୬ଟା ପର୍ଯ୍ୟନ୍ତ ଧାଡିରେ ଥିଲେ ଭୋଟ ଦେଇପାରିବେ ଭୋଟର । ୫ଟା ସୁଦ୍ଧା ରାଜ୍ୟରେ ୬୬ ପ୍ରତିଶତ ମତଦାନ
କନକ ବ୍ୟୁରୋ : ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ଜାରି ରହିଥିବା ବେଳେ ସନ୍ଧ୍ୟା ୫ଟା ସୁଦ୍ଧା ୬୬ ପ୍ରତିଶତ ମତଦାନ ହୋଇଛି । ଆହୁରି ଅନେକ ସ୍ଥାନରେ ଭୋଟିଂ ଜାରି ରହିଛି । ଏନେଇ ସମସ୍ତ ସୂଚନା ଦେଇଛନ୍ତି ନିର୍ବାଚନ କମିଶନ । ପ୍ରଥମ ପର୍ଯ୍ୟାୟରେ ଶାନ୍ତି ଶୃଙ୍ଖଳାର ସହ ନିର୍ବାଚନ ହେଉଛି ବୋଲି ନିର୍ବାଚନ କମିଶନ କହିଥିବା ବେଳେ ଯେଉଁ ଅଞ୍ଚଳରେ ଭୋଟ ବର୍ଜନ କରାଯାଇଛି ସେ ଅଞ୍ଚଳରୁ ବିସ୍ତୃତ ତଥ୍ୟ ମଗାଯାଇଛି ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମାଓ ପ୍ରବଣ ଅଞ୍ଚଳରେ ଭୋଟ ଗ୍ରହଣ ଶେଷ ହୋଇଥିବା ବେଳେ ଅନ୍ୟ ଅଞ୍ଚଳରେ ଏଯାଏଁ ଭୋଟ ଗ୍ରହଣ ଜାରି ରହିଛି । ନିର୍ବାଚନ କମିଶନଙ୍କ କହିବା ଅନୁଯାୟୀ, ସନ୍ଧ୍ୟା ୬ଟା ପର୍ଯ୍ୟନ୍ତ ଧାଡିରେ ଥିଲେ ଭୋଟର ଭୋଟ ଦେଇପାରିବେ । ସମସ୍ତଙ୍କୁ ଭୋଟ କରିବାର ଅଧିକାର ଦିଆଯିବ । ତେବେ ୬ଟା ପରେ ଭୋଟର ଧାଡିରେ ଛିଡା ହେଲେ ତାଙ୍କୁ ସୁଯୋଗ ଦିଆଯିବନି ବୋଲି କହିଛନ୍ତି ନିର୍ବାଚନ କମିଶନ । ତେବେ ଭୋଟ ଗ୍ରହଣ ଶେଷ ହେବା ପରେ ପ୍ରକୃତରେ କେତେ ପ୍ରତିଶତ ମତଦାନ ହେଲା ତାହା ସ୍ପଷ୍ଟ ହେବ ବୋଲି କହିଛନ୍ତି ନିର୍ବାଚନ ଅଧିକାରୀ ।