ଜମ୍ମୁ – କାଶ୍ମୀର ପୋଲିସ ଚୌକିରେ ପଡିଲା ବରଫର ପାହାଡ ! ୭ ମୃତ ,୩ ଆହତ ।
ଉତ୍ତରଭାରତରେ ପୁଣିଥରେ ହାଡଭଙ୍ଗା ଶୀତ ଆରମ୍ଭ ହୋଇଯାଇଛି । ଜମ୍ମୁ – କାଶ୍ମୀର ,ହିମାଚଳ ପ୍ରଦେଶ ଏବଂ ଉତ୍ତରାଖଣ୍ଡରେ ପ୍ରଚଣ୍ଡ ବରଫ ପଡୁଛି । ଜମ୍ମୁ – କାଶ୍ମୀରର କୁଲଗାମ୍ ଜିଲ୍ଲାର ଜବାହାର ସୁଡଙ୍ଗ ପାଖରେ ଏତେ ମାତ୍ରାରେ ବରଫବର୍ଷା ହେଲା ଯେ କେତେ ପୋଲିସ୍ କର୍ମଚାରୀ ଏହି ବରଫବର୍ଷାର ଆକ୍ରୋଶରେ ଆସି ଯାଇଥିଲେ । ଏଠାରେ ଏକ ବଡ ପାହାଡର ଚଟାଣ ପୋଲିସ୍ ବାହିନୀଙ୍କ ଉପରେ ପଡି ଯାଇଥିଲା । ଯେଉଁଥିରେ ୧୦ ଜଣ ପୋଲିସକର୍ମୀ ଦବି ଯାଇଥିଲେ । ଏହି ଦୂର୍ଘଟଣା ପରେ ସର୍ଚ୍ଚ ଅପରେସନ୍ ଆରମ୍ଭ କରାଗଲା । ଏଥିରେ ୩ ଜଣ ଯବାନ ବଚିଂ ଯାଇଥିବା ବେଳେ ଅନ୍ୟମାନଙ୍କ ମୃତ୍ୟୁ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆକାଶରୁ ପଡୁଥିବା ବରଫବର୍ଷାରୁ ଧିରେ ଧିରେ ସମସ୍ତ କର୍ମଚାରୀଙ୍କୁ ବାହାର କରିବାକୁ ଉଦ୍ଧାରକାରୀ ଦଳ ସଫଳ ହୋଇଥିଲେ ହେଁ ଏଥିରୁ ମାତ୍ର ୩ ଜଣଙ୍କ ଜୀବନ ବଚାଂଇବାରେ ସେମାନେ ସଫଳ ହୋଇପାରିଛନ୍ତି । ଏବେ ମଧ୍ୟ ଉକ୍ତ ସ୍ଥାନରେ ଶହେରୁ ଅଧିକ ଟ୍ରକ୍ ଫସିରହିଛି ।