ଷ୍ଟେଟ ବ୍ୟାଙ୍କରେ ୬ ମାସ ମଧ୍ୟରେ ୫୫୫୫ କୋଟି ଟଙ୍କାର ଘୋଟାଲା । ସୂଚନା ଅଧିକାର ଆଇନ ବଳରେ ସାମ୍ନାକୁ ଆସିଲା ସାଂଘାତିକ ସତ
ପିଏନବି ବ୍ୟାଙ୍କ ପରେ ଏବେ ଭାରତର ସବୁଠୁ ବଡ ବ୍ୟାଙ୍କ କୁହାଯାଉଥିବା ଷ୍ଟେଟ ବ୍ୟାଙ୍କର ଠକେଇ ମାମଲା ସାମ୍ନାକୁ ଆସିଛି । ଗତ ୬ ମାସ ମଧ୍ୟରେ ୫୫୫୫.୪୮ କୋଟି ଟଙ୍କାର ଠକେଇ ହୋଇଥିବା ଅଭିଯୋଗ ହୋଇଛି । ମୋଟ ୧୩୨୯ଟି ମାମଲାରେ ଏତେ ଟଙ୍କାର ଠକେଇ ହୋଇଛି । ଆରଟିଆଇ ରିପୋର୍ଟରୁ ଏଭଳି ସାଂଘାତିକ ସତ ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ମଧ୍ୟପ୍ରଦେଶର ନିମଚ ନିବାସୀ ଚନ୍ଦ୍ରଶେଖର ଗୌଡଙ୍କୁ ଆରଟିଆଇ ରିପୋର୍ଟରୁ ମିଳିଥିବା ତଥ୍ୟ ଅନୁଯାୟୀ, ଚଳିତ ବର୍ଷର ପ୍ରଥମ ତ୍ରୈମାସିକ ଏପ୍ରିଲରୁ ଜୁନ୍ ମଧ୍ୟରେ ଏସବିଆଇ ବ୍ୟାଙ୍କରେ ୬୬୯ଟି ମାମଲାରେ ୭୨୩.୦୬ କୋଟି ଟଙ୍କାର ଠକେଇ ହୋଇଥିବା ସୂଚନା ମିଳିଛି । ଠିକ୍ ସେହିଭଳି ଦ୍ୱିତୀୟ ତ୍ରୈମାସିକ ଜୁଲାଇରୁ ସେପ୍ଟେମ୍ବର ମାସ ମଧ୍ୟରେ ମୋଟ ୬୬୦ଟି ମାମଲାରୁ ୪୮୩୨.୪୨ କୋଟି ଟଙ୍କା ଠକେଇ ହୋଇଥିବା ଜଣାପଡିଛି ।
ଏହି ଅବଧି ମଧ୍ୟରେ କେତେ ଟଙ୍କାର ଘୋଟାଲା ହୋଇଛି ତାହା ଜାଣିବାକୁ ଚାହିଁଥିଲେ ଚନ୍ଦ୍ରଶେଖର । କିନ୍ତୁ ବ୍ୟାଙ୍କ ପକ୍ଷରୁ ମିଳିଥିବା ଉତ୍ତରରେ କେତେ ଟଙ୍କା ଘୋଟାଲା ହୋଇଛି ତାହା ସ୍ଥିର କରାଯାଇପାରିବ ନାହିଁ ବୋଲି କୁହାଯାଇଛି । ଆରଟିଆଇ ମାଧ୍ୟମରେ ଏହା ମଧ୍ୟ ଜାଣିବାକୁ ଚାହିଁଛନ୍ତି ଯେ, କେତେଜଣ ଗ୍ରାହକ ଏହି ଘୋଟାଲାର ଶିକାର ହୋଇଛନ୍ତି ଓ ସେମାନଙ୍କୁ କେତେ ଟଙ୍କା ହରାଇବାକୁ ପଡିଛି ।
ସାର୍ବଜନୀନ କ୍ଷେତ୍ରରେ ଥିବା ବ୍ୟାଙ୍କ ଗୁଡିକର ସମ୍ବନ୍ଧିତ ପ୍ରଶ୍ନର ଉତ୍ତର ଦିଆଯାଇପାରିବ ନାହିଁ । ତେଣୁ ସୂଚନା ଅଧିକାର ଆଇନ ୨୦୦୫ ଅନୁସାରେ ଏହା ଦିଆଯାଇନାହିଁ । ନିରବ ମୋଦି ଓ ବିଜୟ ମାଲ୍ୟା ବ୍ୟାଙ୍କରୁ ଟଙ୍କା ନେଇ ଦେଶରୁ ପଳାୟନ କରିବା ପରେ ଅନେକ ଗୁଡିଏ ବ୍ୟାଙ୍କ ଠକେଇ କଥା ସାମ୍ନାକୁ ଆସିଥିଲା । ଯେଉଁଥିପାଇଁ କଂଗ୍ରେସ ଓ ବିଜେପି ପରସ୍ପରକୁ ଦୋଷ ଦେଉଛନ୍ତି ।
News Courtesy : khabar.ndtv.com