ନାସାର ନୂଆ ଆବିଷ୍କାର ! ପୃଥିବୀ ଭଳି ୯୫ଟି ଗ୍ରହ ଆବିଷ୍କାର କଲା ନାସା
ଆମ ସୌରଜଗତ ବାହାରେ ପ୍ରାୟ ୯୫ଟି ଗ୍ରହର ଆବିଷ୍କାର କରିଛି ଆମେରିକୀୟ ମହାକାଶ ସଂସ୍ଥା ନାସା। ଏଗୁଡ଼ିକ ନିଜ ନିଜର ସୂର୍ୟ୍ୟ ଚାରିପଟେ ପରିକ୍ରମଣ କରୁଛନ୍ତି । ନାସାର କେପଲର ସ୍ପେଶ୍ ଟେଲିସ୍କୋପ ପକ୍ଷରୁ ଏହି ଆବିଷ୍କାର କରାଯାଇଛି । ୨୦୦୯ରେ ଲଞ୍ଚ୍ ହୋଇଥିବା କେପଲର୍ ମୋଟ ୫ ହଜାର ମହାଜାଗତିକ ବସ୍ତୁକୁ ଚିହ୍ନଟ କରିଥିଲା । ଏଗୁଡ଼ିକ ମଧ୍ୟରୁ ପ୍ରାୟ ୨୫୦୦ଟି ଗ୍ରହ ବୋଲି ନିଶ୍ଚିତ ହୋଇଯାଇଛି । ତେବେ ଏଗୁଡିକ ମଧ୍ୟରୁ ପ୍ରାୟ ୯୫ଟି ଗ୍ରହ ସହିତ ପୃଥିବୀର ସାଦୃଶ୍ୟ ରହିଥିବା ଜଣାଯାଇଛି । ଏହି ଆବଷ୍କାର ଫଳରେ ପୃଥିବୀ ପରି ଜୀବଜଗତ ( କିମ୍ବା ଆଲିଏନ), ବାୟୁ ମଣ୍ଡଳ, ସମୁଦ୍ର ଥିବା ଆଉ ଏକ ଗ୍ରହ ମିଳିବାର ଆଶା ବଢିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଆବିଷ୍କାରକୁ ଡେନମାର୍କ ସ୍ଥିତ ଟେକନିକାଲ ୟୁନିଭର୍ସିଟିର ନାସନାଲ ସ୍ପେଶ ୟୁନିଭର୍ସିଟିର ଗବେଷକ ଆଣ୍ଡ୍ରିୟୁ ମାୟୋଙ୍କ ନେତୃତ୍ୱରେ ଏକ ଟିମ କରିଛି । ୨୦୧୩ରେ କେପଲରେ ଦେଖାଦେଇଥିବା କେତେକ ଯାନ୍ତ୍ରିକ ତ୍ରୁଟି ପରେ ତାହାର ପର୍ୟ୍ୟବେକ୍ଷଣ କ୍ଷେତ୍ରକୁ ବଦଳାଯାଇଥିଲା ଓ ଆଉ ଏକ ନୂଆ ସ୍ପେଶ ଟେଲିସ୍କୋପ କେ-ଟୁ ଲଞ୍ଚ୍ କରାଯାଇଥିଲା ।