କାଳ ହେଲା ସନ୍ତରଣ କୋଚିଂ। କୋଚ ଓ ଡାଇଭରଙ୍କ ଅବହେଳାରୁ ସୁଇମିଂ ପୁଲରେ ବୁଡି ଚାଲିଗଲା କୁନି ଝିଅର ଜୀବନ
କନକ ବ୍ୟୁରୋ: କାଳ ହେଲା ସନ୍ତରଣ କୋଚିଂ । ସୁଇମିଂ ପୁଲରେ ବୁଡିଗଲେ ୫ବର୍ଷୀୟ ଝିଅ । ମୁମ୍ବାଇର ଭାବା ଆଟମିକ ରିସର୍ଚ୍ଚ ସେଂଟର କମପ୍ଲେକ୍ସରେ ଥିବା ସୁଇମିଂ ପୁଲରେ ସନ୍ତରଣ କୋଚିଂ ନେଉଥିବା ବେଳେ ଜଣେ ୫ବର୍ଷୀୟ ଛାତ୍ରୀ ପାଣିରେ ବୁଡି ମୃତ୍ୟୁ ମୁଖରେ ପଡିଛନ୍ତି । ମୃତକ ଜଣକ ଆଟମିକ ଏନର୍ଜି ସେଂଟ୍ରାଲ ସ୍କୁଲର ପ୍ରଥମ ଶ୍ରେଣୀର ଛାତ୍ରୀ ଅନୁଷ୍କା ଶର୍ମା ।
Kanak News is now on WhatsApp
Join and get latest news updates delivered to you via WhatsApp
ଶୁକ୍ରବାର ଦିନ ପ୍ରାୟ ଦିନ ସାଢେ ୩ଟା ବେଳେ ଅନୁଷ୍କା ଭାବା ଆଟମିକ ରିସର୍ଚ୍ଚ ସେଂଟର କମପ୍ଲେକ୍ସରେ ଥିବା ସୁଇମିଂ ପୁଲରେ ପହଂଚି ପୁଲରେ ସନ୍ତରଣ ଅଭ୍ୟାସ କରିଥିଲେ । ଏହାର ପ୍ରାୟ ଅଧ ଘଂଟା ପରେ ସୁଇମିଂ ପୁଲରୁ ତାଙ୍କ ମୃତ ଶରୀର ଭାସୁଥିବାର ଦେଖିବାକୁ ମିଳିଥିଲା । ଏହି ଘଟଣାକୁ ନେଇ ଅନୁଷ୍କାଙ୍କ ପରିବାର ଲୋକେ କୋଚ୍ଙ୍କ ଉପରେ ଅଭିଯୋଗ ଆଣିଛନ୍ତି । ପିଲାଙ୍କୁ ସନ୍ତରଣ ତାଲିମ ଦେଉଥିବାବେଳେ କୋଚ୍ ଓ ୫ରୁ ୬ ଜଣ ଡାଇଭର ଉପସ୍ଥିତ ରହନ୍ତି ।
ତେବେ କେମିତି କେହି ଅନୁଷ୍କାଙ୍କୁ ଦେଖିପାରିଲେ ନାହିଁ ବୋଲି ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି । ଅନୁଷ୍କାଙ୍କ ବାପା ଜଣେ ବୈଜ୍ଞାନିକ ଭାବେ କାର୍ଯ୍ୟରତ । ତେବେ କର୍ତୃପକ୍ଷଙ୍କ ଅବହେଳାରୁ ଏପରି ଅଘଟଣ ଘଟିଥିବା ତାଙ୍କ ବାପା କହିଛନ୍ତି । ସେପଟେ ପୁଲିସ ଘଟଣାସ୍ଥଳରେ ପହଂଚି ପ୍ରଥମେ ଦୁର୍ଘଟଣାଜନିତ ମୃତ୍ୟୁ ବୋଲି ମାମଲା ରୁଜୁ କରିଥିଲା ପରେ ଅବହେଳା ଯୋଗୁଁ ଏପରି ଅଘଟଣ ଘଟିଥିବା ନେଇ ପୁଲିସ ମାମଲା ରୁଜୁ କରିଛି ।