ରାଜସ୍ଥାନ ସବାଇ ମାଧୋପୁରରେ ମର୍ମନ୍ତୁଦ ଦୁର୍ଘଟଣା ! ଭାରସାମ୍ୟ ହରାଇ ବ୍ରିଜ ତଳକୁ ଖସିଲା ବସ୍,୩୦ ମୃତ
କନକ ବ୍ୟୁରୋ: ରାଜସ୍ଥାନ ସବାଇ ମାଧୋପୁରରେ ବ୍ରିଜ ତଳକୁ ଖସିଲା ବସ । ଭାରସାମ୍ୟ ହରାଇ ସବାଇ ନଦୀରେ ବସଟି ଗଳିପଡିଛି । ଫଳରେ ୩୦ ଜଣଙ୍କ ମୃତ୍ୟୁ ହୋଇଛି । ଗୁରୁତର ଥିବା ୧୫ ଜଣ ଯାତ୍ରୀଙ୍କୁ ମେଡିକାଲରେ ଭର୍ତ୍ତିକରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଶନିବାର ଦିନ ସବାଇ ମାଧୋପୁର ଜିଲ୍ଲା ଅନ୍ତର୍ଗତ ଦୁବି ଅଞ୍ଚଳରେ ଗୋଟିଏ ଯାତ୍ରୀବାହୀ ବସ୍ ବନାସ ନଦୀ ଭିତରକୁ ଖସି ପଡ଼ିବାରୁ ୩୦ ଜଣ ଲୋକଙ୍କର ମୃତ୍ୟୁ ହେବା ସହ ଅନେକ ଲୋକ ଆହତ ହୋଇଛନ୍ତି । ଆହତ ଲୋକମାନଙ୍କୁ ନିକଟବର୍ତ୍ତୀ ଡାକ୍ତରଖାନାରେ ଦାଖଲ କରାଯାଇ ଚିକିତ୍ସା କରାଯାଉଛି। ମୃତ୍ୟୁସଂଖ୍ୟା ବଢ଼ିବାର ଆଶଙ୍କା ଥିଲେ ମଧ୍ୟ ଏ ପର୍ଯ୍ୟନ୍ତ ୩୦ଜଣ ଲୋକ ମରିଛନ୍ତି ବୋଲି ଜଣାପଡ଼ିଛି । ଏ ପର୍ଯ୍ୟନ୍ତ ୩୦ ଜଣଙ୍କର ଶବ ଉଦ୍ଧାର କରାଯାଇଛି ବୋଲି ପୁଲିସ ନିଶ୍ଚିତ କରିଛି । ଅନ୍ୟ ଏକ ଖବର ଅନୁସାରେ, ଏ ପର୍ଯ୍ୟନ୍ତ ୩୦ ଜଣଙ୍କର ଶବ ଉଦ୍ଧାର କରାଯାଇଛି ବୋଲି ସେ ଅଞ୍ଚଳର ସର୍କଲ ଅଫିସର୍ ସୁଭାଷ ମିଶ୍ର କହିଛନ୍ତି ।
ଶନିବାର ସକାଳେ ବସଟି ପୋଲ ଉପରୁ ନଈ ମଧ୍ୟକୁ ଖସି ପଡ଼ିଥିଲା । ସବାଇ ମାଧୋପୁରରୁ ବସଟି ଲାଲକୋଟକୁ ଯାଉଥିଲା। ଜଣେ ନାବାଳ ବସ୍ କଣ୍ଡକ୍ଟର୍ ସେଇଟିକୁ ଚଳାଉ ଥିଲା । ଅନ୍ୟ ଏକ ଗାଡ଼ିକୁ ଟପି ଯିବାକୁ ଚେଷ୍ଟା କରିବାବେଳେ ନିୟନ୍ତ୍ରଣ ହଟି ଯାଇଥିଲା । ପୋଲ ବାଡ଼ାରେ ପିଟି ହୋଇ ବସଟି ନଈକୁ ଖସି ପଡ଼ିଥିଲା। ତେବେ କ୍ରେନ୍ ସାହାଯ୍ୟରେ ବସକୁ ନଈରୁ ବାହାର କରାଯାଇଛି । ଉଦ୍ଧାର କାର୍ଯ୍ୟ ଚାଲୁ ରହିଛି ।