ଓଡିଶା ପାଇଁ ଟଙ୍କାର ଭଣ୍ଡାର ଖୋଲିଲେ ଶିଳ୍ପପତି ଓ କମ୍ପାନି । ନିବେଶ କରିବେ ୪ଲକ୍ଷ ୧୯ ହଜାର ୫୭୪ କୋଟି, ମିଳିବ ୫ଲକ୍ଷ ୯୧ ହଜାର ନିଯୁକ୍ତି
ମେକ୍ ଇନ୍ ଓଡିଶାର ସଫଳତା ପାଇଁ ଏହି କନକ୍ଲେଭ ସହ ଯୋଡି ହୋଇଥିବା ସମସ୍ତ କମ୍ପାନି, ବ୍ୟକ୍ତିବିଶେଷଙ୍କୁ ଧନ୍ୟବାଦ ଜଣାଇଛନ୍ତି ନବୀନ । ଖାସକରି ଏହି କନକ୍ଲେଭର ସହଯୋଗୀ ଭାବେ ଜାପାନକୁ ମଧ୍ୟ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ
କନକ ବ୍ୟୁରୋ : ସଫଳ ହୋଇଛି ମେକ୍ ଇନ୍ ଓଡିଶା କନକ୍ଲେଭ ୨୦୧୮ । ଏନେଇ ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମେକ୍ ଇନ୍ ଓଡିଶା ଯୋଗୁଁ ରାଜ୍ୟରେ ୪ ଲକ୍ଷ ୧୯ ହଜାର ୫୭୪ କୋଟି ଟଙ୍କା ପୁଞ୍ଜି ବିନିଯୋଗର ପ୍ରସ୍ତାବ ରହିଛି ବୋଲି କହିଛନ୍ତି ନବୀନ । ଯାହାଫଳରେ ୫ ଲକ୍ଷ ୯୧ ହଜାର କର୍ମନିଯୁକ୍ତି ସୃ୍ଷ୍ଟି ହେବ । ମୋଟ ୧୫ଟି କ୍ଷେତ୍ରରେ ଏହି ପୁଞ୍ଜି ନିବେଶ କରାଯିବ । ଯେଉଁଥିରେ ସାମଗ୍ରିକ ବିକାଶକୁ ଗୁରୁତ୍ୱ ଦିଆଯାଇଛି । ଆଉ ଏହାସହ ମେକ୍ ଇନ୍ ଓଡିଶାର ଦ୍ୱିତୀୟ ସଂସ୍କରଣରେ ରେକର୍ଡ ପୁଞ୍ଜି ନିବେଶ ହେବ ବୋଲି ଆଶା ସଞ୍ଚାର ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ରିଲାଏନ୍ସ, ଆଦିତ୍ୟ ବିର୍ଲା, ଟାଟା ବେଦାନ୍ତ ଆଦାନି, ଜେଏସପିଏଲ ଭଳି ବଡ ବଡ କମ୍ପାନି ମେକ୍ ଇନ୍ ଓଡିଶା ମାଧ୍ୟମରେ ରାଜ୍ୟରେ ପୁଞ୍ଜି ନିବେଶ କରିବାକୁ ଆଗ୍ରହ ଦେଖାଇଛନ୍ତି । ମେକ୍ ଇନ୍ ଓଡିଶାର ସଫଳତା ପାଇଁ ଏହି କନକ୍ଲେଭ ସହ ଯୋଡି ହୋଇଥିବା ସମସ୍ତ କମ୍ପାନି, ବ୍ୟକ୍ତିବିଶେଷଙ୍କୁ ଧନ୍ୟବାଦ ଜଣାଇଛନ୍ତି ନବୀନ । ଖାସକରି ଏହି କନକ୍ଲେଭର ସହଯୋଗୀ ଭାବେ ଜାପାନକୁ ମଧ୍ୟ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ । ମେକ୍ ଇନ୍ ଓଡିଶାରେ ୧୯ଟି ଦେଶର ପ୍ରତିନିଧି ଯୋଗ ଦେଇଥିଲେ । ମେକ୍ ଇନ୍ ଓଡିଶାର ତୃତୀୟ ସଂସ୍କରଣ ଆସନ୍ତା ୨୦୨୦ ନଭେମ୍ବର ୩୦ରୁ ଡିସେମ୍ବର ୪ ଯାଏଁ ହେବ ବୋଲି ମୁଖ୍ୟମନ୍ତ୍ରୀ ସୂଚନା ଦେଇଛନ୍ତି ।