ଏମିତି ବି ହୁଏ ଚୋରୀ ! ଫିଲ୍ମ ଷ୍ଟାଇଲରେ ପୋଲିସ ସାମ୍ନାରୁ ଗାଡି ଭାଙ୍ଗି ଲୁଟ୍ କଲେ ଦୁର୍ବୃତ, କିନ୍ତୁ ପାଖରେ ଥାଇ ଟେର ପାଇଲେନି ପୋଲିସ ବାବୁ
କନକ ବ୍ୟୁରୋ : ସିସିଟିଭିରେ କଏଦ ହେଲେ ଲୁଟର ଲାଇଭ୍ ଦୃଶ୍ୟ । ଯୋଜନାବଦ୍ଧ ଭାବେ ୪ ଜଣ ଦୁର୍ବୃତ ଗାଡିର ଡିକି ଭାଙ୍ଗି ୩ ଲକ୍ଷ ଟଙ୍କା ଲୁଟି ନେଇଛନ୍ତି । ଦିନ ଦିପହରେ ଏପରି ଘଟଣା ଘଟିଛି ରାଉରକେଲା କଚେରୀ ରୋଡ ଅଂଚଳରେ । ସିସିଟିଭି ଭିଡିଓରେ ରେକର୍ଡ ହୋଇଛି ଲୁଟର ଲାଇଭ । କେମିତି ତିନି ଜଣ ବ୍ୟକ୍ତି ଆସି ଲୁଟି ପାଇଁ ପ୍ରସ୍ତୁତି କରିୁଛନ୍ତି । ସବୁଠାରୁ ବଡ କଥା ହେଉଛି ପାଖରେ ଦୁଇ ଜଣ ପୋଲିସ କର୍ମଚାରୀ ଉପସ୍ଥିତ ଅଛନ୍ତି ଏବଂ ତାଙ୍କ ସାମ୍ନାରେ ହେଉଛି ଲୁଟ୍ ।
Kanak News is now on WhatsApp
Join and get latest news updates delivered to you via WhatsApp
ପୋଲିସ କର୍ମଚାରୀଙ୍କ ସମ୍ମୁଖରେ ଠିଆ ହୋଇ ଜଣେ ଦୁର୍ବୃତ ମୋବାଇଲରେ କଥା ହେଉ ଥିବା ବେଳେ ଅନ୍ୟମାନେ ଡିକି ଭାଙ୍ଗି ଟଙ୍କା ଲୁଟ୍ କରୁଥିଲେ । ଲୁଟ୍ ପରେ ସେମାନେ ବାଇକରେ ବସି ଫେରାର ହୋଇଯାଇଛନ୍ତି । ଅନ୍ୟପଟେ ସେଠାରେ ଉପସ୍ଥିତ ଥିବା ପୋଲିସ କର୍ମଚାରୀ ଏହି ଲୁଟର ଟେର୍ ବି ପାଇ ପାରିନାହାନ୍ତି । ରାଉରକେଲାର ମେନ ରୋଡ ମାର୍କେଟ ଅଂଚଳ ଚଳଚଂଚଳ ଥିବା ସହ ବ୍ୟାପକ ସୁରକ୍ଷା ବ୍ୟବସ୍ଥା ଥିବା ବେଳେ ଏଭଳି ଲୁଟ ପୋଲିସ ପାଇଁ ଚ୍ୟାଲେଂଜ ।