ଭାରତୀୟ ସେନାରେ ଖାଲି ପଡିଛି ୮୪ ହଜାରରୁ ଅଧିକ ପଦବୀ, ଖୁବଶୀଘ୍ର ଦିଆଯିବ ନିଯୁକ୍ତି !
ଭାରତୀୟ ସେନାରେ ଖୁବଶୀଘ୍ର ନିଯୁକ୍ତି ପ୍ରକିୟା ଆରମ୍ଭ ହେବାକୁ ଯାଉଛି । ଭାରତ ସରକାରଙ୍କ ପକ୍ଷରୁ ଜାରି କରାଯାଇଥିବା ସୂଚନା ଅନୁଯାୟୀ, ଭାରତୀୟ ସେନାରେ ୮୪୦୩୭ଟି ପଦ ଖାଲି ପଡିଛି । ଯେଉଁଥିରେ ସିଆରପିଏଫର ସର୍ବାଧିକ ୨୨ ହଜାର ୯୮୦ଟି ପଦ ଖାଲି ପଡିଛି । ଏନେଇ କେନ୍ଦ୍ର ଗୃହ ରାଜ୍ୟ ମନ୍ତ୍ରୀ କିରଣ ରିଜଜୁ ରାଜ୍ୟସଭାରେ ଉତ୍ତର ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କିରଣ ରିଜଜୁଙ୍କ ପକ୍ଷରୁ ଦିଆଯାଇଥିବା ଉତ୍ତରରେ କୁହାଯାଇଛି ଯେ, ସୀମା ସୁରକ୍ଷା ବଳରେ ୨୧,୪୬୫ଟି ପଦ ଖାଲି ଥିବା ବେଳେ ସଶସ୍ତ୍ର ସୀମା ବଳରେ ୧୮,୧୦୨ଟି ପୋଷ୍ଟ ଫାଙ୍କା ପଡିଛି । ଅନ୍ୟପଟେ ସିଆଇଏସଫରେ ୧୦,୪୧୫ ପଦ ଫାଙ୍କା ଥିବା ବେଳେ ଭାରତ-ତିବ୍ଦତ ସୀମା ପୋଲିସରେ ୬୬୪୩ ଓ ଆସାମ ରାଇଫଲ୍ସରେ ୪୪୩୨ଟି ପଦ ଫାଙ୍କା ପଡିଛି ।ଏହି ପଦ ଗୁଡିକରେ ଏବେ ଭର୍ତ୍ତି ପାଇଁ ସରକାର ଅଣ୍ଟା ଭିଡିଛନ୍ତି ।
ଏସବୁ ଭିତରେ କେନ୍ଦ୍ର ଗୃହ ମନ୍ତ୍ରାଳୟ ସିଏପିଏଫ ୭୬,୫୭୮ଟି ଖାଲିଥିବା ପଦରେ ଭର୍ତ୍ତି ପାଇଁ ପ୍ରକ୍ରିୟା ଆରମ୍ଭ କରିଛି । ଯେଉଁଥିରେ ୭୬୪୬ଟି ସିଟ୍ ମହିଳାଙ୍କ ପାଇଁ ଉଦ୍ଦିଷ୍ଟ ରହିଛି । ଏସଏସସି, ୟୁପିଏସସି ମାଧ୍ୟମରେ ଏହି ପଦ ଗୁଡିକରେ ନିଯୁକ୍ତି ଦିଆଯିବ ।