୫୦ତମ ‘ମନ୍ କି ବାତ୍’ ! ମୋଦି କହିଲେ, ଦେଶର ଯୁବପିଢ଼ୀ ସୁନେଲୀ ଭାରତର ଭଣ୍ଡାର’ ।
୫୦ତମ ସଂସ୍କରଣ ‘ମନ୍ କି ବାତ୍’ରେ ମୋଦିଙ୍କ ଆହ୍ୱାନ
କନକ ବ୍ୟୁରୋ: ମନ କି ବାତ୍ ର ୫୦ତମ ସଂସ୍କରଣ ଅବସରରେ ଅନେକ କଥା ବଖାଣିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରବିବାର ରେଡିଓ କାର୍ୟ୍ୟକ୍ରମ ‘ମନ କି ବାତ’ର ୫୦ତମ ସଂସ୍କରଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶକୁ ସମ୍ବୋଧିତ କରି ଦେଶବାସୀ ଏବଂ ଗଣମାଧ୍ୟମକୁ ଧନ୍ୟବାଦ ଜଣାଇଛନ୍ତି । ରେଡିଓ କାର୍ଯ୍ୟକ୍ରମ ‘ମନ କି ବାତ’ ପ୍ରତି ମାସରେ କାହିଁକି ଆୟୋଜନ କରାଯାଉଛି ସେ ସମ୍ପର୍କରେ ୫୦ତମ ସଂସ୍କରଣ ଅବସରରେ ମୋଦୀ ସ୍ପଷ୍ଟ କରିଛନ୍ତି । ମୋଦୀ ଏହି ସଂସ୍କରଣର ସମାଜର ସବୁ ବର୍ଗର ଲୋକଙ୍କୁ ସମ୍ବୋଦ୍ଧିତ କରିଛନ୍ତି । ଏହି ଅବସରରେ ମୋଦୀ କହିଛନ୍ତି ଯେ, ମୋଦୀ ଆସିବ ଏବଂ ଚାଲିଯିବ । ହେଲେ ଦେଶ ଅଟଳ ରହିବ । ମୋଦୀ ଆହୁରି ମଧ୍ୟ କହିଛନ୍ତି ଅନେକ ଲୋକ ଏହି କାର୍ଯ୍ୟକ୍ରମକୁ ପରିହାସ କରୁଛନ୍ତି, ହେଲେ ଦେଶର ମନ ହେଉଛି ମୋ ମନ ।
Kanak News is now on WhatsApp
Join and get latest news updates delivered to you via WhatsApp
୫୦ତମ ସଂସ୍କରଣ ‘ମନ କି ବାତ’ କାର୍ଯ୍ୟକ୍ରମ ମାଧ୍ୟମରେ ମୋଦୀ କହିଛନ୍ତି ଯେ, ଆସନ୍ତାକାଲି ହେଉଛି ସମ୍ବିଧାନ ଦିବସ । ଆମେ ସେହି ମହାନ ବ୍ୟକ୍ତିତ୍ବଙ୍କୁ ମନେ ପକାଇବା ଯେଉଁମାନେ ଆମ ସମ୍ବିଧାନକୁ ତିଆରି କରିଥିଲେ । ୧୯୪୯ ମସିହା ନଭେମ୍ବର ୨୬ ତାରିଖରେ ଆମ ସମ୍ବିଧାନ ତିଆରି ହୋଇଥିଲା। ଏହା ଦେଖି ମୋତେ ଖୁସୀ ଲାଗୁଛି ଯେ ‘ମନ କି ବାତ’ କାର୍ୟ୍ୟକ୍ରମ କାରଣରୁ ରେଡିଓ ଅଧିକ ଲୋକପ୍ରିୟ ହୋଇପାରିଛି । ଏହି ଅବସରରେ ମୋଦୀ ଆହୁରି କହିଛନ୍ତି, ଦୁଇ ଦିନ ପୂର୍ବରୁ ୨୩ ନଭେମ୍ବର ଶ୍ରୀ ଗୁରୁ ନାନକଙ୍କ ଜନ୍ମ ଜୟନ୍ତୀ ପାଳନ କରାଯାଇଛି ଏବଂ ୨୦୧୯ରେ ତାଙ୍କର ୫୫୦ ତମ ଜନ୍ମବାର୍ଷିକ ଭବ୍ୟ ରୂପରେ ପାଳନ କରାଯିବ । ଗୁରୁ ନାନକଙ୍କ ପବିତ୍ର ସ୍ଥଳ ଦର୍ଶନ ପାଇଁ କରତାରପୁର କରିଡର ନିର୍ମାଣ ପାଇଁ ଭାରତ ସରକାର ନିଷ୍ପତ୍ତି ନେଇଛନ୍ତି । ଯାହା ଫଳରେ ଭାରତ ପର୍ୟଟକ ଅତି ସହଜରେ ଗୁରୁ ନାନକଙ୍କ ପବିତ୍ର ସ୍ଥଳ ଭମ୍ରଣ କରିପାରିବେ ।
ମୋଦି ଆହୁରି ମଧ୍ୟ କହିଛନ୍ତି, ଯୁବ ବର୍ଗଙ୍କୁ ଆକ୍ଷେପ କରିବା ପରିବର୍ତ୍ତେ ସେମାନଙ୍କୁ ସ୍ବୀକାର କରନ୍ତୁ । ସେମାନଙ୍କ ମଧ୍ୟରେ ଉତ୍ତମ ଗୁଣ ହେଉଛି ସେମାନେ ପ୍ରଶ୍ନ କରୁଛନ୍ତି ଏବଂ ଶୀର୍ଷରେ ପହଞ୍ଚିବାକୁ ଚେଷ୍ଟା କରୁଛନ୍ତି । ବିଭିନ୍ନ କ୍ଷେତ୍ରରେ ଉଚ୍ଚ ପ୍ରଦର୍ଶନ କରୁଛନ୍ତି । ୨୦୨୦ ମସିହାରେ ଗଣତାନ୍ତ୍ରିକରାଷ୍ଟ୍ର ରୂପେ ଭାରତ ୭୦ ବର୍ଷ ପୂରଣ କରିବାକୁ ଯାଉଥିବା ବେଳେ ୨୦୨୨ ମସିହାରେ ସ୍ବାଧୀନ ଭାରତକୁ ୭୫ ବର୍ଷ ପୂରିବ ବୋଲି ମୋଦୀ କହିଛନ୍ତି । ସମ୍ବିଧାନ ବିଷୟରେ ଆଲୋଚନା କରି ମୋଦୀ କହିଛନ୍ତି ଯେ ସମ୍ବିଧାନ ସଭାର କେନ୍ଦ୍ରରେ ଥିବା ମହାନ ପୁରୁଷଙ୍କ ଯୋଗଦାନକୁ ଭୁଲିବା ଉଚିତ ନୁହେଁ । ସେହି ପୂଜନୀୟ ମହାପୁରୁଷ ହେଉଛନ୍ତି ଡ.ବାବା ସାହେବ ଆମ୍ବେଦକର ।