ରାସ୍ତାରେ ଚାଲିଲା ବେଳେ ସାବଧାନ ! ସଡକ ଦୁର୍ଘଟଣାରେ ପ୍ରତି ଦିନ ୫୬ ପଥଚାରୀଙ୍କ ଯାଉଛି ଜୀବନ ।
ଦୁର୍ଘଟଣାରେ ବଢିଚାଲିଛି ପଥଚାରୀଙ୍କ ମୃତ୍ୟୁ ସଂଖ୍ୟା । ରାସ୍ତାରେ କେବଳ ଗାଡି ଚାଳକ ନୁହେଁ ପଥଚାରୀମାନେ ମଧ୍ୟ ଦୁର୍ଘଟଣାର ଶିକାର ହେଉଛନ୍ତି । ଯଦି ଆମେ ସରକାରୀ ଆକଳନକୁ ନଜର କରିବା ତେବେ ୨୦୧୭ ମସିହାରେ ଦେଶରେ ସଡକ ଉପରେ ପ୍ରତିଦିନ ପ୍ରାୟ ୫୬ ଜଣ ଲୋକଙ୍କ ଦୁର୍ଘଟଣା କାରଣରୁ ମୃତ୍ୟୁ ହେଉଛି । ଏହି ଆକଳନ ଅନୁସାରେ ୨୦୧୪ରୁ ଆରମ୍ଭ କରି ୨୦୧୭ ମସିହା ମଧ୍ୟରେ ୬୬ ପ୍ରତିଶତ ପଥଚାରୀ ସଡକ ଦୃର୍ଘଟଣାରେ ମୃତ୍ୟୁବରଣ କରିଥିବା ସୂଚନା ମିଳିଛି । ୨୦୧୪ରେ ମୃତ୍ୟୁ ସଂଖ୍ୟା ୧୨,୩୩୦ ଥିବା ବେଳେ ୨୦୧୭ରେ ପଥଚାରୀଙ୍କ ମୃତ୍ୟୁ ସଂଖ୍ୟା ବୃଦ୍ଧି ପାଇ ୨୦,୪୫୭ରେ ପହଞ୍ଚିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦେଶରେ ହେଉଥିବା ସଡକ ଦୁର୍ଘଟଣାରେ ମୃତ୍ୟୁବରଣ କରୁଥିବା ଲୋକଙ୍କ ମଧ୍ୟରୁ ଅଧିକାଶଂ ପଥଚାରୀ, ସାଇକେଲ ଚାଳକ ଏବଂ ଦୁଇଚକିଆ ଯାନ ଚାଳକ ସାମିଲ ରହିଛନ୍ତି । ୨୦୧୭ରେ ହୋଇଥିବା ଏକ ସରକାରୀ ଆକଳନରୁ ଜଣାପଡିଛି କି, ପୂର୍ବ ବର୍ଷ ସଡକ ଦୁର୍ଘଟଣାରେ ପ୍ରତିଦିନ ୧୩୩ ବାଇକ ଚାଳକ ଏବଂ ୧୦ ସାଇକେସ ଚାଳକଙ୍କ ମୃତ୍ୟୁ ହୋଇଛି । ଠିକ ସେହିଭଳି ପଥଚାରୀଙ୍କ ମୃତ୍ୟୁ ସଂଖ୍ୟା ମଧ୍ୟ ବେଶ ଅଧିକ ରହିଛି । ଖାସକରି ତାମିଲନାଡୁରେ ଅଧିକାଂଶ ପଥଚାରୀ ଗତ ବର୍ଷ ସଡକ ଦୁର୍ଘଟଣାରେ ମୃତ୍ୟୁବରଣ କରିଛନ୍ତି ।
୨୦୧୭ରେ ହୋଇଥିବା ସର୍ଭେ ଅନୁଯାୟୀ, ତାମିଲନାଡୁ ପ୍ରଥମ ସ୍ଥାନରେ ରହିଛି । ୨୦୧୭ରେ ଏଠାରେ ହୋଇଥିବା ସଡକ ଦୁର୍ଘଟଣାରେ ପ୍ରାୟ ୩,୫୦୭ ପଥଚାରୀଙ୍କ ମୃତ୍ୟୁ ହୋଇଛି । ଦ୍ୱିତୀୟ ସ୍ଥାନରେ ରହିଛି ମହାରାଷ୍ଟ୍ର । ଗତ ବର୍ଷ ଏଠାରେ ପ୍ରାୟ ୧,୮୩୧ ଜଣ ପଥଚାରୀ ସଡକ ଦୁର୍ଘଟଣାରେ ମୃତ୍ୟୁବରଣ କରିଥିବା ବେଳେ ତୃତୀୟ ସ୍ଥାନରେ ରହିଛି ଆନ୍ଧ୍ରପ୍ରଦେଶ । ଏଠାରେ ପୂର୍ବ ବର୍ଷ ପ୍ରାୟ ୧.୩୭୯ ପଦଚାରୀଙ୍କ ସଡକ ଦୁର୍ଘଟଣାରେ ମୃତ୍ୟୁ ହୋଇଛି ।