କନକ ବ୍ୟୁରୋ : ଆସନ୍ତାକାଲି ହେବାକୁଥିବା ୪ର୍ଥ ପର୍ଯ୍ୟାୟ ନିର୍ବାଚନ ପାଇଁ ପ୍ରଚାର ସରିଛି । ଆଉ ଆରମ୍ଭ ହୋଇଛି ଭିତିରି କସରତ । ୪ର୍ଥ ପର୍ଯ୍ୟାୟରେ ୩୦ଟି ଜିଲ୍ଲାର ୬୨ଟି ବ୍ଲକରେ ୧୬୨ଟି ଜିଲ୍ଲା ପରିଷଦ ଜୋନ୍ ଏବଂ ଏହି ପରିସୀମାରେ ଆସୁଥିବା ପଂଚାୟତରେ ମତଦାନ ହେବ ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମ ୩ଟି ପର୍ଯ୍ୟାୟରେ ବିଜେଡିକୁ ଶକ୍ତ ଧକ୍କା ଲାଗି ଥିବାରୁ ଶାସକ ଦଳର ନେତାମାନେ ବେଶ ତତ୍ପର ହୋଇଯାଇଛନ୍ତି । ଲୋକଙ୍କୁ ନିଜ ସପକ୍ଷରେ ଆଣିବା ପାଇଁ ଜୋରଦାର ଉଦ୍ୟମ ହେଉଛି । ଅନ୍ୟପଟେ ବିଜେପିର ଦମ୍ଭ ବଢ଼ିଛି । ପରିବର୍ତନର ଏହି ହାୱାରେ ଶାସକ ଦଳକୁ କେମିତି ପଛରେ ଛାଡ଼ିବ ସେନେଇ ଦଳୀୟ ନେତାମାନେ ଲାଗିପଡ଼ିଛନ୍ତି ।
ଅନ୍ୟପଟେ କଂଗ୍ରେସର ସଂଖ୍ୟା କମୁଥିଲେ ବି ଧିରେ ଧିରେ ବିଜୟୀ ପ୍ରାର୍ଥୀଙ୍କ ସଂଖ୍ୟା ବଢ଼ୁଛି । ତେଣୁ ଅବଶିଷ୍ଟ ପର୍ଯ୍ୟାୟ ଗୁଡ଼ିକରେ କେମିତି ଭଲ ଫଳ ପାଇବ ସେଥି ନେଇ ପ୍ରାଣପଣେ ଉଦ୍ୟମ କରୁଛି ।