନିଜ ଜୀବନକୁ ବାଜିରେ ଲଗାନ୍ତି, ନଈ ପାର ହୋଇ ସେବା କରନ୍ତି
କନକ ବ୍ୟୁରୋ: ଭରା ନଈ, ପ୍ରଖର ସ୍ରୋତ । ନଈ ମଝିରେ ଅଣ୍ଟେ ଅଣ୍ଟେ ପାଣି । ପାଣି ଭିତରେ ପାଦେ ପାଦେ ବିପଦ, ଗୋଡ ଟିକେ ଏପଟ ସେପଟ ହେଲେ ଭାସିଯିବାର ଭୟ, ପାଣି ବଢିଗଲେ ବୁଡିଯିବାର ଆଶଙ୍କା । ଆଉ ତାରି ଭିତରେ ଲୋକଙ୍କ ସେବା କରିବାର ଅଦମ୍ୟ ଝୁଙ୍କ, ନଈ ଡେଇଁବାର ଅଖଣ୍ଡ ଆତ୍ମବିଶ୍ୱାସ । ସେଇଥିପାଇଁ ବୋଧେ ପାଣି ପାରେଇ ସବୁଦିନ ଏମିତି ଲୋକଙ୍କୁ ଚିକିତ୍ସା କରିବାକୁ ଯାଆନ୍ତି ଛତିଶଗଡର ପୁଷ୍ପଲତା ।
Kanak News is now on WhatsApp
Join and get latest news updates delivered to you via WhatsApp
ଲୋକଙ୍କ ଦୁଃଖ, ରୋଗୀର ଆର୍ତ୍ତ ଚିକ୍ରାର, କଅଁଳା ଶିଶୁର କାନ୍ଦ ଆଉ ଗର୍ଭବତୀ ମହିଳାର ଗୁହାରୀ ପୁଷ୍ପାଙ୍କୁ ପାଣି ପାରକରି ଆରପଟକୁ ଯିବାକୁ ସାହସ ଦିଏ । ରୋଗୀଟିଏ ଭଲ ହେବା ପରେ ତା ମୁହଁର ହସ ତାଙ୍କୁ ଆତ୍ମତୃପ୍ତି ଦିଏ, ଆଉ ସେ ପାଣି ମଝିରେ କରୁଥିବା ସଙ୍ଘର୍ଷକୁ ହଜାଇଦିଏ । ସେଇଥିପାଇଁ ତ ପୁଷ୍ପାଙ୍କୁ ଲୋକେ ସେବାର ସାକ୍ଷାତ ଦେବୀ ବୋଲି କୁହନ୍ତି ।
Chhattisgarh:A female health worker crosses a river on foot
to provide healthcare services to villagers in Balrampur; says,“I visit this village after crossing a river as it’s surrounded by water on all sides.I feel scared,but I come here to provide medical aid to the villagers” pic.twitter.com/9jxOCGRT7Q— ANI (@ANI) September 17, 2019
ଅନେକ ସଂଘର୍ଷ ପରେ ଛତିଶଗଡ ବଳରାମପୁର ଗାଁରେ ଥିବା ଏହି ସ୍ୱାସ୍ଥ୍ୟକେନ୍ଦ୍ରରେ ପହଞ୍ଚନ୍ତି ପୁଷ୍ପଲତା । ନଈ ପାର ହେବା ପରେ ବିଲରେ ଚାଲିଚାଲି ଜଙ୍ଗଲିଆ ରାସ୍ତା ଦେଇ ସ୍ୱାସ୍ଥ୍ୟକେନ୍ଦ୍ରରେ ପହଞ୍ଚନ୍ତି ପୁଷ୍କା । ତେବେ ଜୀବନ ପ୍ରତି ବିପଦ ଥିଲେ ବି ଲୋକଙ୍କ ସେବା ଆଗରେ ସେସବୁ ତୁଚ୍ଛ ବୋଲି ପୁଷ୍ପା କୁହନ୍ତି ।
ତେବେ ଛତିଶଗଡର ପୁଷ୍ପାଙ୍କ ଭଳି ଓଡିଶାର ବିନି ଦିଦି ମଧ୍ୟ ନଈ, ପାହାଡ ପାର ହୋଇ ସ୍କୁଲରେ ପିଲାଙ୍କୁ ପଢାଇବାକୁ ଯାଆନ୍ତି । ନିଜ ଜୀବନକୁ ବାଜି ଲଗାଇ, ଢେଙ୍କାନାଳର ସାପୁଆ ନଈ ପାରେଇ ସେ କେମିତି ଛାତ୍ରଛାତ୍ରୀଙ୍କ ଭବିଷ୍ୟତ ଗଢିବାକୁ ସଂଘର୍ଷ କରନ୍ତି ତାହା ଆମେ ଦେଖାଇଥିଲୁ । ତେବେ ଶିକ୍ଷାର ସାକ୍ଷାତ ଦେବୀ ବିନି ଦିଦିଙ୍କ ପରି ଏବେ ସେବାର ସାକ୍ଷାତ ଦେବୀ ପୁଷ୍ପାଙ୍କୁ ନେଇ ସବୁଠି ଚର୍ଚ୍ଚା ।