ସମୟ ପୂର୍ବରୁ ନିର୍ବାଚନ ହେବା ନେଇ ପୁଣି ଆରମ୍ଭ ହେଲା ଚର୍ଚ୍ଚା ! ଗୋଟିଏ ଦିନରେ ବଦଳିଲେ ୭ଟି ରାଜ୍ୟର ରାଜ୍ୟପାଳ ।
କେନ୍ଦ୍ର ସରକାର କଣ ସମୟ ପୂର୍ବରୁ ସାଧାରଣ ଓ ଆଉ କେତେକ ରାଜ୍ୟର ବିଧାନସଭା ନିର୍ବାଚନ କରିବାକୁ ଯୋଜନା କରୁଛନ୍ତି ? ଏହି ପ୍ରଶ୍ନ ଗତ କିଛି ମାସ ଧରି ସମସ୍ତଙ୍କୁ ଆନ୍ଦୋଳିତ କରୁଛି । କିନ୍ତୁ ଆଜି କେନ୍ଦ୍ର ସରକାର ନେଇଥିବା ଏକ ପଦକ୍ଷେପକୁ ନେଇ ଏହି ସଂଦେହ ଦୃଢୀଭୁତ ହୋଇଛି । କଥା ହେଉଛି ଆଜି କେନ୍ଦ୍ର ସରକାର ଗୋଟିଏ ଦିନରେ ୭ଟି ରାଜ୍ୟର ରାଜ୍ୟପାଳଙ୍କୁ ବଦଳାଇ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ ବିହାର ରାଜ୍ୟପାଳ ତଥା ପୂର୍ବରୁ କିଛିଦିନ ଓଡ଼ିଶା ଦାୟିତ୍ୱରେ ଥିବା ସତ୍ୟପାଲ ମଲ୍ଲିକଙ୍କୁ ଜାମ୍ମୁ ଓ କାଶ୍ମୀରର ରାଜ୍ୟପାଳ ଭାବେ ନିଯୁକ୍ତ କରାଯାଇଛି । ସେହିପରି ବରିଷ୍ଠ ବିଜେପି ନେତା ଲାଲଜୀ ଟଣ୍ଡନଙ୍କୁ ବିହାର ରାଜ୍ୟପାଳ ନିଯୁକ୍ତ କରାଯାଇଛି । ସତ୍ୟଦେବ ନାରାୟଣ ଆର୍ଯ୍ୟା ହରିୟାଣାର ରାଜ୍ୟପାଳ ନିଯୁକ୍ତ ହୋଇଛନ୍ତି । ବେବିରାଣୀ ମୌର୍ୟ୍ୟ ଉତ୍ତରାଖଣ୍ଡ ଓ କପ୍ତାନ ସିଂ ସୋଲାଙ୍କି ତ୍ରିପୁରା ରାଜ୍ୟପାଳ ହେବେ । ତ୍ରିପୁରା ରାଜ୍ୟପାଳ ତଥାଗତ ରାୟ ମେଘାଳୟର ରାଜ୍ୟପାଳ ଓ ପୂର୍ବରୁ ମେଘାଳୟର ରାଜ୍ୟପାଳ ଥିବା ଗଂଗା ପ୍ରସାଦଙ୍କୁ ସିକ୍କିମ ରାଜ୍ୟପାଳ କରାଯାଇଛି । ଏସବୁ ରାଜ୍ୟପାଳଙ୍କ ନିଯୁକ୍ତିକୁ ରାଷ୍ଟ୍ରପତି ରାମନାଥ କୋବିନ୍ଦ ମଂଜୁର କରିଛନ୍ତି ।