କନକ ବ୍ୟୁରୋ: କେନ୍ଦ୍ର ସରକାରଙ୍କ ବଡ଼ ନିଷ୍ପତି ଦେଶରେ ଖୁବ୍ ଶୀଘ୍ର ଖୋଲାଯିବ ନୂତନ ୮୦୦୦ ସିବିଏସଇ ସ୍କୁଲ । ଏନେଇ ପଡ଼ି ରହିଥିବା ୮୦୦୦ ସିବିଏସଇ ଆବେଦନ ଉପରେ ସମୀକ୍ଷା କରି ଏହି ନିର୍ଣ୍ଣୟ ନେଇଛନ୍ତି କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ପ୍ରକାଶ ଜାଭଦେକର । ଗତକାଲି ମାନବ ସମ୍ବଳ ବିକାଶ ମନ୍ତ୍ରୀ ପ୍ରକାଶ ଜାଭେଦକର ଏନେଇ ଉପ-ଆଇନ୍ ଜାରି କରିଥିଲେ । ପୂର୍ବରୁ ଥିବା ମାନ୍ୟତା ସମ୍ବନ୍ଧି ଆଇନ୍ ବହୁତ ଜଟିଳ ଥିଲା । ସେଥିପାଇଁ ଏସବୁ ଆବେଦନ ଦୀର୍ଘ ଦିନ ଧରି ପଡି ରହିଥିଲା । ଏବେ ନୂତନ ଉପ-ଆଇନରେ କୁହାଯାଇଛି ଯେ ଯଦି କୌଣସି ସ୍କୁଲ ପରୀକ୍ଷା ଅନିୟମିତତାରେ ଲିପ୍ତ ରହିଛି ତେବେ ଏହି ସ୍କୁଲର ମାନ୍ୟତାକୁ ରଦ୍ଦ କରାଯିବ।
Kanak News is now on WhatsApp
Join and get latest news updates delivered to you via WhatsApp
ଏହି ଆଇନ ଅନୁଯାୟୀ ସିବିଏସଇ ସ୍କୁଲ ଖୋଲିବା ପ୍ରକ୍ରିୟା ସରଳୀକରଣ କରାଯାଇ ସଂପୂର୍ଣ୍ଣ ଭାବେ ପେପରଲେସ୍ କରି ଦିଆଯାଇଛି । ଏବଂ ସ୍କୁଲକୁ କେବଳ ଦୁଇଟି ଦସ୍ତାବିଜ୍ ଜମା କରିବାକୁ କୁହାଯାଇଛି । ଏହି ସବୁ ଆବେଦନ ଉପରେ ବିଚାର କରାଯାଇ ଚଳିତ ବର୍ଷ ଶେଷ ସୁଦ୍ଧା ଏହି ସବୁ କାର୍ଯ୍ୟ ଶେଷ କରିବାକୁ ଲକ୍ଷ୍ୟ ରଖାଯାଇଛି । କେନ୍ଦ୍ରମନ୍ତ୍ରୀ ପ୍ରକାଶ ଜାଭେଦକର କହିଛନ୍ତି ଯେ ବର୍ତ୍ତମାନ ସମୟରେ ଆରଇଟି ଆଇନ୍ ଆଧାରରେ ବିଦ୍ୟାଳୟକୁ ମାନ୍ୟତା ତଥା ଏନଓସି ଦେବା ପାଇଁ ରାଜ୍ୟ ଶିକ୍ଷା ପ୍ରଶାସନ, ସ୍ଥାନୀୟ ପ୍ରଶାସନ ଓ ରାଜସ୍ଵ ବିଭାଗରୁ ମିଳୁଥିବା ଅନେକ ପ୍ରମାଣ ପତ୍ରର ଯାଞ୍ଚ କରିଥାଏ। ଏହା ପରେ ଆବେଦନ ମିଳିବା ପରେ ସିବିଏସଇ ହାର ପୁନଃ ଯାଞ୍ଚ କରିଥାଏ। ଏହି ପ୍ରକାରରେ ପୂରା ପ୍ରକ୍ରିୟା ଅଧିକ ଜଟିଳ ହୋଇଥାଏ ।
କିନ୍ତୁ ବର୍ତ୍ତମାନ ସିବିଏସଇ ଦ୍ଵାରା ସ୍କୁଲର ନୀରିକ୍ଷଣ ପରିଣାମ ଆଧାରିତ ହେବ ଏବଂ ଶିକ୍ଷାର ଗୁଣବତ୍ତା ଉପରେ ଜୋର ଦିଆଯିବ। ତେଣୁ ସମଗ୍ର ଦେଶରେ ବର୍ତ୍ତମାନ ସୁଧା ୨୦,୭୮୩ ସ୍କୁଲ ସିବିଏସଇ ମାନ୍ୟତା ପ୍ରାପ୍ତ ଦ୍ୱାରା ପରିଚାଳିତ ହେଉଛି । ତେବେ ମନ୍ତ୍ରଣାଳୟ ପକ୍ଷରୁ ମିଳିଥିବା ରିପୋର୍ଟ ଅନୁସାରେ ଉକ୍ତ ସିବିଏସଇ ସ୍କୁଲ ଗୁଡିକରେ ୧.୯ କୋଟି ଛାତ୍ର ଛାତ୍ରୀ ପଢୁଥିବା ବେଳେ ୧୦ ଲକ୍ଷରୁ ଅଧିକ ଶିକ୍ଷକ ଅଛନ୍ତି । ତେଣୁ ଏହି ଆଇନ୍ ଦ୍ୱାରା ନୂତନ ସିବିଏସଇ ସ୍କୁଲ ଅତି ସରଳୀକୃତ ଭାବେ ଖୋଲିପାରିବ । ଯାହା ଶିକ୍ଷା କ୍ଷେତ୍ରରେ ଏକ ବଡ଼ ପରିବର୍ତ୍ତନ ଆଣିବ ବୋଲି କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ କହିଛନ୍ତି ।