ଛାତ୍ର ସଂସଦ ନିର୍ବାଚନ ନେଇ ଆସିଲା ବିଜ୍ଞପ୍ତି : ସେପ୍ଟେମ୍ବର ୨୯ରେ ପ୍ରାର୍ଥିପତ୍ର ଦାଖଲ
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ଛାତ୍ର ସଂସଦ ନିର୍ବାଚନ ପାଇଁ ପ୍ରକାଶ ପାଇଲା ବିଜ୍ଞପ୍ତି । ଆସନ୍ତା ଅକ୍ଟୋବର ୫ ତାରିଖରେ ହେବ ଛାତ୍ର ସଂସଦ ନିର୍ବାଚନ। ସେପ୍ଟେମ୍ବର ୨୯ ତାରିଖରେ ପ୍ରାର୍ଥପତ୍ର ଦାଖଲ ହେବ। ସେହିଦିନ ହିଁ ସମସ୍ତ ପ୍ରାର୍ଥିପତ୍ରର ଯାଂଚ କରାଯିବ। ଅକ୍ଟୋବର ୧ରେ ପ୍ରାର୍ଥିପତ୍ର ପ୍ରତ୍ୟାହାର କରାଯିବ। ପରେ ଫାଇନାଲ୍ ଲିଷ୍ଟ ବାହାରିବ।
Kanak News is now on WhatsApp
Join and get latest news updates delivered to you via WhatsApp
ଅକ୍ଟୋବର ୪ ତାରିଖରେ ହ୍ୱାଏ ଆଇ ଷ୍ଟାଣ୍ଡ ଫର ମିଟିଂ ଅନୁଷ୍ଠିତ ହେବ । ରାଜ୍ୟର କଲେଜ୍, ୟୁନିଭରସିଟିରେ ଏକା ସମୟରେ ନିର୍ବାଚନ ହେବ। ଉଚ୍ଚଶିକ୍ଷା ବିଭାଗ ପକ୍ଷରୁ ତାରିଖ ଘୋଷଣା ପରେ ଚଳଚଂଚଳ ହୋଇଛି କ୍ୟାମ୍ପସ । ଆରମ୍ଭ ହୋଇଯାଇଛି ନିର୍ବାଚନୀ ରେସ୍ । ଆଶାୟୀ ପ୍ରାର୍ଥୀ ଆରମ୍ଭ କରିଦେଇଛନ୍ତି ପ୍ରସ୍ତୁତି। ତେବେ ବିଳମ୍ବରେ ତାରିଖ ଘୋଷଣା କରାଯାଇଥିବାରୁ ଅସନ୍ତୋଷ ପ୍ରକାଶ କରିଛି ଛାତ୍ର କଂଗ୍ରେସ।