ମୋଦି ବନାମ ମମତା ! କୋଲକାତାରେ ଜୋର ଧରିଲା ସିବିଆଇ-ପୋଲିସ ଲଢେଇ, ୫ ଜଣ ସିବିଆଇ ଅଫିସରଙ୍କୁ ଗିରଫ କଲା ପୋଲିସ ।
କନକ ବ୍ୟୁରୋ : କୋଲକାତାରେ ହାଇଡ୍ରାମା । ସିବିଆଇ ବନାମ ପୋଲିସ ଯୁଦ୍ଧ । ୫ଜଣ ସିବିଆଇ ଅଫିସରଙ୍କୁ ଗିରଫ କରିଛି କୋଲାକାତା ପୋଲିସ । କୋଲକାତା ପୋଲିସ କମିଶନରଙ୍କ ଘରେ ଉପସ୍ଥିତ ଅଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜି । ଯାହା ଆଶଙ୍କା କରାଯାଉଥିଲା ଶେଷରେ ତାହା ହିଁ ଘଟିଲା। ରୋଜ୍ ଭ୍ୟାଲି ଓ ସାରଦା ଚିଟଫଣ୍ଡ ସ୍କାମ୍ ମାମଲାରେ ରବିବାର ସିବିଆଇ କୋଲକାତା ପୁଲିସ କମିଶନର ରାଜୀବ କୁମାରଙ୍କୁ ପଚରାଉଚରା ପାଇଁ ତାଙ୍କ ବାସଭବନ ନିକଟରେ ଯାଇ ପହଞ୍ଚିଥିଲା।
Kanak News is now on WhatsApp
Join and get latest news updates delivered to you via WhatsApp
ସିବିଆଇ ସେଠାରେ ପହଞ୍ଚି ପୁଲିସ କମିଶନରଙ୍କ ବାସଭବନ ଭିତରକୁ ଯିବାକୁ କହିଥିଲେ ହେଁ, କୋଲକତା ପୁଲିସ ସେମାନଙ୍କୁ ଅଟକାଇ ଦେଇଥିଲା। ଏଥିସହିତ ସିବିଆଇକୁ ଓ୍ଵାରେଣ୍ଟ ଦେଖାଇବାକୁ କହିଥିଲା। କୋଲକତା ପୁଲିସ କମିଶନରଙ୍କ ବାସଭବନକୁ ଚାରିଆଡୁ ପୁଲିସ ଘେରି ଦେଇଛି। ଏହି ଘଟଣାକୁ ନେଇ କୋଲକାତାରେ ସିବିଆଇ ଓ ପୁଲିସ ମୁହାଁମୁହିଁ ହୋଇଛନ୍ତି। ଏଥିସହିତ ଏହାକୁ ନେଇ କେନ୍ଦ୍ର ଓ ପଶ୍ଚିମବଙ୍ଗ ମଧ୍ୟରେ ବିବାଦ ଦେଖା ଦେଇପାରେ।
ଉଲ୍ଲେଖଯୋଗ୍ୟ, ୨୦୧୬ରେ ରାଜୀବ କୁମାର କୋଲକାତାର ପୁଲିସ କମିଶନର ନିଯୁକ୍ତ ହୋଇଥିଲେ। ରୋଜ୍ ଭ୍ୟାଲି ଦୁର୍ନୀତିରେ୧୫ ହଜାର କୋଟି ଟଙ୍କା ଓ ସାରଦା ସ୍କାମରେ ୨୫୦୦ କୋଟି ଟଙ୍କା ଉଭୟ ମାମଲାରେ ଅଭିଯୁକ୍ତମାନେ କ୍ଷମତାସୀନ ତୃଣମୂଳ କଂଗ୍ରେସର ପ୍ରଭାବଶାଳୀ ବ୍ୟକ୍ତି ବୋଲି ଜଣାଯାଇଛି।