ବରଗଡ ଛାତ୍ରୀଙ୍କ ଅସଦାଚରଣର ଭିଡ଼ିଓ ଭାଇରାଲ ମାମଲା ! ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ, ଅନ୍ୟ ଅଭିଯୁକ୍ତ ଏବେ ବି ଫେରାର
କନକ ବ୍ୟୁରୋ : ବିଚ୍ ରାସ୍ତାରେ ଛାତ୍ରୀଙ୍କୁ ଅସଦାଚରଣ କରିବା ଅଭିଯୋଗରେ ପଦ୍ମପୁର ପୋଲିସ ୪ ଅଭିଯୁକ୍ତଙ୍କୁ ଗିରଫ କରିଛି । ୪ ଅଭିଯୁକ୍ତଙ୍କୁ ପାଇକମାଳର ଗୋଖୁରାମୁଣ୍ଡାରୁ ଗିରଫ କରିଛି ପୋଲିସ । ଗତକାଲି ମଝି ରାସ୍ତାରେ ଛାତ୍ରୀଙ୍କୁ ଅସଦାଚରଣ କରୁଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ପୋଲିସର ନିଦ ଭାଙ୍ଗିଥିଲା । ବରଗଡ ପୁଲିସ ନିଜ ଆଡୁ ପାଇକମାଳ ଥାନାରେ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଥିଲା । ଅନ୍ୟ ଅଭିଯୁକ୍ତଙ୍କୁ ମଧ୍ୟ ଖୁବଶୀଘ୍ର ଗିରଫ କରାଯିବ ବୋଲି ପୋଲିସ କହିଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ବିଚ୍ ରାସ୍ତାରେ ଜଣେ ଛାତ୍ରୀଙ୍କୁ କିଛି ଯୁବକ ଅଶ୍ରାବ୍ୟ ଭାଷାରେ ଗାଳି ଗୁଲଜ କରିବା ସହ ଟଣା ଓଟରା କରୁଥିବାର ଦୃଶ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏବଂ ଭିଡିଓର ପାରିପାଶ୍ୱର୍କ ସ୍ଥିତିରୁ ଏହା ବରଗଡର ବୋଲି ଜଣାପଡିଥିଲା । ଯାହାକୁ ନେଇ ସାରା ରାଜ୍ୟରେ ହଟଚମଟ ସୃଷ୍ଟି ହୋଇଥିଲା । ଦିନ ଦ୍ୱିପ୍ରହରରେ ଯେଉଁଭଳି ଭାବେ ଛାତ୍ରୀ ଜଣକ ଅସଦାଚରଣର ଶିକାର ହେଲେ ତାହା ମହିଳାଙ୍କ ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି କରିଥିଲା ।