ମହଙ୍ଗା ପଡିଲା ମଝି ଆକାଶରେ ସେଲଫି
Kanak News is now on WhatsApp
Join and get latest news updates delivered to you via WhatsApp
ସେଲଫି ନିଶାରେ ଆଜି ସମସ୍ତେ ମତୁଆଲା। ଛୋଟ ଠାରୁ ବଡ କେହି ଏଥିରୁ ବାଦ୍ ଯାଉନାହାଁନ୍ତି। ଏହି ସେଲଫି ଫଟୋ ଉଠାକୁ ନେଇ ୩ଜଣ ଇଣ୍ଡିଗୋ ପାଇଲଟଙ୍କୁ ମହଙ୍ଗା ପଡିଛି। ମନମୁଖୀ କାମ ପାଇଁ ବିମାନ ଚାଳନରୁ ବାରଣ କରାଯାଇଛି।
ଗୋଟେ ସପ୍ତାହ ପାଇଁ ସେମାନଙ୍କୁ ବିମାନ ଚାଳନରୁ ନିବୃତ କରିଛି ଭାରତର ଆଭିଏସନ ସେଫଟି ରେଗୁଲେଟର। ବିମାନର କକପିଟରେ ସେହି ୩ ପାଇଲଟ ଉଠାଉଥିଲେ ସେଲଫି ଫଟୋ। ଯାହା ପାଇଲଟଙ୍କୁ ଅନ୍ୟମନସ୍କ କରିବା ସହ ଜୀବନକୁ ବିପଦରେ ପକାଇପାରେ । ଡାଇରେକ୍ଟର ଜେନେରାଲ ଅଫ୍ ସିଭିଲ୍ ଆଭିଏସନ କିଛି ଭାରତୀୟ ପାଇଲଟଙ୍କୁ ଚେତାବନୀ ଦେଇଛନ୍ତି ଏବଂ କକପିଟରେ ମିଡ୍ ଏୟାର ସେଲଫିକୁ ସଂପୂର୍ଣ୍ଣ ବାରଣ କରିଛନ୍ତି। ଏଥିପାଇଁ ଖୁବ୍ ଶୀଘ୍ର କିଛି ଗାଇଡ ଲାଇନ୍ ଇସ୍ୟୁ କରାଯିବ ବୋଲି ସୂଚନା ମିଳିଛି ।
ଆମେରିକାର ଏୟାର ସେଫଟି ରେଗୁଲେଟର ବହୁ ଆଗରୁ ଏଥିପ୍ରତି ସଜାଗ ହୋଇଛି । କକପିଟରେ ପାଇଲଟମାନେ ବ୍ୟକ୍ତିଗତ କାର୍ଯ୍ୟ ପାଇଁ ଇଲେକ୍ଟ୍ରୋନିକ ଡିଭାଇସ ବ୍ୟବହାରକୁ ବ୍ୟାନ୍ କରିଛି ।