ମୃତ୍ୟୁର ଘାଟିରେ ଖସିଲା ବସ୍ । କୁଲୁରେ ଘାଟି ତଳକୁ ଖସିଲା ବସ୍, ୩୩ ମୃତ, ୩୭ ଗୁରୁତର ଆହତ ।
ହିମାଚଳପ୍ରଦେଶର କୁଲୁରେ ହୋଇଥିବା ମର୍ମନ୍ତୁଦ ଦୁର୍ଘଟଣାରେ ମୃତ୍ୟୁ ସଂଖ୍ୟା ବଢିବାରେ ଲାଗିଛି । ଘାଟିକୁ ଏକ ବସ୍ ଖସିପଡିବା ଫଳରେ ୩୩ ଜଣଙ୍କର ମୃତ୍ୟୁ ହୋଇଥିବା ବେଳେ ପ୍ରାୟ ୩୭ ଜଣ ଗୁରୁତର ଆହତ ହୋଇଛନ୍ତି । ଏହି ଘଟଣାଟି କୁଲୁର ବଞ୍ଜାର ଅଞ୍ଚଳରେ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ବସଟି କୁଲୁରୁ ଗାଡାଗୁଶେଣୀକୁ ଯାଉଥିବା ବେଳେ ବଞ୍ଜାର ନିକଟରେ ପ୍ରାୟ ୫୦୦ ଫୁଟ୍ ଘାଇ ତଳକୁ ଖସିପଡିଥିଲା । ଏହି ବସରେ ୫୦ରୁ ୬୦ ଜଣ ଥିବା ଆଶଙ୍କା କରାଯାଉଛି ।ପୋଲିସ ଓ ସ୍ଥାନୀୟ ଲୋକଙ୍କ ସହଯୋଗରେ ଗୁରୁତର ଆହତଙ୍କୁ ଉଦ୍ଧାର କରାଯାଉଛି । ତେବେ ନଈରେ ପ୍ରବଳ ପାଣି ଯୋଗୁଁ ଉଦ୍ଧାରକାର୍ଯ୍ୟରେ ବାଧା ସୃଷ୍ଟି ହେଉଛି ।
ଦୁର୍ଘଟଣାଟି ଏତେ ଭୟଙ୍କର ହୋଇଛି ଯେ, ଘାଟି ତଳକୁ ପଡ଼ିବା ପରେ ଏହାର ଉପରପାଶ୍ୱର୍ ପୂରା ଉଡିଯାଇଛି । ତେବେ ବଞ୍ଚିଯାଇଥିବା ଲୋକଙ୍କ କହିବା ଅନୁଯାୟୀ, ଆମେ ଭାଗ୍ୟବାନ ଯେ ଆମେ ବଞ୍ଚିଯାଇଛୁ । ଏହା କୌଣସି ଚମ୍ତକାର ଠାରୁ ମଧ୍ୟ କମ ନୁହେଁ । ପର୍ଯଟନସ୍ଥଳୀ ହୋଇଥିବାରୁ ଏଠାକୁ ବର୍ଷର ଅଧିକାଂଶ ସମୟ ଲୋକେ ଆସିଥାନ୍ତି । ଆଉ ଘାଟି ରାସ୍ତା ହୋଇଥିବାରୁ ଅଧିକାଂଶ ସମୟରେ ଦୁର୍ଘଟଣା ମଧ୍ୟ ହୋଇଥାଏ ।