ଆତଙ୍କବାଦ ସହ ଲଢ଼େଇ ପାଇଁ ମୋଦି ସବୁଠାରୁ ଉପଯୁକ୍ତ ନେତା ! ପୁଲୱାମା ଆକ୍ରମଣ ପରେ ମତ ଦେଲେ ୪୯ ପ୍ରତିଶତ ଲୋକ
କନକ ବ୍ୟୁରୋ : ଆତଙ୍କବାଦ ସହ ଲଢ଼େଇ କରିବା ପାଇଁ ପ୍ରଧାନମନ୍ତ୍ରୀ ସବୁଠାରୁ ଉପଯୁକ୍ତ ନେତା । ଏକଥା ମତ ଦେଇଛନ୍ତି ସମସ୍ତ ଦେଶବାସୀ । ପାକିସ୍ତାନ ଠାରୁ ଆରମ୍ଭ କରି କାଶ୍ମୀର ପ୍ରତି ମୋଦି ସରକାରଙ୍କ ନୀତି, ମନମୋହନ ସରକାର ଓ ଅଟଳ ବିହାରୀ ବାଜପେୟୀ ସରକାଙ୍କ ଠାରୁ ଉତ୍କୃଷ୍ଟ । ଏହି ତଥ୍ୟ ପ୍ରଦାନ କରିଛି ଇଣ୍ଡିଆ ଟୁଡ଼େ ପାଇଁ କରାଯାଇଥିବା ପଲଟିକାଲ ଷ୍ଟକ୍ ଏକ୍ସଚେଞ୍ଜର ସର୍ଭେ । ପୁଲୱାମା ଆକ୍ରମଣ ପରେ ସାରା ଦେଶଷର ଲୋକେ ଆତଙ୍କୀ ସଂଗଠନ ସର୍ଭେ ସମୟରେ ଜୈସ୍-ଇ –ମୋହମ୍ମଦ ଓ ପାକିସ୍ତାନ ବିରୋଧରେ ଆକ୍ରୋଶ ବ୍ୟକ୍ତ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ପଲିଟିକାଲ ଷ୍ଟକ ଏକ୍ସଚେଞ୍ଜର ସର୍ଭେ ଅନୁସାରେ ପ୍ରଶ୍ନ କରାଯାଇଥିଲା, ଆତଙ୍କବାଦ ବିରୋଧରେ ଲଢ଼େଇ କରିବା ପାଇଁ ସବୁଠାରୁ ଉପଯୁକ୍ତ ତଥା ଯୋଗ୍ୟ ନେତା କିଏ ? ୪୯ ପ୍ରତଶତ ଲୋକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନାମ ନେଇଛନ୍ତି । ରାହୁଲ ଗାନ୍ଧୀଙ୍କ ନାମ ନେଇଛନ୍ତି ମାତ୍ର ୧୫ ପ୍ରତିଶତ ଲୋକ । ଏହି ପ୍ରଶ୍ନରେ ପୂର୍ବ ପ୍ରଧାନମନ୍ତ୍ରୀ ମନମୋହନ ସିଂଙ୍କୁ ୩ ପ୍ରତଶିତ ଲୋକ ପସନ୍ଦ କରିଛି । ସେହିପରି ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ , ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ, ବିଏସପି ସୁପ୍ରିମୋ ମାୟାବତୀ ଓ ସମାଜବାଦୀ ମୁଖ୍ୟ ଅଖିଲେଶ ଯାଦବଙ୍କୁ ୧-୧ ପ୍ରତିଶତ ଭୋଟ୍ ମିଳିଛି ।
ପିଏସଇର ସର୍ଭେରେ ଦେଶର ଦକ୍ଷିଣକୁ ଛାଡ଼ି ଦେଶର ବାକି ସମସ୍ତ ଅଂଚଳରେ ମୋଦିଙ୍କୁ ଆତଙ୍କବାଦ ସହ ଲଢ଼େଇ କରିବା ପାଇଁ ଉପଯୁକ୍ତ ନେତା ବୋଲି ଭାବୁଛନ୍ତି । ଦେଶର ଉତ୍ତର, ପୂର୍ବ ଓ ପଶ୍ଚିମରେ ମୋଦି, ରାହୁଲ ଗାନ୍ଦୀଙ୍କ ଠାରୁ ବହୁତ ଆଗରେ ଅଛନ୍ତି । ଉତ୍ତରରେ ୫୯ ପ୍ରତିଶତ, ପୂର୍ବରେ ୫୨ ପ୍ରତିଶତ, ପଶ୍ଚିମରେ ୫୯ ପ୍ରତିଶତ ଲୋକ ମୋଦିଙ୍କୁ ଉପଯୁକ୍ତ ନତା ମାନୁଛନ୍ତି । ସେହିପରି ଦକ୍ଷିଣରେ ୩୬ ପ୍ରତିଶତ ରାହୁଲଙ୍କ ଆତଙ୍କବାଦ ସହ ଲଢ଼େଇ କରିବାର ଉପଯୁକ୍ତ ନେତା ଭାବୁଛନ୍ତି । ଦକ୍ଷିଣରେ ମୋଦିଙ୍କୁ ସପକ୍ଷରେ ୨୯ ପ୍ରତିଶତ ଲୋକ ଭୋଟ୍ ଦେଇଛନ୍ତି ।
ସୂଚନାଯୋଗ୍ୟ ପୁଲୱାମା ଆତଙ୍କବାଦୀ ଆକ୍ରମଣକୁ ୯ ଦିନ ପୁରିଛି । ଏବେ ବି ଦେଶବାସୀଙ୍କ ମନରେ ଆକ୍ରମଣ ଅଲିଭା ଦାଗ ହୋଇ ରହିଯାଇଛି । ଏହି ଦାଗ କେବେ ଲିଭିବ ନାହିଁ । ବୀର ପୁତ୍ରଙ୍କ ହରାଇ ଦେଶବାସୀ ପ୍ରତିଶୋଧ ନିଆଁରେ ଜଳୁଛନ୍ତି ।