କନକ ବ୍ୟୁରୋ : ତିନି ହିନ୍ଦୁ, ମୁସଲମାନ, ଶିଖ୍, ଇସାଇ ଓ ପାର୍ସି । ତିନି ତଲାକ ମାମଲାର ବିଚାର କରିଛନ୍ତି ସୁପ୍ରିମକୋର୍ଟର ୫ ନ୍ୟାୟମୂର୍ତ୍ତି । ଜଷ୍ଟିସ ଜେଏସ୍ ଖେହାର, ଜଷ୍ଟିସ କୁରିଆନ୍ ଯୋଶଫ୍, ଜଷ୍ଟିସ ଫଲି ନରିମାନ, ଜଷ୍ଟିସ୍ ୟୁୟୁ ଲଲିତ, ଜଷ୍ଟିସ୍ ଅବଦୁଲ ନଜିର । ସୁପ୍ରିମକୋର୍ଟଙ୍କ ଏହି ୫ ଜଣିଆ ବରିଷ୍ଠ ବିଚାରପତି ଯେଉଁ ଐତିହାସିକ ରାୟ ଦେଇଛନ୍ତି, ତାହା ୧୪ଶହ ବର୍ଷ ଧରି ଭାରତବର୍ଷରେ ଚାଲିଆସୁଥିବା ମୁସଲିମ୍ ମହିଳାଙ୍କ ଅତ୍ୟାଚାର ଉପରେ ରୋକ୍ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଆପଣ ଜାଣି ରଖିବା ଉଚିତ ଏହି ବିବାଦୀୟ ପ୍ରସଙ୍ଗରେ ବିଚାର ଶୁଣାଇବା ପାଇଁ ମୁଖ୍ୟ ବିଚାରପତିଙ୍କ ଦ୍ୱାରା ନିଯୁକ୍ତ ସମସ୍ତ ଜଜ୍ ୫ଟି ଧର୍ମର । ଜଣେ ହିନ୍ଦୁ, ଜଣେ ଖ୍ରୀଷ୍ଟିଆନ, ଜଣେ ମୁସଲମାନ, ଜଣେ ଶିଖ୍ ଏବଂ ଆଉ ଜଣେ ଜୋରାଷ୍ଟ୍ରିଆନ୍ । ୫ ଟି ଭିନ୍ନ ଭିନ୍ନ ଧର୍ମ ଉପରେ ବିଶ୍ୱାସ କରୁଥିବା ପାଂଚ୍ ବିଚାରପତି ଯେଉଁ ଐତିହାସିକ ରାୟ ଦେଇଛନ୍ତି, ତାହା ହଜାର ହଜାର ମୁସଲମାନ ମହିଳାଙ୍କୁ ଆଶ୍ୱସ୍ତି ଆଣିଦେଇଛି । ଏବେ ନଜର ପକାନ୍ତୁ କେଉଁ ଜଜ୍ କ’ଣ କହିଛନ୍ତି ।
ମୁଖ୍ୟ ବିଚାରପତି ଜଷ୍ଟିସ ଜେଏସ୍ ଖେହାର :
ଏହା ଅସାମ୍ବିଧାନିକ ନୁହେଁ । ତେବେ ଏହା ଠିକ୍ ନୁହେଁ । ଏହାକୁ ଦୂର କରିବା ପାଇଁ ଆଇନ୍ ଆଣିବା ଦରକାର ।
ଜଷ୍ଟିସ୍ ଏସ୍ ଅବଦୁଲ ନଜିର :
ଏହା ଅସାମ୍ବିଧାନିକ ନୁହେଁ । ଏହାକୁ ବନ୍ଦ କରିବା ପାଇଁ ଆଇନ ଆଣିବା ଆବଶ୍ୟକ ।
ଜଷ୍ଟିସ ଫଲି ନରିମାନ୍ :
ଏହା ଏକ ପାପ । ଏହା ସମ୍ବିଧାନିକ ନୁହେଁ
ଜଷ୍ଟିସ ୟୁ ୟୁ ଲଲିତ :
କୁରାନରେ ଟ୍ରିପଲ ତଲାକ ବ୍ୟବସ୍ଥା ନାହିଁ । ତେଣୁ ଏହା ସାମ୍ବିଧାନିକ ନୁହେଁ ।
ଜଷ୍ଟିସ କୁରିଆନ୍ ଯୋସେଫ୍ :
କୁରାନରେ ଏହି ବ୍ୟବସ୍ଥା ନଥିବାରୁ ଏହା ସରିଆତର ଅଂଶ ବିଶେଷ ହୋଇପାରିବ ନାହିଁ । ଏହା ଅସାମ୍ବିଧାନିକ