ଅଡୁଆରେ ରାକ୍ଷୀ ସାୱନ୍ତ ! ନୂଆ ଗିରଫ ୱାରେଂଟ୍ ଜାରି !
ଲୁଧିଆନା କୋର୍ଟ ବଲିଉଡର ଆଇଟମ୍ ଗର୍ଲ ରାକ୍ଷୀ ସାୱନ୍ତଙ୍କ ବିରୋଧରେ ଏକ ନୂଆ ଗିରଫ ୱାରେଂଟ୍ ଜାରି କରିଛି । କୋର୍ଟ ସୂତ୍ରାନୁସାରେ ଗତ ତାରିଖରେ ସେ କୋର୍ଟରେ ହାଜର ନହେବା କାରଣରୁ ଏହି ୱାରେଂଟ୍ ଜାରି କରାଯାଇଛି । ପ୍ରକୃତରେ ରାକ୍ଷୀଙ୍କୁ ଗତ ୭ ଅଗଷ୍ଟରେ କୋର୍ଟରେ ଉପସ୍ଥିତ ପାଇଁ ତାରିଖ ଥିଲା । କିନ୍ତୁ ଏହି ତାରିଖରେ ସେ ପହଁଚିନଥିଲେ । ତାଙ୍କ ଓକିଲଙ୍କ ତରଫରୁ ସେ ଆମେରିକାରେ ଅଛନ୍ତି ବୋଲି ଦଲିଲ୍ ଦିଆଯାଇଥିଲା । ରାକ୍ଷୀଙ୍କ ଓକିଲ ତାଙ୍କ ବେଲ୍ ଅବଧି ବଢାଇବା ପାଇଁ ଦରଖାସ୍ତ କରିଥିଲେ । ଏହାକୁ ତଳ କୋର୍ଟ ଖାରଜ କରିଦେଇଥିଲେ । ରାକ୍ଷୀଙ୍କ ଓକିଲ ମଙ୍ଗଳବାର ଦିନ ବେଲ୍ ଅବଧି ବଢାଇବା ପାଇଁ ପିଟିସନ ସହ ଲୁଧିଆନାର ଜିଲ୍ଲା ଓ ସେସନ କୋର୍ଟରେ ପହଁଚିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଋଷି ବାଲ୍ମୀକିଙ୍କ ବିରୋଧରେ ଆପତ୍ତିଜନକ ଟିପ୍ପଣୀ କରିବା ମାମଲାରେ ଛନ୍ଦି ହୋଇଥିବା ରାକ୍ଷୀ ସାୱନ୍ତଙ୍କ ବେଲ୍ ପିଟିସନକୁ ଟ୍ରାୟଲ କୋର୍ଟ ଗତ ମାସରେ ରଦ୍ଦ କରିଦେଇଥିଲେ ଏବଂ ନୂଆ ଗିରଫ ୱାରେଂଟ୍ ଜାରି କରାଯାଇଥିଲା । ତାଙ୍କୁ ବେଲ୍ ଦିଆଯାଇଥିଲା । କାରଣ ଶୁଣାଣୀର ଠିକ୍ ଗୋଟାଏ ଦିନ ପୂର୍ବରୁ ରାକ୍ଷୀ କୋର୍ଟ ପହଁଚି ନିଜର ସରେଣ୍ଡର କରିଥିଲେ । ଭିଡରେ କେହି ଯେମିତି ଚିହ୍ନି ନପାରିବେ , ଏଥିପାଇଁ ରାକ୍ଷୀ ବୁର୍କା ପିନ୍ଧି ଯାଇଥିଲେ । କିନ୍ତୁ କୋର୍ଟ ତାପର ଦିନ ବେଲକୁ ରଦ୍ଦ କରିଦେଇଥିଲେ । ପୁଣି ୭ ଅଗଷ୍ଟକୁ ଉପସ୍ଥିତ ହେବାକୁ କହିଥିଲେ ।
ରାକ୍ଷୀ ସାୱନ୍ତ ଏହି ଏହି ବିବାଦୀୟ ଟିପ୍ପଣୀକୁ ନେଇ ବାଲ୍ମୀକି କମ୍ୟୁନିଟିକୁ କ୍ଷମା ମାଗିସାରିଛନ୍ତି । କିଛି ଦିନ ପୂର୍ବରୁ ଏକ ଟିଭି ସୋ’ ରେ ଏହା କରିଥିଲେ । ଏହାପରେ ତାଙ୍କ ବିରୋଧରେ ଏଫଆଇଆର୍ ଦିଆଯାଇଥିଲା ଏବଂ ୯ମାର୍ଚ୍ଚକୁ ଗିରଫ ୱାରେଂଟ୍ ଜାରି ହୋଇଥିଲା ।
କଣ କହିଥିଲେ ରାକ୍ଷୀ ସାୱନ୍ତ ?
ରାକ୍ଷୀ ସାୱନ୍ତ କହିଥିଲେ ମହର୍ଷି ବାଲ୍ମୀକି ପଥମେ ଦସ୍ୟୁ ଥିଲେ ଓ ପରେ ସନ୍ଥ ବନିଥିଲେ । ଏହିପରି ଗାୟକ ମିକା ସିଂହ ମଧ୍ୟ ବଦଳିଯାଇଛନ୍ତି । ଏବେ ଭଲ ହୋଇଯାଇଛନ୍ତି ।