ଆତଙ୍କବାଦୀ ସଂଗଠନ ଆଇଏସଆଇଏସର ‘ଲୋନ୍ ବୁଲ୍ଫ’ ନାମକ ଏକ ଟେଲିଗ୍ରାମ ଗ୍ରୁପର ହେଲା ଖୁଲାସା ! କରାଯାଉଛି ଯୁବକଙ୍କ ବ୍ରେନୱାସ୍,ଅଚାନକ ହମଲା ପାଇଁ ସଂଘ ଦେଉଛି ତାଲିମ।
କନକବ୍ୟୁରୋ: କାଶ୍ମୀରରେ ଦୁନିଆର ସବୁଠାରୁ ବଡ ଆତଙ୍କବାଦୀ ସଂଗଠନ ଆଇଏସଆଇଏସ ରହିଥିବା ପ୍ରମାଣ ମିଳିଛି । ସେଠାରେ ଏକ ଟ୍ରେଲିଗ୍ରାମ ଗ୍ରୁପ ମାଧ୍ୟମରେ ସେମାନଙ୍କ ବିଚାରଧାରା ଆନ୍ଦୋଳନକାରୀଙ୍କୁ ପ୍ରଭାବିତ କରୁଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଏକ ବିଶେଷ ସୂତ୍ରରୁ ଜଣାପଡିଛି କି, କାଶ୍ମୀର ଘାଟିଉପରେ ‘ଉଲଲାହାୟା କାଶ୍ମୀର’ ନାମକ ଏକ ଟ୍ରେଲିଗ୍ରାମ ଗ୍ରୁପ ଚାଲୁଅଛି । ଏହାରି ମାଧ୍ୟମରେ ସେଠାକାର ଯୁବକମାନଙ୍କୁ ପ୍ରଭାବିତ କରାଯାଉଛି । ତଦନ୍ତରୁ ଜଣାପଡିଛି ଯେ, ଏଥିରେ ୨୨୩ ଜଣ ସଦସ୍ୟ ଥିବା ନେଇ ସୁଚନା ମିଳିଛି । ଏହା ମାଧ୍ୟମରେ ସମସ୍ତ ତଥ୍ୟ ବିଦେଶରେ ଥିବା ଆତଙ୍କୀ ସଂଗଠନକୁ ପଠାଯିବା ସହ ବହୁ ଗୁରୁତ୍ୱପୂର୍ଣ୍ଣ ସୂଚନା ମଧ୍ୟ ଦିଆଯାଉଛି । ଏପରି କି ସିରିୟାରେ ପ୍ରଳୟ ରଚାଉଥିବା ଆତଙ୍କବାଦୀମାନେ ମଧ୍ୟ ଏହି ଗ୍ରୁପରେ ସଦସ୍ୟ ରହିଛନ୍ତି । ଏହା ସହ କିପରି ଭାବରେ ବିସ୍ଫୋରୋକ ଦ୍ରବ୍ୟ ପ୍ରସ୍ତୁତ କରାଯିବ ତାହାର ସୂଚନା ବି ଏଠାରେ ଦିଆଯାଉଛି ।
ଏହି ଗ୍ରୁପରେ ଥିବା ସଦସ୍ୟମାନେ କୌଣସି ଶବ୍ଦ ବ୍ୟବହାର ନ କରି ସେମାନଙ୍କ କୋର୍ଡରେ ହିଁ କଥାବାର୍ତା ହେଉଛନ୍ତି । ତେଣୁ ସେମାନେ କେଉଁ ପ୍ରସଙ୍ଗରେ କଥା ହେଉଛନ୍ତି ତାହା ଜଣାପଡୁନାହିଁ । କେବଳ ସେମାନଙ୍କ ସହ ଜଡିତ ଥିବା ଲୋକ ହିଁ ଏହାକୁ ପଢିପାରିବେ । ଯେତେବେଳେ ସେମାନେ ଜାଣିପାରିଲେ କି ଏହାକୁ ସୁରକ୍ଷାବାହିନୀ ଟ୍ରାକ କରୁଛି । ପରେ ସେମାନେ ମଧ୍ୟ ନିଜର ଗ୍ରୁପର ନାମ ୨୦୧୭ ପରିବର୍ତ୍ତନ କରିଛନ୍ତି ।
ଏହା ସହ ମହିଳାମାନଙ୍କର ମଧ୍ୟ ଏକ ଗ୍ରୁପ ଚାଲିଥିବା ଜଣାପଡିଛି । ଯାହାକୁ ନେଇ ଚିନ୍ତା ପ୍ରକାଶ କରିଛି ଗୃହ ମନ୍ତ୍ରାଳୟ । ଏହି ଗ୍ରୁପର ନାମ ‘ଦୋଲତ ଉଲ ଇସଲାମ’ ରହିଛି । ଏହା ମଧ୍ୟ ସକ୍ରିୟ ଭାବରେ କାମ କରୁଛି । ତେଣୁ ଏପରି ଅନ୍ୟ କେତୋଟି ଗ୍ରୁପ ଚାଲିଛି ତାହାର ଅନୁସଂନ୍ଧାନ କରାଯିବା ସହ କିପରି ଭାବରେ ଏଥିରେ ଥିବା ଲୋକମାନଙ୍କୁ ଧରାଯିବ ଓ ସେମାନଙ୍କଠାରୁ ଆତଙ୍କବାଦୀଙ୍କ ସମ୍ପର୍କରେ ତଥ୍ୟ ସଂଗ୍ରହ କରାଯିବ ତାହା ଲାଗି ପଦେକ୍ଷପ ନିଆଯିବ ବୋଲି ଗୃହ ମନ୍ତ୍ରାଳୟ ପକ୍ଷରୁ କୁହାଯାଇଛି ।