ପ୍ରଧାନମନ୍ତ୍ରୀ ମୋଦିଙ୍କ ଅଭିଯୋଗ ! ପାକିସ୍ତାନ ଏବଂ କଂଗ୍ରେସ ମଧ୍ୟରେ ରହିଛି ସମ୍ବନ୍ଧ , ଏକ ସମୟରେ ଦୁହେଁ ସମ୍ବିଧାନ ଧାରା ୩୭୦ର କଥା କହୁଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ପାକିସ୍ତାନ ଏବଂ କଂଗ୍ରେସ ଆର୍ଟିକଲ୍ ୩୭୦ ରେ ପରିବର୍ତ୍ତନ ଆଣିବା ବିପକ୍ଷରେ ଏକସମୟରେ କହୁଥିବା ଅଭିଯୋଗ ଲଗାଇଥିଲେ । ସେ କହିଥିଲେ ଏଭଳି ପ୍ରତୀତ ହେଉଛି ଯେ ଦୁହିଁଙ୍କ ଭିତରେ କିଛି ସାମଞ୍ଜସ୍ୟ ରହିଛି । ପ୍ରଧାନମନ୍ତ୍ରୀ କହିଥିଲେ କଂଗ୍ରେସ ନିଜ ଘୋଷଣାପତ୍ରରେ ଆର୍ଟିକେଲ୍ ୩୭୦ ର କଥା କହିଛନ୍ତି ଏବଂ ଏହାର ପରଦିନ ହିଁ ଇମରାନ୍ ଖାନ୍ ଏଥିରେ ପରିବର୍ତ୍ତନ ଆଣିବା ବିପକ୍ଷରେ ବୟାନ ଦେଇଥିଲେ । ମଣିପୁରର ଏକ ରାଲିକୁ ସମ୍ବୋଧିତ କରୁଥିବା ସମୟରେ ପିଏମ୍ ମୋଦି କହିଥିଲେ, ଯେଉଁ ଦିନ କଂଗ୍ରେସ କହିଥିଲା କୌଣସି ଆର୍ଟିକେଲ୍ ୩୭୦ କୁ ବଦଳାଇପାରିବ ନାହିଁ । ତା ପରଦିନ ପାକିସ୍ତାନ ଏହି କଥା କହିଥିଲା । ଏହା କେଉଁ ପ୍ରକାର ଗଠବନ୍ଧନ?
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ନିଜ ଘୋଷଣାପତ୍ରରେ ପ୍ରତିଶୃତି ଦେଇଛି ଯେ ଆର୍ଟିକେଲ୍ ୩୭୦ ରେ କୌଣସି ପ୍ରକାର ସାମ୍ବିଧାନିକ ପରିବର୍ତ୍ତନର ଅନୁମତି ଦିଆଯିବନାହିଁ । କଂଗ୍ରେସ ନର୍ଥ ଇଷ୍ଟରେ ଲାଗିଥିବା ଇୠଝଚଇ ଆଇନ୍ ଉପରେ ବିଚାର କରିବା ଏବଂ କାଶ୍ମୀର ଘାଟିରେ ଯବାନଙ୍କ ପହରା କମ୍ କରିବା ପାଇଁ ନିଜ ଘୋଷଣାପତ୍ରରେ କହିଛି । କଂଗ୍ରେସ ଘୋଷଣାପତ୍ର ଜାରୀ କରିବା ପରଦିନ ହିଁ ପାକ୍ ବିଦେଶ ମନ୍ତ୍ରାଳୟ ପ୍ରବକ୍ତା ମହମ୍ମଦ୍ ଫୈସଲ୍ କହିଥିଲେ , “ ଭାରତୀୟ ସମ୍ବିଧାନ ଧାରା ୩୭୦ କୁ ସମାପ୍ତ କରିବା ୟୁଏନ୍ ରିସଲ୍ୟୁସନ୍ ର ବିରୋଧ ହେବ । ଆମେ କୌଣସି ସ୍ଥିତିରେ ଏହାକୁ ସ୍ୱୀକାର କରିବୁ ନାହିଁ ଏବଂ କାଶ୍ମୀର ମଧ୍ୟ ଏହାକୁ ସ୍ୱୀକାର କରିବ ନାହିଁ । ରବିବାର ମୋଦିଙ୍କ ବୟାନ ଆର୍ଟିକେଲ୍ ୩୭୦ ଉପରେ କଂଗ୍ରେସ ଏବଂ ପାକିସ୍ତାନର ଷ୍ଟାଣ୍ଡକୁ ଯୋଡିବାକୁ ଯାଇ ମୋଦି ଏହି ଆରୋପ ଲଗାଇଥିଲେ ।